ரெப்போ விகிதம் குறையுமா..? பொருளாதார வல்லுனர்கள் கூறுவது என்ன..?

உலகளாவிய அளவில் பணவீக்கத்தைக் கட்டுப்படுத்த மத்திய வங்கிகள் வட்டி விகிதங்களைக் குறைக்கும் போக்கு தற்போது நிலவி வரும் நிலையில், இந்திய ரிசர்வ் வங்கி (ரிசர்வ் வங்கி) அக்டோபர் 9 ஆம் தேதி நடைபெறும் நாணய கொள்கைக் கூட்டத்தில் தற்போதைய வட்டி விகிதத்தை எவ்விதமான மாற்றமும் இல்லாமல் பழைய 6.5 சதவீத வட்டி விகிதத்தையே அறிவிக்கும் என பொருளாதார வல்லுனர்கள் அடித்துச் சொல்கின்றனர்.

குட்ரிட்டன்ஸ் தளம் இந்திய ரிசர்வ் வங்கியின் நாணய கொள்கை கூட்டம் துவங்கியதற்கு முன்பு ரெப்போ விகிதம் குறைப்பு குறித்து 36 பொருளாதார வல்லுநர்களின் கருத்துக் கணிப்பு நடத்தியது. இதில் பெரும்பான்மையானோர் (36 இல் 30 பேர்) தற்போது 6.50% ஆக இருக்கும் ரெப்போ விகிதத்தில் எந்த மாற்றமும் இருக்காது என்று கணித்துள்ளனர்.

எவ்வாறெனினும், ரிசர்வ் வங்கியின் நிலைப்பாட்டில் மாற்றம் இருக்க வாய்ப்பும் உள்ளதைப் பொருளாதார வல்லுநர்கள் மறுக்கவில்லை, காரணம் அமெரிக்கா, சீனா, ஐரோப்பா, ஜப்பான் ஆகியவை சமீபத்தில் வட்டி விகிதங்களைக் குறைத்த முக்கிய நாடுகளாகும். எங்களுடைய ஆய்வில் குறிப்பிடத்தக்க எண்ணிக்கையிலான பொருளாதார வல்லுநர்கள் (36 இல் 6 பேர்) ரிசர்வ் வங்கி, தனது தற்போதைய 'withdrawal for accommodation' அதாவது பணப்புழக்க அளவீட்டை நடுநிலையாக வைக்கும் என்று நம்புகின்றனர்.

கூடுதலாக, இரு பொருளாதார வல்லுநர்கள் இந்தக் கூட்டத்தில் 25 அடிப்படை புள்ளிகள் வரை வட்டி விகிதம் குறைக்கப்படலாம் என்றும் கணித்துள்ளனர்.

அமெரிக்க மத்திய வங்கி போன்ற உலகளாவிய நிறுவனங்கள் சமீபத்தில் வட்டி விகிதங்களைக் குறைத்துள்ள நிலையில், இந்தியாவில் பணவீக்கம் தொடர்ந்து ரிசர்வ் வங்கிக்கு ஒரு கவலையாகவே உள்ளது. 2024 ஜூலை மற்றும் ஆகஸ்ட் மாதங்களில் நுகர்வோர் பணவீக்க குறியீடு (CPI) 4% க்கும் கீழ் இருந்தபோதிலும், நிதிய ஆண்டின் மீதமுள்ள காலாண்டுகளில் பணவீக்கம் 4% என்ற இலக்கை விடவும் அதிகமாக இருக்கும் என்று ரிசர்வ் வங்கி கணித்துள்ளது. இது மூன்றாம் மற்றும் நான்காம் காலாண்டுகளில் சராசரியாக 4.7% மற்றும் 4.3% ஆக இருக்கும் என்றும் கணிக்கப்பட்டு உள்ளது.

MPC குழுவில் சமீபத்தில் மூன்று புதிய உறுப்பினர்கள் சேர்க்கப்பட்ட விஷயமும், ரிசர்வ் வங்கியின் முடிவை மாற்றச் செய்யலாம் என்ற கருத்தும் நிலவுகிறது. பெடரல் ரிசர்வ் வங்கியின் சமீபத்திய வட்டி விகிதக் குறைப்பு நடவடிக்கையால் ரிசர்வ் வங்கி பாதிக்கப்படுமா என்பது குறித்து பொருளாதார வல்லுநர்கள் கருத்துக்கள் அதிகளவில் வேறுபடுகின்றன.

சிலர் இது ரிசர்வ் வங்கியின் கொள்கை தளர்வுக்கு வழிவகுக்கும் என்று நம்பினாலும், மற்றவர்கள் ரிசர்வ் வங்கி உள்நாட்டு பணவீக்க அளவுக்கு தான் முன்னுரிமை தரும், அமெரிக்க நிலவரத்தைப் பின்பற்றாது என்றும் கூறுகின்றனர். இறுதியாக, பெரும்பாலான பொருளாதார வல்லுநர்களின் கணிப்பின் படி தொடர்ச்சியாக பத்தாவது கூட்டமாக ரெப்போ விகிதத்தை 6.5% ஆக ரிசர்வ் வங்கி அறிவிக்கும் என மையக்கருத்தை முன் வைத்துள்ளனர்.

எப்போது தான் வட்டி விகிதம் குறையும்: கருத்துக் கணிப்பின்படி, மொத்தம் 13 பொருளாதார வல்லுநர்கள் 2024 டிசம்பர் கொள்கையிலிருந்து 25 அடிப்படை புள்ளிகள் வரை வட்டி விகிதத்தைக் குறைக்க எதிர்பார்க்கின்றனர். அதே நேரத்தில், இந்த பொருளாதார வல்லுநர்கள் 2024 ஆம் ஆண்டில் ரிசர்வ் வங்கியிலிருந்து 1 வட்டி குறைப்பையும் எதிர்பார்க்கின்றனர்.

EY இந்தியாவின் தலைமை கொள்கை ஆலோசகர் டி.கே.ஸ்ரீவாஸ்தவ கூறுகையில், "ஜூலை மற்றும் ஆகஸ்ட் 2024 இல் இந்தியாவில் CPI பணவீக்கம் 4% க்கும் குறைவாகவே இருந்துள்ளது. இருப்பினும், 2024-25 நிதியாண்டின் கடைசி இரண்டு காலாண்டுகளில் CPI பணவீக்கம் 4% என்ற பணக் கொள்கை இலக்கை விட அதிகமாக இருக்கும் என்று ரிசர்வ் வங்கி எதிர்பார்க்கிறது. இது முறையே 3வது காலாண்டு மற்றும் 4வது காலாண்டு இல் 4.7% மற்றும் 4.3% சராசரியாக இருக்கும். மேலும், 1வது காலாண்டு 2025 நிதியாண்டில் உண்மையான GDP வளர்ச்சி ரிசர்வ் வங்கியின் எதிர்பார்ப்புகளை விட குறைந்துள்ளது," என்றார்.

மேலும், "ரிசர்வ் வங்கியின் பணக் கொள்கை குழு அக்டோபர் 2024 இல் அதன் வரவிருக்கும் கூட்டத்தில் ரெப்போ விகிதத்தை குறைக்க பரிசீலிக்கலாம்." என்று ஸ்ரீவாஸ்தவ தெரிவித்தார்.