"White House" கடைசில எலான் மஸ்க் இங்கேயே வந்துட்டாரா..! அதிபராகும் டிரம்ப்-ன் ஸ்பெஷல் ஏற்பாடு..!

அமெரிக்க அதிபர் தேர்தலில் டொனால்டு டிரம்ப்-க்கு 250 மில்லியன் டாலர் நிதியுதவி செய்தது மட்டும் அல்லாமல் டிவிட்டரை டிரம்ப்-க்கும், டிரம்ப் ஆதரவாளர்களுக்குப் பிரச்சார பீரங்கியாக மாற்றினார் எலான் மஸ்க். இதற்கு நன்றி தெரிவிக்கும் வகையில் டிரம்ப் எலான் மஸ்க்கிற்கு DOGE அமைப்பின் தலைமை பொறுப்பு வழங்கியுள்ளார்.

இந்த டோஜ் அமைப்பு அரசு அமைப்பு இல்லை, அரசு நிர்வாகத்திற்கு வெளியில் இயங்கும் ஒரு திங்க் டேங்க் அமைப்பு போன்றது. அதேவேளையில் அரசுடனும், அரசு அதிகாரிகளுடனும் நெருக்கமாக ஒன்றிணைந்து இயங்கும் ஒரு அமைப்பாகும். இதனால் வெள்ளை மாளிகையில் டோஜ் அமைப்புக்கும், எலான் மஸ்க்கிற்கும் அலுவலகம் அளிக்கப்பட்டு உள்ளது.

டொனால்டு டிரம்ப் தலைமையிலான புதிய நிர்வாகத்தின் கீழ் அமெரிக்க அரசின் செலவினங்களை ஒழுங்குபடுத்தும் நோக்கில் 'அரசாங்க செயல்திறன் துறை'யை (Department of Government Efficiency - DOGE) தலைமையேற்று நடத்தும் எலான் மஸ்க், வெள்ளை மாளிகை வளாகத்திற்குள் தனக்கென ஒரு அலுவலகத்தைப் பெற உள்ளார்.

வெள்ளை மாளிகைக்கு அருகிலேயே அமைந்துள்ள ஐசன்ஹவர் நிர்வாக அலுவலகக் கட்டடத்தில் (Eisenhower Executive Office Building) எலான் மஸ்க் அலுவலக இடத்தைப் பயன்படுத்துவார் என்று தகவல்கள் தெரிவிக்கின்றன.

ஏற்கனவே அதிபராகும் டிரம்ப் உடன் சிறந்த நட்பைக் கொண்டிருக்கும் எலான் மஸ்க் கடந்த 3 மாத காலத்தில் அவரது குடும்பத்தில் ஒரு உறுப்பினராக மாறியுள்ளார். இந்த நிலையில் அவர் அதிபரான பின்பும் இந்த அலுவலகம் மூலம் நெருக்கமான தொடர்பு கிடைக்கும்.

இதுமட்டும் அல்லாமல் அரசாங்க ஒப்பந்தங்களில் கணிசமான அளவு கொண்டிருக்கும் எலான் மஸ்க் நிறுவனங்களுக்கு அரசாங்கத்தின் உயர்மட்டத்துடன் தொடர்ந்து நெருக்கமான தொடர்பை உருவாக்க இந்த அலுவலகம் முக்கிய வாய்ப்பாக இருக்கும்.

கடந்த 5 மாதமாக எலான் மஸ்க் பல முறை டிரம்ப்-ன் Mar-a-Lago ரெசார்ட்டில் பல முறையைப் பயன்படுத்தியுள்ளார். சில முறை தனிப்பட்ட விஷயங்களுக்காகவும், பல முறை அரசியல், அலுவலக ரீதியாகவும் பயன்படுத்தியுள்ளார் என்பது குறிப்பிடத்தக்கது. இதன் நீட்சியாக ஐசன்ஹவர் கட்டிடத்தில் அலுவலகத்தைப் பெற்று டிரம்ப்-க்கு தொடர்ந்து நெருக்கமாகவே இருக்கப்போகிறார் மஸ்க்.

எலான் மஸ்க் வெஸ்ட் விங் (West Wing) வரை செல்ல அனுமதிக்கப்படுவாரா மற்றும் புதிய டிரம்ப் நிர்வாகத்தில் அவர் என்ன பங்கை வகிப்பார் என்பது இன்னும் முடிவு செய்யப்படவில்லை. இருப்பினும், அவர் வெள்ளை மாளிகையுடன் நெருக்கமான தொடர்பைப் பெற இந்த டோஜ் அலுவலகம் போது. தற்போது DOGE அலுவலகம் எலான் மஸ்க்-ன் ஸ்பேஸ்எக்ஸ் நிறுவனத்தில் இருந்து இயங்கி வருகிறது.

DOGE அமைப்பை எலான் மஸ்க் மற்றும் இந்திய வம்சாவளியை சேர்ந்த விவேக் ராம்சவாமி தலைமையில் இயங்கும் ஒரு அமைப்பாகும். இந்த நிலையில் விவேக் ராம்சவாமி-க்கு வெள்ளை மாளிகை வளாகத்தில் அலுவலக இடம் இருக்குமா என்பது இன்னும் தெளிவாகவில்லை.