3000 பேர் பணி நீக்கமா.. ஃபோர்டின் அதிரடி முடிவு.. இந்தியர்கள் எத்தனை பேர்

ஃபோர்டு மோட்டார்ஸ் நிறுவனம் 3,000 சம்பளதாரர்கள் மற்றும் ஒப்பந்த பணியாளர்களை பணி நீக்கம் செய்யவுள்ளதாக தகவல்கள் வெளியாகியுள்ளது.

ஃபோர்டு நிறுவனத்தின் இந்த பணி நீக்க நடவடிக்கையானது வட அமெரிக்கா மற்றும் இந்தியாவில் இருக்கலாம் என எதிர்பார்க்கப்படுகிறது.

தனது வாகனத் தொழிலை மின்சார துறைக்கு மாற்ற திட்டமிடும் போர்டு நிறுவனம், பல மறு சீரமைப்பு திட்டங்களை செயல்படுத்தி வருகின்றது.

ஏன் பணி நீக்கம்

மின்சார வாகன துறைக்கு நிறுவனம் மாறுவதால், அதன் பணியாளர்கள் அதற்கான திறனைக் கொண்டிருக்கவில்லை என்று பல மாதங்களாகவே கூறப்பட்டு வருகின்றது. இதற்கிடையில் தான் நிறுவனம் பணி நீக்க நடவடிக்கையினை கையில் எடுத்திருக்கலாம் என எதிர்பார்க்கப்படுகிறது.

ரெசசன்

இது சர்வதேச அளவில் ரெசசன் அச்சம் அதிகரித்து வரும் நிலையில், நிறுவனங்கள் பிரச்சனையை எதிர்கொள்ளலாம் என எதிர்பார்க்கப்படுகிறது. இதனால் நிறுவனங்கள் செலவினங்களை குறைக்க நடவடிக்கை நடவடிக்கை எடுக்க தொடங்கியுள்ளன. ஆக பணி நீக்கத்திற்கு இதுவும் ஒரு முக்கிய காரணமாக உள்ளது.

எந்த நாட்டில் ?

ஃபோர்டு நிறுவனத்தின் இந்த பணி நீக்க நடவடிக்கையில் கனடா, இந்தியா, அமெரிக்காவினை சேர்ந்த ஊழியர்கள் இந்த பணி நீக்க நடவடிக்கையில் அடங்குவர் என தெரிவிக்கப்பட்டுள்ளது.

எனினும் எந்த நாட்டில் எவ்வளவு ஊழியர்கள் என்பது குறித்தான விவரங்கள் வெளியாகவில்லை.

பணி நீக்கம்

இந்த பணி நீக்கத்தில் 2000 சம்பளதாரர்களும், 1000 ஏஜென்சி வேலைகளும் அடங்கும் என அறிவிக்கப்பட்டுள்ளது. எதிர் கால நலன் கருதி இந்த நடவடிக்கைகள் அவசியமான ஒன்று. இதற்கு தெளிவு கவனம், வேகம் என்பது தேவை. நாங்கள் சமீபத்திய மாதங்களாக போட்டியாளர்களுக்கு ஏற்றவாறு எங்களது கட்டமைப்புகளை உருவாக்கி வருகின்றோம்.

இந்தியாவில் இருந்து வெளியேற்றம்

சமீபத்திய மாதங்களுக்கு முன்பு 8000 பேருக்கு மேலாக பணி நீக்கம் செய்ய விரும்புவதாக கூறியது குறிப்பிடத்தக்கது. எனினும் அதிலிருந்து பின் வாங்கியது. இதன் மறுசீரமைப்பு திட்டத்தின் ஒரு பகுதியாக இந்தியாவில் இருந்தும் வெளியேறியது குறிப்பிடத்தக்கது. இதனால் இந்தியாவில் இதன் பெரும்பாலான பணி நீக்கம் இருக்கலாமோ என்ற அச்சமும் எழுந்துள்ளது. எனினும் இது குறித்த அதிகாரப்பூர்வ அறிவிப்புகள் இல்லை.