ரூ.200 பாக்கெட் மணியை கொண்டு ரூ. 10 கோடி மதிப்புள்ள நிறுவனத்தை உருவாக்கிய மாணவர்!!

இந்தியாவில் பர்சனல் கேர் எனப்படும் தனிப்பட்ட பராமரிப்பு சம்பந்தப்பட்ட பொருட்களுக்கு எப்பொழுதுமே டிமாண்ட் அதிகம் . அதுவும் தோல் சம்பந்தப்பட்ட மற்றும் கூந்தல் பராமரிப்புக்கான சோப்பு ஷாம்பு உள்ளிட்டவை நாம் இயற்கையான பொருட்களிலிருந்து தயாரித்து வழங்குகிறோம் என்றால் கண்டிப்பாக உங்களுக்கு வெற்றி கிடைக்கும் .

அதை தன்னுடைய 24 வயதிலேயே சாதித்து காட்டியிருக்கிறார் சூரிய வர்ஷன் என்ற தமிழ்நாட்டு இளைஞர் . இவர் சொந்தமாக Naked Nature என்ற பெயரில் ஒரு நிறுவனத்தை நடத்தி வருகிறார். இந்த நிறுவனம் தோல் பராமரிப்பு சீரம், சோப் , எண்ணெய் என பல்வேறு பொருட்களையும் விற்பனை செய்து வருகிறது . டைரக்ட் டு கஸ்டமர் என்ற முறையில் நேரடியாக வாடிக்கையாளர்களுக்கு பொருட்களை தயாரித்து விற்பனை செய்யும் நேக்கட் நேச்சர் நிறுவனத்தை உருவாக்குவதற்கு காரணமாக இருந்தது சூரிய வர்ஷனுக்கு கிடைத்த 200 ரூபாய் பாக்கெட் மணி என்பது தான் இதன் பின்னால் இருக்கக்கூடிய சுவாரஸ்யம்.

சூர்யா 12 ஆம் வகுப்பு படித்துக் கொண்டிருக்கும் போது hibiscus bath salt என்ற உப்பை தன்னுடைய சொந்த சமையலறையில் இருந்து உருவாக்கினர் .தூத்துக்குடியில் பிறந்து வளர்ந்த சூர்யாவுக்கு உப்பை வைத்து பல்வேறு ஆராய்ச்சிகள் மேற்கொள்வது என்றால் சிறுவயதினிலே விருப்பம். அப்படித்தான் இந்த ஹைபிஸ்கஸ் பாத் சால்ட் என்பதை உருவாக்கினார் . இதற்கு தனக்கு கிடைத்த பாக்கெட் மணியை பயன்படுத்தினார்.

ஆனால் பள்ளி படிப்பு கூட முடிக்காத ஒரு இளைஞன் தயாரித்திருக்கும் ஒரு பொருள் என்பதால் முதலில் இதனை வாங்குவதற்கும் இதனை ஏற்பதற்கும் பலரும் தயக்கம் காட்டினார்களாம். ஆனால் தற்போது புகழ்பெற்ற ஒரு பர்சனல் கேர் பிராண்டாக நேக்கட் நேச்சர் மாறி இருக்கிறது. சென்னையில் பொறியியல் படிப்பை படித்த சூர்யா வார இறுதி நாட்களில் மதுரைக்கு சென்று தன்னுடைய தொழிலை விரிவு செய்வதற்கான பணிகளில் ஈடுபட்டார்.

இவருடைய தயாரிப்புகளால் ஈர்க்கப்பட்ட ஒரு ஆயுர்வேத மருத்துவர் இவரின் பொருட்களுக்கு பெரிய அளவில் ஒரு ஆர்டரை கொடுத்தாராம் . இதுதான் ஒரு தொழில் முனைவராக சூர்யா தன்னை வளர்த்துக் கொள்ள வேண்டும் என்ற நம்பிக்கையை வழங்கியது. இதனை அடுத்து சென்னையில் இருந்து தன்னுடைய கல்லூரி படிப்பை மதுரைக்கு மாற்றிக் கொண்ட அவர் முழுவதுமாக தன்னுடைய சுய தொழிலில் கவனம் செலுத்தினார்.

ஆன்லைன் படிப்புகள் வாயிலாக டிஜிட்டல் மார்க்கெட்டிங் குறித்து தெரிந்து கொண்டு அவர் அதன் மூலம் பலருக்கும் வகுப்புகள் எடுத்து அதில் கிடைத்த வருமானத்தை கொண்டு நேக்கட் நேச்சர் நிறுவனத்தை படிப்படியாக வளர்த்தார். தற்போது 70 தயாரிப்புகள் இவரை நிறுவனத்தின் கீழ் விற்பனை செய்யப்படுகின்றன . இவர் பலருக்கு வேலை வாய்ப்புகளையும் உண்டாக்கி தந்திருக்கிறார் .

இவர் நிறுவனம் 2021- 22 ஆம் ஆண்டிலேயே ஆண்டுக்கு 56 லட்சம் ரூபாய் வருமானம் ஈட்டும் நிறுவனமாக மாறியது . சுமார் பத்து கோடி ரூபாய் மதிப்பு கொண்ட நிறுவனம் ஆகவும் தற்போது இது உருவெடுத்து இருக்கிறது. இந்த பிரிவில் இவர் வெற்றி பெறுவதற்கு முக்கிய காரணம் மற்ற நிறுவனங்களைப் போல இல்லாமல் தன்னுடைய நிறுவனம் தயாரிக்கும் பொருட்களில் இவர் பசு நெய்யை பிரதானமான ஒரு பொருளாக பயன்படுத்துகிறார்.

செயற்கையான நிறமிகள், ரசாயனங்கள் போன்றவற்றை இவர் பயன்படுத்துவது கிடையாது இதனால்தான் தன்னுடைய நிறுவனத்திற்கு நேக்கட் நேச்சர் என பெயர் சூட்டியிருக்கிறார் இயற்கையில் இருந்து தயாரிக்கப்படும் பொருள் என்ற நோக்கம் பல நபர்களையும் ஈர்த்திருக்கிறது.