90ஸ் கிட்ஸ்களின் Gmail பிரச்சினைக்கு தீர்வு தந்த சுந்தர் பிச்சை: பழைய ஐடி-க்கு குட்பை..!!

உலக அளவில் கோடிக்கணக்கான மக்களின் அதிகாரப்பூர்வ தகவல் தொடர்பு முறையாக ஜிமெயில் திகழ்கிறது. நம் வீட்டிற்கு எப்படி முகவரி இருக்கிறதோ அப்படி நமக்கான டிஜிட்டல் முகவரியாக திகழ்கிறது ஜிமெயில் ஐடி தான். நட்பு ரீதியாகவும் சரி தொழில் ரீதியாகவும் சரி, உள்ளூரில் இருந்து வெளிநாடுகள் வரை அதிகாரபூர்வமாக ஒருவரை தொடர்பு கொள்ள வேண்டுமென்றால் நாம் அனைவரும் பயன்படுத்துவது கூகுளின் ஜிமெயில் தான்.

ஜிமெயில் முகவரி நம் வாழ்க்கையின் முக்கிய அங்கமாக இருக்கிறது. ஆனால் 90ஸ் கிட்ஸ்களுக்கு ஜிமெயில் பயன்படுத்துவதில் ஒரு பெரிய பிரச்சனை நீண்ட காலமாகவே நீடித்து வருகிறது. அதுதான் ஜிமெயிலில் நமக்கு இருக்கக்கூடிய user name. சிறுவயதில் நமக்கு விளையாட்டாக சில பெயர்கள் கொடுத்து ஜிமெயில் யூசர் நேம் கிரியேட் செய்திருப்போம். தற்போது வேலைக்கு செல்லும் போதும் , தொழில் ரீதியாக மற்றவர்களை தொடர்பு கொள்ளும் போதும் தான் இந்த யூசர் நேம் கொண்ட ஜிமெயில்களை வழங்குவது சற்றே தயக்கமாக இருக்கிறது.

இதற்காக புதிதாக ஐடி கிரியேட் செய்யவும் மனமில்லை, காமெடியான யூசர் நேம் கொண்ட ஜிமெயில் ஐடி-யையும் வழங்க முடியாது என மதில் மேல் பூனையாக தவித்து வந்த 90ஸ் கிட்ஸ்களுக்கு இனி அந்த பிரச்சினை இல்லை. கூகுள் தலைமை செயல் அதிகாரி சுந்தர் பிச்சை தன்னுடைய எக்ஸ் பக்கத்தில் வெளியிட்டு இருக்கக்கூடிய பதிவில் 2004 ஆம் ஆண்டு ஒரு மிகச்சிறந்த ஆண்டு ஆனால் உங்களுடைய ஜிமெயில் முகவரி அப்போது தொடங்கிய அதே பேரிலேயே இருக்க வேண்டும் என்று அவசியம் கிடையாது எனக் கூறியிருக்கிறார்.

இனி [email protected] அல்லது [email protected] போன்ற ஜிமெயில் யூசர் நேம்களுக்கு குட் பை சொல்லிவிடுங்கள் என கூறியுள்ளார். அதாவது இனி எளிமையாக உங்களின் யூஸரெ நேமை மாற்றி கொள்ளலாம். உங்களுடைய கூகுள் அக்கவுண்டில் settings பக்கத்திற்கு செல்லுங்கள் அங்கே உங்களுக்கு பொருத்தமான பெயரை தேர்ந்தெடுத்துக் கொள்ளுங்கள் எனக் கூறியிருக்கிறார்.

Also Read

தங்கம் விலை: திடீரென ரூட்டை மாற்றும் தங்கம்.. இப்போ தங்கம் வாங்குறது தான் புத்திசாலித்தனமா?

நீங்கள் உங்களுடைய பழைய யூசர் நேமையும் தொடர்ந்து பயன்படுத்தலாம், புதிய யூசர்நேமையும் தொடர்ந்து பயன்படுத்தலாம் என கூறியிருக்கிறார். எனவே நீண்ட ஆண்டுகளாக ஜிமெயில் பயனர்கள் முன் வைத்த கோரிக்கையை கூகுள் நிறைவேற்றி இருக்கிறது. எனவே பயனர்கள் தங்களுடைய மின்னஞ்சல் முகவரியை இனி மாற்றிக் கொள்ளலாம். இதற்கு முன்பு இந்த வசதி கிடையாது ஆனால் இன்று முதல் @gmail.com என்பதற்கு முன்னால் இருக்கக்கூடிய உங்களுடைய பெயரை நீங்கள் எளிதாக மாற்றிக் கொள்ள முடியும்.

Recommended For You

யாருங்க இவரு விஜய்க்கே டஃப் கொடுக்கிறாரு!! விஜய்க்கு அடுத்து அதிக சொத்து மதிப்பு கொண்ட வேட்பாளர்!!

இதனால் உங்களுடைய ஃபோட்டோ அதில் இருக்கக்கூடிய காண்டாக்ட் எண்கள் மற்றும் தகவல்கள் அழியாது. உங்களுடைய பழைய யூசர் நேமும் தொடர்ந்து பயன்பாட்டில் இருக்கும் புதிய யூசர் நேமும் பயன்பாட்டில் இருக்கும் என கூகுள் நிறுவனம் தெரிவித்திருக்கிறது. பெயர் மட்டுமே மாறுமே தவிர மற்ற அனைத்து அம்சங்களும் அப்படியே தான் இருக்கும் என்பதால் பயனர்கள் எந்தவித தயக்கமும் இல்லாமல் தங்களுடைய பழைய ஐடிக்கு மாற்றாக புதிய யூசர்நேமை உருவாக்கிக் கொள்ளலாம் என கூகுள் நிறுவனம் உறுதி தந்திருக்கிறது.

ஒரு பயனர் அதிகபட்சமாக மூன்று முறை தங்களின் யூஸர் நேமை மாற்றி கொள்ளலாம். ஒரு ஆண்டில் ஒரு முறை மட்டுமே மாற்றி கொள்ள முடியும். இதற்கு ஜிமெயில் கணக்கில் லாகின் செய்து Manage your Google Account என்பதை கிளிக் செய்ய வேண்டும். அதில் "Personal info" என்பதை கிளிக் செய்து அதில் "Google Account email" என்பதை தேர்வு செய்தால் "Change Google Account email" என்ற பட்டன் வரும் அதை கிளிக் செய்தால், யூசர் நேமை மாற்றி கொள்ளலாம். உடனடியாக அனைத்து சர்வர்களிலும் அப்டேட் செய்யப்பட்டு புதிய யூசர் நேம் காட்டிவிடும்.

Article Corrections

have updated the article with step by step guide about changing the user name.