பெங்களூர் நிறுவனத்தில் முதலீடு செய்யும் கூகுள்..!

இந்தியாவில் கூகுள்

கூகுள் இந்தியாவில் டிஜிட்டல் கட்டமைப்பை மேம்படுத்தப் பல 10 பில்லியன் டாலர் முதலீடு செய்வதாகக் கடந்த வருடம் ஜூலை மாதத்தில் சுந்தர் பிச்சை அறிவித்துள்ள இதேவேளையில் ஜியோ உட்படப் பல டிஜிட்டல் ஸ்டார்ட்அப் நிறுவனத்தில் முதலீடு செய்து வருகிறது.

50-75 மில்லியன் டாலர் முதலீடு

இந்நிலையில் இந்திய ஈகாமர்ஸ் சந்தையில் ரீசெல்லர் பிரிவில் வேகமாக வளரும் நிறுவனமான மீஷோ-வில் கூகுள் சுமார் 50 முதல் 75 மில்லியன் டாலர் அளவிலான தொகையை முதலீடு செய்ய உள்ளதாக முன்னணி வர்த்தகப் பத்திரிக்கை தெரிவித்துள்ளது.

டன்சோ, கிளான்ஸ்

சமீபத்தில் கூகுள் நிறுவனம் டன்சோ, இன்மொபி நிறுவனத்தின் கிளான்ஸ் ஆகிய நிறுவனத்தில் முதலீடு செய்து இந்திய டிஜிட்டல் வர்த்தகச் சந்தையில் தனது வர்த்தக ஆதிக்கத்தைப் பதிவு செய்து வருகிறது. இந்திய ஸ்டார்ட்அப் நிறுவனத்தில் முதலீடு செய்வது மூலம் வாடிக்கையாளர் மற்றும் வர்த்தகம் ஆகிய இரண்டையும் பெற முடியும்.

பெங்களூர் மீஷோ

பெங்களூரைத் தலைமையிடமாகக் கொண்டு இந்தியா முழுவதும் இயங்கி வரும் மீஷோ இன்றைய மதிப்பு 4.9 பில்லியன் டாலர். செப்டம்பர் மாதத்தில் மீஷோ ஃபெடிலிட்டி, எட்ரோ சவ்ரின் உடைய பி கேப்பிடல் ஆகிய நிறுவனத்திடம் இருந்து 570 மில்லியன் டாலர் முதலீட்டைப் பெற்ற நிலையில், கூகுள் முதலீட்டையும் சேர்ந்தது 600 மில்லியன் டாலருக்கும் அதிகமான முதலீட்டைத் திரட்ட உள்ளது.

யூடியூப் - சிம்சிம்

சமீபத்தில் கூகுள் நிறுவனத்தின் முக்கிய வீடியோ சேவை தளமான யூடியூப் வீடியோ சோஷியோ காமர்ஸ் ஸ்டார்ட்அப் நிறுவனமான சிம்சிம்-ஐ ஜூலை மாதத்தில் கைப்பற்றி மிகப்பெரிய அளவில் விரிவாக்கம் செய்யத் திட்டமிட்டுள்ளது.