வியக்க வைக்கும் சம்பளம்.. பணமழையில் ஆட்டம்போடும் இந்திய சிஇஓ-கள்..!

இந்திய பொருளாதாரம் கடந்த ஓராண்டில் உலகளாவிய மந்தநிலை மற்றும் பொருளாதார நிச்சயமற்ற தன்மைக்கு மத்தியிலும் நாட்டின் வர்த்தகம் வளர்ச்சி பாதையில் உள்ளது. இதன் மூலம் இந்தியாவின் பல முக்கிய தலைமை நிர்வாக அதிகாரிகள் FY23 இல் வியக்க வைக்கும் அளவில் அதிகப்படியான சம்பளத்தை பெற்றுள்ளனர்.

ஐடி சேவை நிறுவனங்களான டிசிஎஸ், இன்போசிஸ் முதல் எஃப்எம்சிஜி நிறுவனமான ஹிந்துஸ்தான் யூனிலீவர் வரை, இந்தியாவின் பல தொழில்துறை முன்னணி நிறுவனங்களின் சிஇஓ-க்கள் மார்ச் 31, 2023 அன்று முடிவடைந்த நிதியாண்டுக்கான சம்பள அளவு கடந்த ஒரு மாதத்தில் வெளியாகியுள்ளது.

Wipro CEO Thierry Delaporte: தியரி டெலாபோர்ட் 2023 ஆம் நிதியாண்டின் போது 10 மில்லியன் டாலர், அதாவது சுமார் 82.2 கோடி ரூபாய் அளவிலான சம்பளத்தை பெற்றுள்ளார்.

TCS CEO Rajesh Gopinanthan: முன்னாள் டிசிஎஸ் சிஇஓ ராஜேஷ் கோபிநாதன் 2022-23 நிதியாண்டில் ரூ.29.16 கோடி சம்பளம் பெற்றுள்ளார். இது முந்தைய ஆண்டை காட்டிலும் 13% அதிகம்.

Infosys CEO Salil Parekh: சலில் பாரிக் 2023 நிதியாண்டில் மொத்தம் 56.4 கோடி ரூபாயை சம்பளமாக பெற்றுள்ளார். இது கடந்த நிதியானண்டை காட்டிலும் 21% குறைவாகும்.

HUL CEO Sanjiv Mehta: ஹிந்துஸ்தான் யூனிலீவர் சிஇஓ சஞ்சீவ் மேத்தா 2023 ஆம் நிதியாண்டில் 22.36 கோடி ரூபாயை சம்பளமாக பெற்றுள்ளார். இவர் பதவி விலக உள்ள நிலையில் ரோஹித் ஜாவா ஹிந்துஸ்தான் யூனிலீவரின் நிர்வாக இயக்குநராகவும் (MD) மற்றும் தலைமை நிர்வாக அதிகாரியாகவும் (CEO) ஜூன் 27 அன்று பொறுப்பேற்கிறார்.

SBI chairman Dinesh Khara: ஸ்டேட் பாங்க் ஆஃப் இந்தியா தலைவர் தினேஷ் காரா 2023 ஆம் நிதியாண்டில் 37 லட்சம் ரூபாயை சம்பளமாக பெற்றார். கடந்த ஆண்டு இதன் அளவு 34.42 லட்சம் ரூபாயாக இருந்தது.

Tata Power CEO Praveer Sinha: பிரவீர் சின்ஹா ​​2023 நிதியாண்டில் 9 கோடி ரூபாயை சம்பளமாக பெற்றுள்ளார்

Tata Chemicals CEO R Mukundan: டாடா பவர் சிஇஓ போலவே, டாடா கெமிக்கல்ஸ் ஆர் முகுந்தனும் 16% சம்பள உயர்வு உடன் 2023 ஆம் நிதியாண்டில் 8 கோடி ரூபாயை சம்பளமாக பெற்றுள்ளார்.

Voltas CEO Pradeep Bakshi: பிரதீப் பக்ஷி 2023 ஆம் நிதியாண்டில் 3.8 கோடி ரூபாயை சம்பளமாக பெற்றுள்ளார். இது கடந்த ஆண்டை காட்டிலும் 22% அதிகமாகும்.

IHCL CEO, Puneet Chhatwal: 2022-23 ஆம் நிதியாண்டில் டாடா குழுமத்தின் கீழ் இருக்கும் இந்தியன் ஹோட்டல்ஸ் லாபம் 1003 கோடி ரூபாயாக உயர்ந்துள்ளது. இதன் மூலம் இந்தியன் ஹோட்டல்ஸ் நிறுவனத்தின் சிஇஓ சம்பளம் 37 சதவீதம் உயர்ந்து 18.23 கோடி ரூபாயாக உள்ளது.

Trent CEO P. Venkatesalu: டாடா குழுமத்தின் ரீடைல் செயின் நிறுவனமான டிரென்ட் லாபத்தில் 10 மடங்கு வளர்ச்சியும், வருவாயில் 80 சதவீத வளர்ச்சியும் பதிவு செய்துள்ளது. டிரென்ட் நிறுவனத்தின் சிஇஓ பி.வெங்கடேசலு சம்பளம் 62 சதவீதம் அதிகரித்து 5.12 கோடி ரூபாயாக உயர்ந்துள்ளது.