ஹேப்பி நியூஸ்.. ஹெச்டிஎஃப்சி வங்கி நிகர லாபம் ரூ.12,047 கோடி.. டிவிடெண்டும் அறிவிப்பு!

HDFC bank: இந்தியாவின் மிகப்பெரிய தனியார் துறையை சேர்ந்த முன்னணி வங்கியான ஹெச்டிஎஃப்சி வங்கி, தனது மார்ச் காலாண்டு முடிவினை வெளியிட்டுள்ளது.

இந்த அறிக்கையின் படி, அதன் நிகர வட்டி வருவாய் விகிதமானது 24% அதிகரித்துள்ளது. இதே அதன் நிகர லாபம் கடந்த ஆண்டினை காட்டிலும் 20 சதவீதம் எனும் அளவுக்கு அதிகரித்துள்ளது.

இதே இதன் மொத்த வருவாய் விகிதமானது 31 சதவீதம் அதிகரித்து, 53,851 கோடி ரூபாயாக அதிகரித்துள்ளது.

ஹெச்டிஎஃப்சி வங்கியின் ஒருங்கிணைந்த நிகர லாபம் 21% அதிகரித்து, 12,594.5 கோடி ரூபாயாக அதிகரித்துள்ளது. இதே ஒருங்கிணைந்த நிகர வருவாய் விகிதமானது 20.3% அதிகரித்து, 34,552.8 கோடி ரூபாயாக அதிகரித்துள்ளது. இது கடந்த ஆண்டு 28,733.9 கோடி ரூபாயாக இருந்தது.

இதே வரிக்கு முந்தைய லாபம் 15,935.5 கோடி ரூபாயாக அதிகரித்துள்ளது. இதே வரிக்கு பிந்தைய லாபம் என்பது 3888.1 கோடி ரூபாயாக உள்ளது. இவ்வங்கியின் நிகர லாபம் 12,047.5 கோடி ரூபாயாக அதிகரித்துள்ளது. இது கடந்த ஆண்டினை காட்டிலும் 19.8% எனும் அளவுக்கு ஏற்றம் கண்டுள்ளது.

இதே நிகர வட்டி வருவாய் என்பது 23.7% அதிகரித்து, 23,351 கோடி ரூபாயாக அதிகரித்துள்ளது. இது கடந்த ஆண்டில் 18,872 கோடி ரூபாயாக இருந்தது குறிப்பிடத்தக்கது.

இந்த வங்கியின் லாபம் 12,181 கோடி ரூபாயாக அதிகரிக்கலாம் என ஆய்வறிக்கைகள் சுட்டி காட்டிய நிலையில், இது குறைந்துள்ளது. இதன் நிகர வட்டி வருவாய் விகிதமும் கடந்த ஆண்டினை காட்டிலும் 30.5 சதவீதமாகவும், கடந்த காலண்டினை காட்டிலும் 24,601.9 கோடி ரூபாயாகவும் இருந்தது.

வட்டி வருவாய் அதிகரித்துள்ள சூழலில் இதன் டெபாசிட் விகிதமும் நல்ல வலுவான வளர்ச்சியினை கண்டுள்ளது. இது 1,883,395 கோடி ரூபாயாக அதிகரித்துள்ளது. இது கடந்த ஆண்டினை காட்டிலும் 21 சதவீதம் அதிகரித்துள்ளது. இதே மொத்த அட்வான்ஸ் மார்ச் 31, 2023 அன்று 1,600,586 கோடி ரூபாயாக அதிகரித்துள்ளது. இது கடந்த ஆண்டினை காட்டிலும் 16.9 சதவீதம் எனும் அளவுக்கு ஏற்றம் கண்டுள்ளது.

இதே உள் நாட்டில் வழங்கப்பட்ட சில்லறை கடன் வளர்ச்சியானது 20.8% ஆக வளர்ச்சி கண்டுள்ளது. இதே வணிகம் மற்றும் கிராமப்புற வங்கி கடன் வளர்ச்சியானது 29.8 சதவீதம் எனும் அளவுக்கு வளர்ச்சி கண்டுள்ளது. இதே கார்ப்பரேட் மற்றும் மொத்த கடன் வளர்ச்சியானது 12.6% எனும் அளவுக்கும் வளர்ச்சி கண்டுள்ளது.

மொத்த செயல்படாத சொத்தின் மதிப்பு 1.12% ஆகவும், இது கடந்த காலாண்டில் 1.23% ஆகவும் இருந்தது. இதே கடந்த ஆண்டில் 1.17% ஆகவும் இருந்தது. இதே நிகர செயல்படாத சொத்தின் மதிப்பு 0.27% ஆகவும் உள்ளது.

லாபமானது எதிர்பார்ப்பினை காட்டிலும் குறைந்திருந்தாலும், இவ்வங்கி முதலீட்டாளர்களுக்கு மார்ச் 31வுடன் முடிவடைந்த வருடத்திற்கு 19 ரூபாய் டிவிடெண்டாக கொடுக்க பரிந்துரை செய்துள்ளது. இது கடந்த ஆண்டு 15.5 ரூபாயாக கொடுத்தது.