டெல்லி: தான் எதை கையில் எடுத்தாலும் அதை வெற்றி காணும் திறன் கொண்ட, உலக பில்லியனர்களில் ஒருவர் தான் முகேஷ் அம்பானி. தற்போது கூகுளின் நிறுவனர்கள் லாரி பேஜ் மற்றும் செர்ஜி பிரின் இருவரையும் விட முகேஷ் அம்பானி முன்னணியில் உள்ளாராம்.
அப்படி என்ன விஷயம்? எதில் முன்னணி என்று கேட்கிறீர்களா? அதை பற்றித் தான் பார்க்கப் போகிறோம் வாருங்கள்.
கடந்த வியாழக்கிழமையன்று முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு (market capitalisation) 10 லட்சம் கோடி ரூபாயை தாண்டியுள்ளது. இதன் மதிப்பு சுமார் 60.5 பில்லியன் டாலராகும். இதே கூகுள் நிறுவனர்கள் லாரி பேஜ் மற்றும் செர்ஜி பிரின் மதிப்பு சுமார் 59.6 பில்லியன் டாலரும், 57.5 பில்லியன் டாலரும் உள்ளது.
இந்த வகையில் அம்பானி உலகின் 9-வது பணக்காரர் ஆகவும், லாரி பேஜ் மற்றும் செர்ஜி பிரின் முறையே 10-வது மற்றும் 11-வது இடத்தில் உள்ளனர்.
இந்த பட்டியலில் அமேசான் நிறுவனர் ஜெஃப் பெசோஸ் முதலிடத்தில் உள்ளார். இவரை அடுத்து முறையாக பெர்னார்ட் அர்னால்ட் மற்றும் குடும்பத்தினர், பில்கேட்ஸ், வாரன் பஃப்பெட், மார்க் ஜூக்கர்பெர்க், லாரி எலிசன், அமான்சியோ ஒர்டேகா, கார்லோஸ் ஸ்லிம் ஹெலு மற்றும் குடும்பத்தினர், முகேஷ் அம்பானி மற்றும் லாரி பேஜ் ஆகியோர் உள்ளனர்.
இந்த ஆண்டு மார்ச் மாதம் வெளியிடப்பட்ட ஃபோர்ப்ஸ் 2019 பணக்கார பட்டியலில், முகேஷ் அம்பானி 50 பில்லியன் டாலர் மதிப்புடன் நான்காவது முறையாக 13-வது இடத்தை பிடித்திருந்தார்.
ஜெஃப் பெசோஸ், மார்க் ஜூக்கர்பெர்க், ஜாக் மா ஆகியோருக்கு பிறகு, ரிலையன்ஸ் இண்டஸ்ட்ரீஸ் நிறுவனத்தின் முகேஷ் அம்பானி நான்காவது இடத்தில் இருப்பது குறிப்பிடத்தக்கது. இவர் பங்கு சந்தையின் தந்தை எனக் கூறப்படும் வாரன் பஃபெட்டை விட முன்னணியில் இருப்பது குறிபிடத்தக்கது.
வியாழக்கிழமையன்று முகேஷ் அம்பானியின் ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு 10,01,270 கோடி ரூபாயாகும். இந்த நிலையில் ரிலையன்ஸ் இண்டஸ்ட்ரீஸ் நிறுவனத்தின் பங்கு விலை 1581 ரூபாயாகவும் வர்த்தகமாகி வருகிறது. இது கடந்த புதன் கிழமையன்று முடிவில் 1569.75 ரூபாயாக பிஎஸ்இ-யில் இருந்தது.