இந்தியர்கள் பிட்காயினில் ஏன் அதிகம் முதலீடு செய்கிறார்கள்..? உலகிலேயே 2வது இடம்..!!

சமீப காலமாக இந்தியர்களின் முதலீட்டு பழக்கங்களில் பெரிய மாற்றம் காணப்படுகிறது. நிலத்தில் முதலீடு செய்வதைவிட, நவீன தொழில்நுட்பம் சார்ந்த பிட்காயின் மீது மக்களின் கவனம் அதிகரித்து வருகிறது. வங்கிக் கணக்குகள், பங்கு சந்தைகள், தங்கம் போன்ற பாரம்பரிய முதலீட்டு வாய்ப்புகளுடன் ஒப்பிடுகையில், இதில் வேகமான விலை ஏற்றத் தாழ்வுகள், உலகளாவிய வர்த்தக வாய்ப்புகள் என்பவை இளைஞர்களை பெரிதும் ஈர்க்கின்றன.

இந்தியா உலகிலேயே இரண்டாவது மிகப்பெரிய பிட்காயின் வைத்திருக்கும் நாடாக இருக்கலாம் என கூறப்படுகிறது. அமெரிக்காவுக்கு அடுத்தபடியாக, இந்தியர்கள் வைத்திருக்கும் பிட்காயின் எண்ணிக்கை சுமார் 10 லட்சம் நாணயங்கள் (Bitcoins) என்று மதிப்பீடு செய்யப்படுகிறது. இது உலகளாவிய பிட்காயின் சப்ளையின் 5%-க்கும் மேற்பட்ட அளவாகும். இந்த மதிப்பீடு, தற்போதைய சந்தை விலைப்படி பார்க்கையில் சுமார் 120 பில்லியன் அமெரிக்க டாலர் (அதாவது ரூ.10 லட்சம் கோடி ரூபாய்க்கும் மேல்) ஆகும்.

இந்த மதிப்பீடு உறுதியான ஆதாரமின்றி இருந்தாலும், ஒரு விஷயம் தெளிவாகிறது. இந்தியர்கள் பிட்காயின் மற்றும் கிரிப்டோ கரன்சி பற்றி மனம்திறக்க ஆரம்பித்துவிட்டார்கள். இது இப்போது ஒரு அரிதான முதலீட்டு வாய்ப்பு அல்ல. மாறாக, அது பெரும் மக்கள் தொகைக்கு நெருக்கமான புதிய நிதி வழிமுறையாக மாறி வருகிறது.

அதற்கு ஆதாரமாக ஒரு புள்ளி விவரமும் உள்ளது. Chainalysis நிறுவனம் 2024ஆம் ஆண்டில் வெளியிட்ட "Global Crypto Adoption Index"-ல் இந்தியா 1-வது இடத்தில் உள்ளது. Triple-A என்ற அறியப்பட்ட கிரிப்டோ புள்ளி விவர அமைப்பின் ஒரு கணிப்பின்படி, தற்போது இந்தியாவில் 9 கோடிக்கு மேற்பட்ட மக்கள் குறைந்தது ஒரு வகையான கிரிப்டோ கரன்சி வைத்திருக்கிறார்கள்.

பிட்காயின் தான் பெரும்பாலான முதலீட்டாளர்களின் முதன்மை தேர்வாக உள்ளது. இது தங்கத்திற்கு மாற்றாக பார்க்கப்படும் "டிஜிட்டல் சொத்து" மற்றும் அதன் வரலாற்று மதிப்பு காரணமாக அதிக நம்பிக்கையை பெற்றுள்ளது. அடுத்த நிலையில் எத்தீரியம் உள்ளிட்ட smart-contract வசதிகள் கொண்ட கரன்சிகள் உள்ளன.

Photo Credit:

Reddit

கிரிப்டோ சொத்து வைத்திருப்பது, இந்தியர்களின் பணமதிப்பழிவுக்கு எதிரான பாதுகாப்பு, புதிய முதலீட்டு வாய்ப்பு தேடல், மற்றும் உலகளாவிய வர்த்தகத்துடன் இணைவது போன்ற எண்ணங்களையும் பிரதிபலிக்கிறது. கடந்த 15 ஆண்டுகளாக இது அனைத்து முக்கிய சொத்து வகைகளையும் விட சிறப்பாக செயல்பட்டு வருகிறது. கூடுதலாக, இது உலகளாவிய பணப்புழக்கத்துடன் இணக்கமாக நகர்கிறது.

இந்தியர்கள் பிட்காயின் மீது அதிகம் ஈர்க்கப்படுகிறார்களா? என்றால் ஆம். இந்திய முதலீட்டாளர்கள் பிட்காயினை புறக்கணிக்கவில்லை. தொலைவில் பார்த்து பயந்துகொண்டிருக்கும் நிலைதான் மாறி வருகிறது. சிறிய முதலீட்டாளர்களாக இருந்தாலும், பெரிய நிறுவன முதலீட்டாளர்களாக இருந்தாலும் ஒருவருக்கொருவர் தாக்கம் ஏற்படுத்தும் வகையில் இந்த போக்கு தொடரலாம். கிரிப்டோ வர்த்தகத்தில் அதிர்ஷ்டமும், ஆபத்தும் உள்ளது. எனவே, பிட்காயின் மீது முதலீடு செய்ய விரும்புவோர் அதன் தகவலறிந்து, நல்ல பாணியில், விளைவுகளை புரிந்துகொண்டு செய்வது அவசியம்.