772% லாபம் அதிகரிப்பு.. தேவை அதிகரிப்பு தான் காரணம்.. முதலீட்டாளர்களுக்கு லாபமா..!

ஒரு பேரலுக்கு எவ்வளவு லாபம்?

அதோடு நிறுவனம் உற்பத்தி செய்து விற்ற ஒவ்வொரு பேரலுக்கும் ஜூன் காலாண்டில் 65.59 டாலர்களை பெற்றது. இது கடந்த ஆண்டில் 28.57 டாலர்களாக இருந்தது குறிப்பிடத்தக்கது. இது இருமடங்கிற்கும் அதிகமாகும்.

இதே போல் கேஸ் விலையும் இந்த ஜூன் காலாண்டில் பிரிட்டிஸ் தெர்மல் யூனிட்டுக்கு 1.79 டாலராக குறைந்து இருந்தது.

உற்பத்தி சரிவு

கச்சா எண்ணெய் உற்பத்தியானது இந்த காலாண்டில் கிட்டதட்ட 5% குறைந்து, 5.4 மில்லியன் டன்னாக குறைந்தது. இதே இயற்கை எரிவாயு உற்பத்தியானது 4.3% குறைந்து, 5.3 பில்லியன் கியூபிக் மீட்டராக இருந்தது.
ஓஎன்ஜிசி-யின் சொந்த கேஸ் உற்பத்தியானது 5.3% குறைந்து, 5.1 பில்லியன் கியூபிக் மீட்டராக குறைந்துள்ளது.

மொத்த வருவாய்

மொத்த வருவாய் விகிதமானது 77% அதிகரித்து 23,022 கோடி ரூபாய் அதிகரித்துள்ளது. இது கடந்த ஆண்டில் 13,011 கோடி ரூபாயாக இருந்தது.
ஓஎன்ஜிசி-யின் முக்கிய வணிகமான ஆய்வு மற்றும் உற்பத்தி மூலம் கிடைத்த லாபம், 6,225.29 கோடி ரூபாயாக அதிகரித்துள்ளது. இது கடந்த ஆண்டில் 1557.2 கோடி ரூபாயாக இருந்துள்ளது.

கொரோனாவினால் பாதிப்பு

ஓஎன்ஜிசி நிறுவனம் கொரோனாவின் காரணமாக தாக்கத்தினை கண்டுள்ளதாகவும் தெரிவித்துள்ளது. எப்படியிருப்பினும் கொரோனா காலத்தில் தேவை குறைந்த நிலையில், எண்ணெய் விலையானது கடந்த ஆண்டில் மோசமான வீழ்ச்சியினை கண்டது. இதன் காரணமாக நிறுவனங்கள் அப்போதே மொத்தமாக வாங்கியிருந்ததும் லாபத்திற்கு உந்துதலாக அமைந்துள்ளது எனலாம்.

ஓஎன்ஜிசி பங்கு விலை

ஓஎன்ஜிசி-யின் பங்கு விலை கடந்த அமர்வில் சற்று குறைந்து 116 ரூபாயாக முடிவடைந்துள்ளது. இன்று சந்தை விடுமுறை ஆதலால் இதன் எதிரொலியானது திங்கட்கிழமையன்று வர்த்தகத்தில் எதிரொலிக்கலாம் என எதிர்பார்க்கப்படுகிறது. இதன் 52 வார உச்சம் 128.50 ரூபாயாகும். 52 வார குறைந்த விலை 64.10 ரூபாயாகவும் காணப்படுகிறது.