ஐபோன் பிரியர்களுக்கு ஓர் நற்செய்தி.. சூப்பர் ஆஃபர்.. ஐபோன் 15 வெறும் ரூ.24,950 தான்.!!

இந்திய ஆப்பிள் ரசிகர்கள் அனைவருக்கும் ஒரு நற்செய்தி. அமேசான் இந்தியா தற்போது ஆப்பிள் ஐபோன் 15 சிரீஸ்-க்கு ஒரு பெரிய தள்ளுபடியை வழங்குகிறது. 128 ஜிபி சேமிப்பளவு கொண்ட கருப்பு கலர் கொண்ட மாடல் இப்போது மிகக் குறைந்த விலையில் விற்பனைக்கு வந்துள்ளது. அதோடு மட்டுமல்லாமல், பழைய ஸ்மார்ட்போன்களை எக்ஸ்சேஞ்ச் செய்வதன் மூலம் கூடுதல் தள்ளுபடியையும் பெற முடியும். அமேசான் பே ஐசிஐசிஐ வங்கி கிரெடிட் கார்டு வைத்திருப்பவர்களுக்கு இன்னும் கூடுதலான சேமிப்பு வாய்ப்புகள் காத்திருக்கின்றன.

2023 ஆம் ஆண்டு அதிகாரப்பூர்வமாக அறிமுகப்படுத்தப்பட்டதில் இருந்து, ஆப்பிள் ஐபோன் 15 அவ்வப்போது அமேசானில் பல்வேறு சிறப்பு விற்பனைகளில் இடம்பெற்று வந்துள்ளது. இதனால், அவ்வப்போது கிடைக்கும் இந்த சலுகைகள் சில வாடிக்கையாளர்களுக்கு வழக்கமான ஒன்றாகத் தோன்றலாம். ஆனால், இப்போது அறிவிக்கப்பட்டுள்ள இந்த விலை குறைப்பு மிகவும் குறிப்பிடத்தக்கது.

ஐபோன் 16 சீரிஸ் அறிமுகமான பிறகு, ஐபோன் 15 (128 ஜிபி, கருப்பு) விலையை அமேசான் மேலும் குறைத்துள்ளது. இந்த சமீபத்திய விலை குறைப்பு, தரமான ஆப்பிள் ஸ்மார்ட்போனை குறைந்த விலையில் வாங்க விரும்பும் வாடிக்கையாளர்களுக்கு ஒரு சிறந்த வாய்ப்பாக அமைந்துள்ளது. சந்தையின் மாறிவரும் சூழ்நிலையில் இது ஒரு பயனுள்ள தேர்வாக இருக்கும்.
அமேசானில் ஆப்பிள் ஐபோன் 15 வெறும் ரூ.24,950க்கு கிடைக்கிறது. இந்த அசத்தலான சலுகையை எப்படி பெறுவது என்பதைப் பற்றி இங்கே பார்க்கலாம்.

அமேசான் வழங்கும் இந்த சிறப்புச் சலுகையில், ஆப்பிள் ஐபோன் 15 (128 ஜிபி, கருப்பு) மாடலின் சில்லறை விலை ₹69,900 ஆக இருந்தும், தற்போது 16% தள்ளுபடியுடன் ரூ.58,999க்கு விற்பனை செய்யப்படுகிறது. இன்னும் கூடுதல் சேமிப்பை விரும்பும் வாடிக்கையாளர்கள் எக்ஸ்சேஞ்ச் சலுகையைப் பயன்படுத்திக் கொள்ளலாம். உதாரணமாக, நல்ல நிலையில் உள்ள ஐபோன் 14 (512 ஜிபி) மாடலை எக்ஸ்சேஞ்ச் செய்வதன் மூலம் ரூ.31,100 வரை தள்ளுபடி பெற முடியும். இதன் மூலம், ஐபோன் 15ன் விலை வெறும் ரூ.27,899 ஆக குறையும். மேலும், அமேசான் பே ஐசிஐசிஐ வங்கி கிரெடிட் கார்டு வைத்திருப்பவர்கள் கூடுதலாக ரூ.2,949 தள்ளுபடி பெற தகுதியுடையவர்கள். இந்த அனைத்து சலுகைகளையும் பயன்படுத்தினால், ஐபோன் 15ன் இறுதி விலை வெறும் ரூ.24,950 ஆக குறையும்.

ஐபோன் 15 ஆனது 6.1 இன்ச் டிஸ்ப்ளேவுடன் வருகிறது. இது இளஞ்சிவப்பு, மஞ்சள், பச்சை, நீலம் மற்றும் கருப்பு ஆகிய வண்ணங்களில் அறிமுகப்படுத்தப்பட்டது. முந்தைய மாடல்களின் வடிவமைப்பைப் போலவே இருந்தாலும், இதில் வழக்கமான நாட்சுக்குப் பதிலாக டைனமிக் ஐலேண்ட் அம்சம் கொடுக்கப்பட்டுள்ளது. இது ஐபோன் 14 ப்ரோ மாடல்களில் நல்ல வரவேற்பைப் பெற்றது. கேமராவைப் பொறுத்தவரை, இந்த மாடலில் 48 மெகாபிக்சல் முதன்மை கேமரா சென்சார் உள்ளது. இது முந்தைய மாடலை விட பகல் வெளிச்சம், குறைந்த வெளிச்சம் மற்றும் போர்ட்ரெய்ட் புகைப்படங்களில் குறிப்பிடத்தக்க முன்னேற்றங்களை வழங்குகிறது.

பேட்டரி ஆயுள் ஒரு நாள் முழுவதும் நீடிக்கும் என்று ஆப்பிள் கூறுகிறது. செயல்திறனுக்காக, ஐபோன் 14 மற்றும் ஐபோன் 14 பிளஸில் பயன்படுத்தப்பட்ட ஏ15 பயோனிக் சிப்பை விட மேம்பட்ட ஏ16 பயோனிக் சிப் இதில் உள்ளது. சார்ஜிங் போர்ட்டைப் பொறுத்தவரை, முந்தைய மாடல்களில் இருந்த லைட்னிங் போர்ட்டுக்குப் பதிலாக இப்போது யுஎஸ்பி டைப்-சி போர்ட் கொடுக்கப்பட்டுள்ளது. இது தற்போது பெரும்பாலான சாதனங்களில் பயன்படுத்தப்படும் பொதுவான சார்ஜிங் அம்சமாகும்.

எனவே, ஐபோன் பிரியர்கள் இந்த அரிய வாய்ப்பைப் பயன்படுத்தி, புதிய ஆப்பிள் ஐபோன் 15ஐ குறைந்த விலையில் வாங்குகள். இந்த சலுகை குறிப்பிட்ட காலத்திற்கு மட்டுமே.