80 பில்லியன் டாலர் இழப்பு.. 30வது இடத்திற்கு வீசப்பட்ட கௌதம் அதானி..!

உலக பணக்காரர்கள் பட்டியலில் எந்த அளவுக்கு வேகமாக வளர்ந்தாரோ அதைவிட பல மடங்கு வேகத்தில் சொல்லப்போனால் வெறும் ஒரு மாத காலத்தில் கௌதம் அதானி 3வது இடத்தில் இருந்து 30வது இடத்திற்கு தூக்கி வீசப்பட்டு உள்ளார்.

கடந்த ஒரு வருடத்தில் கௌதம் அதானியின் மொத்த சொத்து மதிப்பை ஒப்பிடுகையில் சுமார் 80 பில்லியன் டாலருக்கும் அதிகமான சரிவை சந்தித்துள்ளார்.

இதன் மூலம் உலக பணக்காரர்கள் பட்டியலில் 4 வருடத்தில் 3வது இடம் வரையில் உயர்ந்த கௌதம் அதானி தற்போது வெறும் 39.9 பில்லியன் டாலர் சொத்து மதிப்புடன் உள்ளார்.

ப்ளூம்பெர்க் பில்லியனர் இன்டெக்ஸ்

இன்றைய வர்த்தக முடிவில் ப்ளூம்பெர்க் பில்லியனர் இன்டெக்ஸ் பட்டியல் படி கௌதம் அதானி 39.9 பில்லியன் டாலர் உடன் உலகின் 30வது பெரும் பணக்காரராக உள்ளார், இதேபோல் போர்ப்ஸ் ரியல் டைம் பில்லியனர் இன்டெக்ஸை பொருத்த வரையில் 33.7 பில்லியன் டாலர் சொத்து மதிப்புடன் 37வது இடத்தில் உள்ளார்.

முகேஷ் அம்பானி

போர்ப்ஸ் பட்டியல் படி முகேஷ் அம்பானி 8வது இடத்தில் 84.1 பில்லியன் டாலர் சொத்து மதிப்புடன் உள்ளார், கௌதம் அதானி 37வது இடத்தில் வெறும் 33.7 பில்லியன் டாலருடன் உள்ளார். இதன் மூலம் முகேஷ் அம்பானி - கௌதம் அதானிக்கும் மத்தியிலான சொத்து மதிப்பு வித்தியாசம் 50 பில்லியன் டாலர்.

வித்தியாசம்

போர்ப்ஸ் பட்டியல் படி முகேஷ் அம்பானி 8வது இடத்தில் 84.1 பில்லியன் டாலர் சொத்து மதிப்புடன் உள்ளார், கௌதம் அதானி 37வது இடத்தில் வெறும் 33.7 பில்லியன் டாலர் உடன் உள்ளார். இதன் மூலம் முகேஷ் அம்பானி - கௌதம் அதானிக்கும் மத்தியிலான சொத்து மதிப்பு வித்தியாசம் 50 பில்லியன் டாலர்.

ஹிண்டன்பர்க் ரிசர்ச் அறிக்கை

ஹிண்டன்பர்க் ரிசர்ச் அறிக்கை வெளியான பின்பு கௌதம் அதானி சொத்து மதிப்பில் இதுவரை 80.60 பில்லியன் டாலர் இழப்பை எதிர்கொண்டது மூலம் உலகின் டாப் 500 பணக்காரர்களில் மிகவும் மோசமாகப் பாதிக்கப்பட்டவராக கௌதம் அதானி உருவெடுத்துள்ளார்.

10 நிறுவனங்கள்

கௌதம் அதானி தலைமையிலான அதானி குழுமத்தில் பல நிறுவனங்கள் இருந்தாலும் பங்குச்சந்தையில் 10 நிறுவனங்கள் மட்டுமே உள்ளது. இதில் அதானி எண்டர்பிரைசஸ் லிமிடெட் மற்றும் மற்ற ஒன்பது அதானி குழும நிறுவனங்களும் ஹிண்டன்பர்க் ரிசர்ச் அறிக்கை வெளியான பின்பு அதிகப்படியான சரிவை சந்தித்துள்ளது.

மோசமான நிறுவனம்

அதானியின் விஷயத்தில், ஹிண்டன்பர்க் ரிசர்ச் மூலம் பங்குக் கையாளுதல் மற்றும் கணக்கு மோசடி குற்றச்சாட்டுகளைத் தொடர்ந்து அவரது 10 குழுமப் பங்குகளும் கடுமையாகப் பாதிக்கப்பட்டுள்ளன, ஜனவரி 24 முதல் BSE500 குறியீட்டில் அதிகம் பாதிக்கப்பட்ட டாப் 10 நிறுவனங்களில் 7 நிறுவனங்கள் அதானி குழுமப் பங்குகள் என்பது அதிர்ச்சி அளிக்கும் விஷயம்.

முக்கிய நிறுவனங்கள் சரிவு

செப்டம்பர் 2022ல் இருந்து கௌதம் அதானி தனது மொத்த சொத்து மதிப்பில் கிட்டத்தட்ட நான்கில் மூன்றில் பங்கு குறைத்துள்ளது. ஜனவரி 24 முதல் மும்பை பங்குச்சந்தையில் அதானி டோட்டல் கேஸ் லிமிடெட் பங்குகள் சுமார் 81 சதவீதம் சரிவடைந்தது, அதானி கிரீன் எனர்ஜி லிமிடெட் பங்குகள் சுமார் 75 சதவீதம் சரிவடைந்தது, அதானி டிரான்ஸ்மிஷன் லிமிடெட் பங்குகள் சுமார் 74 சதவீதம் சரிவடைந்தது மற்றும் அதானி எண்டர்பிரைசஸ் லிமிடெட் பங்குகள் சுமார் 61 சதவீதம் சரிவடைந்தது என அதிகப்படியான சரிவை சந்தித்துள்ளது.