வெறும் 10 நிமிடங்களில் BSNL சிம் கார்டு உங்கள் வீட்டிற்கே வரும்.. இதை மட்டும் செய்யுங்க!

சமீபத்தில் ஜியோ, வோடபோன் ஐடியா, ஏர்டெல் போன்ற முன்னணி டெலிகாம் நிறுவனங்கள் சேர்ந்து ரீசார்ஜ் கட்டண உயர்வை அறிவித்தன. இதனால் சில வாடிக்கையாளர்கள் தங்களுடைய ஆபரேட்டரை BSNL-க்கு மாற்றிக் கொண்டனர். தற்போது பாரத் சஞ்சார் நிகாம் லிமிடெட் வாடிக்கையாளரின் அனுபவத்தை மேம்படுத்த புதிய சேவையை அறிமுகப்படுத்தியுள்ளது. பயனர்கள் BSNL 4ஜி சிம் கார்டரை ஆர்டர் செய்து தங்களின் வீட்டில் பெற முடியும். அதாவது BSNL நேரடியாக உங்கள் வீட்டுக்கே சிம் கார்டை டெலிவரி செய்யும்.

BSNL 4ஜி சிம் கார்டு ஹோம் டெலிவரி: BSNL-இன் புதிய சேவையின் மூலம், வாடிக்கையாளர்கள் இனி கடைக்குச் செல்லவோ, நீண்ட வரிசையில் காத்திருக்கவோ தேவையில்லை. 4ஜி சிம்மை எளிதாக ஆர்டர் செய்யக்கூடிய ஆன்லைன் வசதியை BSNL அறிமுகப்படுத்தியுள்ளது. இந்த சேவையின் மூலம் பயனாளிகளுக்கு வெறும் 10 நிமிடங்களில் அவர்களின் வீட்டிற்கு சிம் கார்டு டெலிவரி செய்யப்படும். இதை உறுதிப்படுத்தும் விதமாக, BSNL புதிய மற்றும் ஏற்கனவே உள்ள வாடிக்கையாளர்களுக்கு செயல்முறையை ஒழுங்குபடுத்தும் தளமான ப்ரூனுடன் கூட்டு சேர்ந்துள்ளது.

BSNL 4ஜி சிம் கார்டை ஆன்லைனில் ஆர்டர் செய்வது எப்படி?:

ஸ்டெப் 1: உங்கள் மொபைல் அல்லது லேப்டாப்பில் ப்ரூன் இணையதளத்திற்குச் செல்லலாம்.

ஸ்டெப் 2: இணையதளத்தில், சிம் கார்டை வாங்க "Buy Sim Card" என்பதைத் தேர்ந்தெடுக்கவும்.

ஸ்டெப் 3: "BSNL" நெட்வொர்க் ஆபரேட்டரைத் தேர்ந்தெடுக்கவும்.

ஸ்டெப் 4: கிடைக்கக்கூடிய FRC திட்டங்களில் இருந்து உங்கள் தேவைகளுக்கு மிகவும் பொருத்தமான திட்டத்தைத் தேர்ந்தெடுக்கவும்.

ஸ்டெப் 5: உங்களுடைய பெயர், மொபைல் நம்பர், இமெயில் விவரங்கள், மற்றும் சிம் கார்டை டெலிவரி செய்வதற்கான உங்களுடைய முகவரி ஆகிய விபரங்களை வழங்கவும். அதன் பிறகு சிம் கார்டு உங்களுடைய வீட்டிற்கே டெலிவரி செய்யப்படும்.

சில தனியார் நிறுவனங்கள் ரீசார்ஜ் கட்டண உயர்வை அறிவித்த போதும், BSNL-யிடமிருந்து எந்தவித கட்டண உயர்வும் அறிவிக்கப்படவில்லை. இதன் காரணமாக அப்போது பலரும் தங்களுடைய ஆப்பரேட்டரை மாற்றிக் கொண்டனர். அக்டோபர் 2024-க்குள் 80,000 டவர்களை நிறுவி, மார்ச் 2025-க்குள் கூடுதலாக 21,000 டவர்களை நிறுவுவதன் மூலம் BSNL அதன் நெட்வொர்க் உள்கட்டமைப்பை வலுப்படுத்தும் பணியில் ஈடுபட்டுள்ளது குறிப்பிடத்தக்கது.