பிடெக்.. விப்ரோவில் பணி ஆர்டர்.. ரூ.300-க்கு கட்டிட வேலைக்கு செல்லும் பிரெஷ்ஷர்.. ஏன்?

ஐடி துறையில் சர்வதேச அளவில் நிலவி வரும் மந்த நிலைக்கு மத்தியில் சமீபத்திய காலமாகவே மெதுவான வளர்ச்சியே காணப்படுகின்றது. இந்த காலகட்டத்தில் ஐடி நிறுவனங்கள் மறுசீரமைப்பு நடவடிக்கையினை எடுத்து வருகின்றன.

பல நிறுவனங்களும் ஏற்கனவே புதிய பணியமர்த்தலை நிறுத்தி வைத்துள்ளன. சம்பள குறைப்பு, ஆள்குறைப்பு என பல நடவடிக்கைகளை எடுத்து வருகின்றன.

தற்போது ஏற்கனவே கேம்பஸ் இண்டர்வியூ மூலம் தேர்வு செய்யப்பட்டவர்களையும், பல மாதங்கள் கடந்தும் பணிக்கு அழைக்கவில்லை என்ற நிலை இருந்து வருகின்றது.

விப்ரோவில் தேர்வான மாணவர்

நடப்பு ஆண்டில் பட்டப்படிப்பினை முடித்த பட்டதாரி மாணவர் ஒருவர், விப்ரோவின் மூலம் பணிக்கும் தேர்வு செய்யப்பட்டுள்ளார், இவர் சம்பளமில்லாத இரண்டு மாத இண்டர்ஷிப்பினையும் செய்துள்ளார்.

எனினும் இந்த திட்டம் முடிவடைந்த நிலையில் வேலையில் எப்போது சேர வேண்டும் என்ற கேள்விக்கு மத்தியில், விப்ரோ நிறுவனம் தேர்தெடுக்கப்பட்ட விண்ணப்பதாரர்களை ஒவ்வொரு கட்டமாக தேர்வு செய்து வருவதாக தெரிவித்துள்ளது.

பிடெக் படித்து விட்டு கட்டுமான பணி

நான் பிடெக் (ரவி) படித்துள்ளேன். விப்ரோவிலும் பணிக்கு தேர்தெடுக்கப்பட்டேன். ஆனால் தற்போது ஒரு கட்டுமான தளத்தில் 300 ரூபாய் சம்பளத்தில் தொழிலாளியாக பணிபுரிந்து வருகிறேன். இது என்ன நியாயம் என விரக்தியில் பேசியுள்ளார்.

மணி கண்ட்ரோலில் வெளியான அறிக்கையில், ரவி போன்ற ஏராளமானவர்களில் ரவியும் ஒருவர். அவர் மேலும் கல்விக்கடனையும் செலுத்த வேண்டிய நிலைக்கு கொண்டாடப்பட்டு வருகின்றனர்.

டெக் மகேந்திராவிலும் இதே நிலை

வேலைக்கான ஆஃபர் கிடைத்து பல மாதங்கள் ஆகிவிட்டது. ஆனால் இதுவரையில் வேலை கிடைக்கவில்லை என்று புலம்புகிறார் ரவி.

இதேபோன்ற நிலை தான் டெக் மகேந்திரா நிறுவனத்திலும் நிலவி வருகின்றது. டெக் மகேந்திராவில் இரண்டு ஆண்டுகளுக்கு முன்பே பட்டம் பெற்ற பட்டதாரிகள், இன்னும் வேலையில் இணையவில்லை. தற்போதும் காத்துக் கொண்டுள்ளனர்.

ஏன் இந்த பிரச்சனை

ஐடி நிறுவனங்களின் இந்த தாமதமான நடவடிக்கையானது அமெரிக்கா மற்றும் ஐரோப்பாவில் நிலவி வரும் மந்த நிலைக்கு மத்தியில், ரெசசன் அச்சம் இருந்து வருகின்றது. இது இந்திய ஐடி துறையில் பெரும் தாக்கத்தினை ஏற்படுத்தியுள்ளது.

ரவி போன்ற ஏராளமான மாணவர்களுக்கும் இதுபோன்ற நிலை இருந்து வருகின்றது.

குடும்பத்தினரே நம்பவில்லை

இது குறித்து ரவி தனக்கு வேலை கிடைத்ததை ஆரம்பத்தில் கூறியபோது தனது குடும்பத்தினர் மகிழ்ச்சி அடைந்தனர். ஆனால் தற்போது அது உண்மை தானா எனும் விதமாக சந்தேகமாக கேள்வி எழுப்புகின்றனர் என கவலையுடன் கூறியுள்ளார்.