மேனேஜரின் பொய் வாக்குறுதிகள்.. 0% ஹைக்.. பதிவு உயர்வும் இல்லை.. புலம்பும் டெக்கி.!!

பல வருட கடின உழைப்பு மற்றும் அர்ப்பணிப்புக்குப் பிறகும், தனது மேனேஜரால் தான் தவறாக வழிநடத்தப்பட்டதாகக் குற்றம் சாட்டிய ஒரு சாஃப்ட்வேர் இன்ஜினியர். ரெடிட்டில் (Reddit) தனது அனுபவத்தைப் பகிர்ந்து கொண்டார். தனது மேஜேனர் பொய்யான உறுதிமொழிகள் சவப்பெட்டியில் அடிக்கப்பட்ட இறுதி ஆணி என்று கூறி, தனது விரக்தியை வெளிப்படுத்தியுள்ளார்.

கடினமான ஆரம்பம் மற்றும் நீண்ட வேலை நேரம்: 2021 ஆம் ஆண்டில் ஒரு தயாரிப்பு சார்ந்த நிறுவனத்தில் புதியவராக தனது வாழ்க்கையைத் தொடங்கிய அந்த ஊழியர், ஆண்டுக்கு 13 LPA என்ற ஆரம்ப தொகுப்பு நம்பிக்கைக்குரியதாகத் தோன்றினாலும், விரைவில் அது ஒரு போராட்டமாக மாறியது என்று கூறினார்.

அதிகப்படியான வேலை நேரம்: ஐரோப்பிய டைம் ஜோனிற்கு ஏற்ப அவரது அதிகாரப்பூர்வ நேரம் காலை 11 மணி முதல் இரவு 8 மணி வரை இருந்தபோதிலும், அவர் வழக்கமாக இந்திய நேரப்படி அதிகாலை 1 மணி வரை வேலை செய்ய வேண்டியிருந்தது.

மேஜேனருடன் மோதல்: 2-3 வருட கடின உழைப்புக்குப் பிறகு, நான் என் மேஜேனரிடம் இந்த பிரச்சனையை எதிர்கொண்டதாகவும், இறுதியில் இரவு நேர வேலை மற்றவர்களுக்கு மாற்றப்பட்டது என்றும் அவர் தனது பதிவில் ஆதங்கமாக வெளியிட்டுள்ளார்.

பதவி உயர்வு குறித்த நிறைவேறாத வாக்குறுதிகள்: நான்கு வருட அனுபவத்தை அடைந்ததும், அவரது மேலாளர் வாய்மொழியாக பதவி உயர்வு அளிப்பதாக உறுதியளித்ததாக அந்த ஊழியர் விளக்கினார். ஆனால் பொய் வாக்குறுதி என கூறினார்.

குறைந்த சம்பளம்: அவரது சம்பளம் 15 LPA ஆக மட்டுமே உயர்ந்தாலும், அதே அனுபவமுள்ள சக ஊழியர்கள் 18 LPA வரை சம்பாதித்தனர். இதுவே அவருக்கு ஒரு ஏமாற்றமாக இருந்தது.

0% சம்பள உயர்வு மற்றும் RSU இல்லை: சவப்பெட்டியில் இறுதி ஆணி என்ற குறிப்பிட்ட அவர், பதவி உயர்வை மறந்துவிடுங்கள். எனக்கு 0% உயர்வு வழங்கப்பட்டது. நான் 4 YOE (Years of Experience) ஐ அடைந்தபோது இப்போது RSU (Restricted Stock Units) இல்லை. அதே நேரத்தில் எனது சக ஊழியர்களுக்கு 13% - 15% உயர்வு அல்லது 10K டாலர் RSU கிடைத்தது என்று அவர் தனது விரக்தியை வெளிப்படுத்தினார்.

பொய்யான காரணங்கள்: "AI (Artificial Intelligence) காரணமாக நிறுவனம் நிச்சயமற்ற காலங்களில் இருப்பதாகவும், நிச்சயமற்ற காலங்களில் நாம் செல்லும்போது நான் பொறுமையாக இருக்க வேண்டும் என்றும், அடுத்த சுழற்சியில் நிச்சயமாக 'முயற்சிப்பேன்' என்றும் எனக்குச் சொல்லப்பட்டது.

மேலாளரின் தந்திரம் மற்றும் சக ஊழியர்களின் நிலை: இறுதியில், தனது மேலாளர் முழு தக்கவைப்பு பட்ஜெட்டையும் (retention budget) முக்கியமானதாகக் கருதப்படும் தேர்ந்தெடுக்கப்பட்ட குழுவிற்கு திருப்பிவிட்டதாகவும், மற்றவர்களுக்கு வெற்று வாக்குறுதிகளை அளித்ததாகவும் அந்த ஊழியர் குற்றம் சாட்டினார்.

தக்கவைப்பு பட்ஜெட் என்பது அனைவருக்கும் ஒரே மாதிரியாக இருக்காது என்பது எனக்குத் தெரியும், ஆனால் மற்ற சக ஊழியர்களைவிட 13-15% உயர்வு அல்லது $10K RSU கிடைத்தபோது எனக்கு 0% கிடைத்தால், அதை வெறும் வெற்று வாக்குறுதிகள் என்றுதான் கூற முடியும் என்று அவர் தனது ஆதங்கத்தை வெளிப்படுத்தினார்.

இந்த ஊழியரின் பதிவு ஆன்லைனில் பெரும் விவாதத்தைத் தூண்டியுள்ளது. பல தொழில் வல்லுநர்களும் இதேபோன்ற பணியிட விரக்திகளை எதிரொலிக்கின்றனர். இது பல நிறுவனங்களில் நிலவும் நியாயமற்ற நடைமுறைகள் மற்றும் ஊழியர்களின் மன உளைச்சல் குறித்த ஒரு முக்கியமான விவாதத்தைத் தொடங்கியுள்ளது.