இது ரொம்ப நல்ல விஷயமாச்சே.. இந்தியாவின் தொழில்துறை உற்பத்தி 11.5% ஆக அதிகரிப்பு..!

இந்தியாவின் தொழில்துறை உற்பத்தி விகிதமானது கடந்த ஜூலை மாதத்தில் 11.5% ஆக வளர்ச்சி கண்டுள்ளது. இதே முந்தைய ஆண்டில் வளர்ச்சியானது 10.5% ஆக வீழ்ச்சி கண்டிருந்தது குறிப்பிடத்தக்கது.

இந்த ஜூலை மாதத்தில் சுரங்க உற்பத்தி துறை வளர்ச்சி விகிதமானது 19.5% ஆக வளர்ச்சி கண்டுள்ளது. இதே மின்சார உற்பத்தியானது 11.1% அதிகரித்துள்ளது.

கடந்த ஆண்டில் கொரோனா காரணமாக இந்த உற்பத்தி விகிதங்களானது மிக பலமான சரிவினைக் கண்ட நிலையில், தற்போது மீண்டும் வளர்ச்சி பாதைக்கு திரும்பிக் கொண்டுள்ளது. இது பொருளாதாரம் மீண்டு வந்து கொண்டுள்ளதையே காட்டுகின்றது.

கடந்த ஆண்டு நிலவரம் இது தான்

கடந்த ஆண்டு மார்ச் மாதத்தில் இந்த விகிதமானது 18.7% வீழ்ச்சி கண்டுள்ளது. இதே கடந்த ஆண்டின் ஏப்ரல் மாதத்தில் 57.3% ஆக சரிவினைக் கண்டது. சரிவு உள்ளிட்ட பல காரணங்களால் இந்த குறியீடானது சரிவினைக் கண்டுள்ளது.
இதே நடப்பு ஆண்டின் ஏப்ரல் - ஜூலை மாதம் வரையில் ஐஐபி விகிதம் 34.1% வளர்ச்சி கண்டுள்ளது. இதே காலகட்டம் முந்தைய ஆண்டில் 29.3% வீழ்ச்சி கண்டிருந்தது குறிப்பிடத்தக்கது.

சந்தைக்கு சாதகமான குறியீடுகள்

நாடு முழுவதும் பரவி வந்த கொரோனா வைரஸ் காரணமாக கடந்த ஆண்டு முதலே தொழில் துறையானது சரிவினைக் கண்டு வந்தது. எனினும் தற்போது லாக்டவுனில் பற்பல தளர்வுகள் அளிக்கப்பட்டுள்ள நிலையில், தொழில்துறையானது மீண்டும் வளர்ச்சி பாதைக்கு திரும்பிக் கொண்டுள்ளது. இதன் காரணமாக பொருளாதாரம், தொழில் துறை குறித்தான குறியீடுகள் சந்தைக்கு சாதகமாக வந்துள்ளன.

வளர்ச்சியை ஊக்குவிக்கலாம்

நாட்டில் கொரோனாவின் காரணமாக அனைத்து துறைகளும் தற்போது தான் வளர்ச்சி பாதைக்கு திரும்பிக் கொண்டுள்ளன. தற்போது அரசு பல துறைகளிலும் ஊக்குவிப்பு சலுகைகளை அறிவித்து வரும் நிலையில், இதனுடன் லாக்டவுன் தளர்வும், இனி அடுத்து வரும் மாதங்களில் வளர்ச்சியினை ஊக்குவிக்கலாம் என்றும் எதிர்பார்க்கப்படுகிறது.

இது நல்ல செய்தி

இனி வரும் மாதங்களில் இந்த வளர்ச்சி விகிதமானது, இன்னும் அதிகரிக்கலாம் என்ற நிலையே இருந்து வருகின்றது. இதனால் வேலை வாய்ப்பு விகிதங்களும் வளர்ச்சி பாதைக்கு திரும்பலாம் என எதிர்பார்க்கப்படுகிறது. மொத்தத்தில் தொழில் துறையினருக்கு இது மிக நல்ல செய்தியே.