'Meta' புதிய பெயருடன் வரும் பழைய 'Facebook'.. பெயரை மாற்றியது ஏன் ?

பேஸ்புக்

பேஸ்புக் என்பது இந்நிறுவனத்தின் முக்கியமான வர்த்தகப் பொருளாக இருந்தாலும் இந்தப் பெயரின் கீழ் தான் வாட்ஸ்அப், இன்ஸ்டாகிராம், அகுலஸ் ஆகிய அனைத்து நிறுவனங்களும் உள்ளது. இந்நிலையில் அனைத்து நிறுவனத்தையும் இணைக்கும் ஒரு ஹோல்டிங் நிறுவனத்தை உருவாக்க வேண்டும் என்பதற்காக Meta எனப் பெயரில் நிறுவனம் உருவாக்கப்பட்டு உள்ளது.

Meta பெயர் மாற்றம்

இப்புதிய மாற்றத்தின் கீழ் இனி வாட்ஸ்அப், இன்ஸ்டாகிராம், அகுலஸ் ஆகிய நிறுவனங்களைப் போலப் பேஸ்புக்-ம் ஒரு தனிக் கிளை நிறுவனமான மெட்டா-வின் கீழ் இயங்கும். இதேபோலத் தான் கூகுள் நிறுவனம் தனது நிர்வாகம் அனைத்தையும் ஆல்பபெட் என்ற நிறுவனத்தின் கீழ் கொண்டு வந்தது.

குற்றச்சாட்டுகள்

மக்களும், அரசும் பேஸ்புக் மற்றும் இன்ஸ்டாகிராம் செயலிகள் மீது அதிகளவிலான குற்றச்சாட்டுகளை வைத்து வருவது மட்டும் அல்லாமல் இளம் தலைமுறையினர் அதிகளவில் இந்தச் சமுகவலைதளத்தில் இயங்கி வரும் காரணத்தால் இதில் இருந்து பிற நிறுவனங்களைக் காப்பாற்ற வேண்டும் என்ற திட்டத்துடன் Meta என்ற ஹோல்டிங் நிறுவனம் உருவாக்கப்பட்டு உள்ளது.

மார்க் ஜூக்கர்பெர்க்

இதுக்குறித்து மார்க் ஜூக்கர்பெர்க் கூறுகையில் விர்ச்சுவல் ரியாலிட்டி வர்த்தகத்தை மையமாக வைத்து பேஸ்புக் பெயரை மெட்டா எனப் பெயர் மாற்றியுள்ளோம், மெட்டா நிறுவனம் மெட்டாவெர்ஸ் உருவாக்குவதில் பெரிய அளவில் உதவி செய்ய உள்ளது.

3டி முறையில் மக்களை இணைப்பு

சமுக வலைத்தளத்தில் இனி 3டி முறையில் மக்களை இணைக்க முடியும். இது சமூகவலைத்தளத்தின் 2வது அத்தியாயம் என மார்க் ஜூக்கர்பெர்க் தெரிவித்துள்ளார். பேஸ்புக், வாட்ஸ்அப், இன்ஸ்டாகிராம் மீது எவ்வளவு விமர்சனம் இருந்தாலும் தொடர்ந்து வளர்ச்சி அடைந்து வருகிறது.