இந்தியாவின் வளர்ச்சி இப்படித்தான் இருக்கும்.. கவலை அளிக்கும் கணிப்பு..!

டெல்லி: இந்தியாவின் வளர்ச்சி விகிதமானது நடப்பு நிதியாண்டில் குறையும் என ஃபிட்ச் ரேட்டிங்ஸ் கணித்துள்ளது.

இது முன்னதாக 7.8% ஆக மதிப்பிடப்பட்டிருந்த நிலையில், தற்போது அதனை 7% ஆக குறைத்துள்ளது.

இது அடுத்த நிதியாண்டில் இன்னும் குறைந்து 6.7% ஆக இருக்கலாம் என்றும் கணித்துள்ளது. இந்த விகிதமானது முன்னதாக 7.4% ஆக மதிப்பிடப்பட்டிருந்தது குறிப்பிடத்தக்கது.

என்ன காரணம்?

இரண்டாவது காலாண்டில் இந்தியாவின் வளர்ச்சி விகிதமானது 13.5% ஆக வளர்ச்சி கண்டிருந்தது. எனினும் இது 18.5% என்ற எதிர்பார்ப்பினை விட குறைவாகவே இருந்தது.சர்வதேச சந்தையில் நிலவி வரும் பதற்றமான நிலைக்கு மத்தியில் பல சர்வதேச நாடுகளும் மந்த நிலையை எதிர்கொள்ளும் என்ற அச்சம் நிலவி வருகின்றது. இதற்கிடையில் தான் இந்தியாவின் வளர்ச்சி விகிதமும் குறையலாம் என எதிர்பார்க்கப்படுகிறது.

வட்டி அதிகரிக்கும்

ரிசர்வ் வங்கியானது பணவீக்கத்தினை குறைக்கும் நடவடிக்கையில் கவனம் செலுத்த உள்ளதாக கூறிவருகின்றது. இதற்கிடையில் ஃபிட்ச்- ம் வட்டி விகிதத்தினை தொடர்ந்து மத்திய வங்கி அதிகரிக்கலாம் என எதிர்பார்க்கிறது. இந்த ஆண்டு முடிவுக்குள் வட்டி விகிதம் 5.9% எட்டலாம் என எதிர்பார்க்கப்படுகிறது. இது பணவீக்கத்தினை குறைப்பதில் முக்கிய பங்கு வகிக்கலாம் என எதிர்பார்க்கப்படுகிறது.

பொருளாதார வளர்ச்சியில் தாக்கம்

எனினும் பொருளாதார வளர்ச்சியில் தாக்கத்தினை ஏற்படுத்தலாம் என எதிர்பார்க்கப்படுகிறது. அடுத்த ஆண்டில் மத்திய வங்கியாளர்கள் வட்டி விகிதத்தினை 6% ஆக கூட அதிகரிக்கலாம். இது ஆச்சரியப்படுவதற்கில்லை.சர்வதேச அளவில் நிலவி வரும் நிலைக்கு மத்தியில் மத்திய வங்கி பணவியல் கொள்கையில் கட்டுப்பாடுகளை விதிப்பதை தவிர வேறு வழியில்லை.

சர்வதேச வளர்ச்சி

சர்வதேச வளர்ச்சி விகிதமானது 2.4% ஆக வளர்ச்சி காணலாம் என பிட்ச் கணித்துள்ளது. இது முந்தைய கணிப்பினை விட 0.5% குறைவாகும். இதே 2023ம் ஆண்டில் 1.7% மட்டுமே வளர்ச்சி காணலாம் எனவும், இதனை முந்தைய கணிப்பினை காட்டிலும் 1% குறைத்தும் உள்ளது.

 

ரெசசன்

இது ஐரோப்பிய நாடுகள், இங்கிலாந்து உள்ளிட்ட நாடுகள் ரெசசனை எதிர்கொள்ளலாம் என்ற அச்சம் இருந்து வருகின்றது. இதே 2023ன் நடுப்பகுதியில் ரெசசன் வரலாம் என்ற அச்சம் உள்ளது. குறிப்பாக ஐரோப்பிய நாடுகள் மோசமான தாக்கத்தினை காணலாம் என்றும் பிட்ச் கணிப்பு எச்சரித்துள்ளது.