தமிழ்நாடு: 10க்கு 10 பொருத்தம் பக்காவா இருக்கு.. HCL சிஇஓ சொன்னதை கேட்டீங்களா..?!

ஹெச்சிஎல் டெக்னாலஜிஸ் நிறுவனத்தின் சி.இ.ஓ மற்றும் எம்.டி.யான சி. விஜயகுமார், தமிழ்நாடு ரூ.1 டிரில்லியன் பொருளாதாரத்தை அடைய அடிப்படை கூறுகள் அனைத்தையும் கொண்டுள்ளது என்று பெருமையுடன் தெரிவித்துள்ளார்.

தமிழ்நாடு பிற மாநிலங்களை போல் அல்லாமல் உற்பத்தி முதல் சேவைகள் வரை பல்வேறு துறைகளில் வர்த்தக கட்டமைப்புகளையும், வேலைவாய்ப்புகளையும் உருவாக்கும் திறனை கொண்டும், பெரும் பொருளாதாராம் ஈட்டும் திறன் உள்ளடக்கிய மாநிலமாக பன்முக கட்டமைப்பை கொண்டு உள்ளது என தெரிவித்தார்.

தமிழ்நாட்டில் ஐடி, தொழில்நுட்பம், நிதி, வேளாண்மை மற்றும் பல்வேறு வகையான தயாரிப்புகள் உள்ளிட்ட இந்த பன்முக பொருளாதார கட்டமைப்பு, மாநிலத்தின் வேகமான பொருளாதார வளர்ச்சிக்கு வலுவான அடித்தளத்தை வழங்குகிறது.

இதேபோல் தமிழ்நாட்டில் சென்னையில் மட்டுமே பொருளாதாரத்தை உருவாக்கும் எபிசென்டராக இல்லாமல், மாநிலம் முழுவதும் பல நகரங்கள் நன்கு வளர்ந்த கட்டமைப்பு மற்றும் சிறப்பான வணிக சூழலைக் கொண்டுள்ளன, இது சமமான மற்றும் நிலையான பொருளாதார வளர்ச்சி பாதையை ஊக்குவிக்கிறது.

இதேவேளையில் ரூ.1 டிரில்லியன் பொருளாதாரம் என்ற இலக்கை அடைய சில முக்கியமான பொருளாதாரம் மற்றும் வர்த்தக கொள்கையில் மாற்றம் தேவை என்றும் விஜயகுமார் வலியுறுத்தினார். தமிழ்நாட்டில் தனிநபர் வருமானம் $10,000 முதல் $15,000 வரை இருக்கும் வகையில் முயற்சிகளை மேற்கொள்ள வேண்டும். ஆனால் இது மிடில் இன்கம் நாடுகளின் நிலை தான் என்றும் கூறியுள்ளார்.

தனிநபர் வருமானத்தில் அதிகரிக்கும் போதும், மாநிலம் அல்லது நாட்டின் பொருளாதார வளர்ச்சி வேகமாக அதிகரிக்கும். தற்போது தமிழ்நாட்டின் தனிநபர் வருமானம் $4,000 அளவில் இருப்பது குறிப்பிடத்தக்கது.

இந்த தனிநபர் வருமானத்தை அதிகரிக்க தமிழ்நாட்டில் குறைந்த திறன் கொண்ட வேலைகளிலிருந்து உயர் மதிப்பு, உயர் திறன் கொண்ட வேலை வாய்ப்புகளை உருவாக்குவதில் கவனம் செலுத்துவது மூலம் இந்த $10,000 - $15,000 வருமான இலக்கை எளிதாக எட்ட முடியும்.

அதிக திறன் கொண்ட பணியாளர்களை உருவாக்குவதற்கும் உயர் உற்பத்தித்திறன் கொண்ட கலாச்சாரத்தை வளர்ப்பதற்கும் முன்னுரிமை அளிப்பதன் மூலம், தமிழகம் தனது முழு பொருளாதார திறனை வெளிப்படுத்தி, ரூ.1 டிரில்லியன் பொருளாதாரமாக மாறும் இலக்கை வேகமாக அடைய முடியும்.