அமெரிக்க மீடியா துறையை கலக்கப்போகும் இந்திய பெண் அஞ்சலி..!

அமெரிக்க கார்ப்பரேட் உலகில் இந்தியர்கள் அசத்தி வரும் வேளையில், அடுத்த மகுடமாக திங்கட்கிழமை மாலை அந்நாட்டின் பிரபல மீடியா நிறுவனமான பாக்ஸ் கார்ப் தனது ஸ்ட்ரீமிங் டிவி சேவையான TUBI-யின் தலைமை நிர்வாக அதிகாரியாக அஞ்சலி சுட் என்பவரை நியமிக்க உள்ளதாக அறிவித்துள்ளது. அஞ்சலி சுட் இதற்கு முன்பு வீடியோ ஷேரிங் தளமான Vimeo நிறுவனத்தின் தலைவராக இருந்தார்.

இலவச ஸ்ட்ரீமிங் டிவி சேவையான TUBI-யின் தலைவராக செப்டம்பர் 1 ஆம் தேதி அஞ்சலி சுட் தனது பணியை துவங்க உள்ளார். இப்பதவியில் இதற்கு முன்பு இருந்தது TUBI-யின் நிறுவனர் Farhad Massoudi, மேலும் அஞ்சலி தற்போது TUBI மீடியா குரூப் சிஇஓ Paul Cheesbrough கீழ் பணியாற்ற உள்ளார்.

வீமியோ - Vimeo என்னும் ஸ்ட்ரீமிங் நிறுவனத்தில் சுமார் 9 வருடம் தலைமை பொறுப்பில் பணியாற்றி வந்த அஞ்சலி சுட் சமீபத்தில் தனது பதவியை ராஜினாமா செய்தார். இந்த நிலையில் தான் தற்போது TUBI-யின் தலைமை நிர்வாக அதிகாரியாக அஞ்சலி சுட் நியமிக்கப்பட உள்ளதாக அறிவிப்புகள் வெளியாகியுள்ளது. வீமியோ-க்கு முன்பு டைம் வார்னர் மற்றும் அமேசான்.காம் ஆகிய நிறுவனத்தில் பணியாற்றியுள்ளார்.

இதன் மூலம் பாக்ஸ் கார்ப் பங்குகள் அதிகரித்துள்ளது, ஏப்ரல் மாதத்தில் தான் FOX குரூப் TUBI மீடியா குரூப்-ஐ தனியாக பிரித்து அதிகப்படியான முதலீட்டையும், கவனத்தையும் ஈர்த்தது. அமெரிக்காவில் அதிகப்படியானோர் பார்க்கும் டிவி ஸ்ட்ரீமீங் சேவையாக TUBI உள்ளது, இந்நிறுவனம் 2014ல் உருவாக்கப்பட்டு, 2020ல் FOX GROUP சுமார் 440 மில்லியன் டாலருக்கு வாங்கியது.