இந்தியாவில் வசிக்கும் ஒருவர் எத்தனை கிரெடிட் கார்டுகளை பெற முடியும்? வரம்பு இவ்வளவுதான்!

கிரெடிட் கார்டு அறிமுகம் செய்யப்பட்டதிலிருந்து பணம் செலுத்துவது எளிதாகி உள்ளது. தேவையான நேரங்களில் கிரெடிட் கார்டுகளைப் பெற்று மக்கள் செலவழிக்க உதவிகரமானதாக இருக்கிறது. மேலும் அவசர காலங்களிலும் கை கொடுக்கும் வகையில் பலர் கிரெடிட் கார்டுகளைப் பயன்படுத்தி வருகின்றனர். நீங்கள் கிரெடிட் கார்டுகளை பயன்படுத்துவபவராக இருந்தால்.. இந்தியாவில் ஒருவர் எத்தனை கிரெடிட் கார்டுகளை வைத்திருக்க முடியும்? என்று தெரிந்து கொள்வது அவசியம். நீங்கள் பல கிரெடிட் கார்டுகளை வைத்திருந்தால் அதற்கான நன்மைகள் என்ன? தீமைகள் என்ன? என்பதையும் தெரிந்து வைத்திருக்க வேண்டும்.

இந்தியாவில் ஒருவர் ஒரே நேரத்தில் எத்தனை கிரெடிட் கார்டுகளை வைத்திருக்க முடியும்?: கிரெடிட் கார்டுகள் என்பது குறுகிய கால கடன் என்று வைத்துக் கொள்ளலாம். ஷாப்பிங் செய்தல், பில் செலுத்துதல் போன்றவற்றிற்கு கிரெடிட் கார்டுகளைப் பயன்படுத்தலாம். ஒரு நபர் ஒரே நேரத்தில் பல கிரெடிட் கார்டுகளை வைத்திருக்க முடியும். இதற்கான குறிப்பிட்ட வரம்பு என்று எதுவும் இல்லை. ஆனால் அதனை சரியான முறையில் நிர்வகித்து உரிய தேதிக்குள் முழுமையாக செலுத்துபவர்கள் மட்டுமே அதிக கிரெடிட் கார்டுகளைப் பெற வேண்டும்.

பல கிரெடிட் கார்டுகள் பெறுவதற்கான தகுதி: பெரும்பாலான கிரெடிட் கார்டு வழங்கும் நிறுவனங்கள் குறைந்தபட்சம் 4 முதல் 5 லட்சம் ஆண்டு வருமானம் உள்ள விண்ணப்பதாரர்களுக்கு அதிக சலுகைகளை வழங்குகின்றன. கிரெடிட் கார்டு பெறுவதற்கு.. விண்ணப்பதாரர் சம்பளம் பெறுபவராக அல்லது சுயதொழில் செய்பவராக இருக்க வேண்டும். அதிக கிரெடிட் ஸ்கோரும் அவசியம். ஏனெனில் இது விண்ணப்ப செயல் முறையை விரைவுப்படுத்தும்.

பல கிரெடிட் கார்டுகளை வைத்திருப்பதன் நன்மைகள்: பல கிரெடிட் கார்டுகளைப் பெறுவது எதிர்பாராத நேரத்தில் ஏற்படும் செலவுகளுக்கான பாதுகாப்பை வழங்குகிறது. அதே போல ஒவ்வொரு கிரெடிட் கார்டுக்கும் ஒவ்வொரு வகையான நன்மைகள் இருக்கும்.

அதன் மூலம் நீங்கள் அதிக அளவிலான பலன்களையும் பெற முடியும். சில கிரெடிட் கார்டுகளுக்கு இலவச ஓய்வறையை விமான நிலையங்களில் பயன்படுத்துவதற்கான வசதி வழங்கப்படும். சில கிரெடிட் கார்டுகளில் கேஷ்பேக் மற்றும் ரிவார்டுகள் வழங்கப்படும். கிரெடிட் கார்டுகளைப் பொறுத்து இந்த சலுகைகள் மற்றும் ரிவார்டுகள் மாறும்.

பல கிரெடிட் கார்டு வைத்திருப்பதன் தீமைகள்: பல கிரெடிட் கார்டுகளை வைத்திருப்பதால் ஒவ்வொரு மாதத்தின் முடிவிலும் அதிக பில்களை செலுத்த வேண்டிய சூழ்நிலை ஏற்படலாம். மேலும் சரியான நேரத்தில் பணம் செலுத்த முடியாவிட்டால் நிதிச் சுமை அதிகரிக்கும். ஏனெனில் கிரெடிட் கார்டுகளுக்கு அதிக வட்டி வசூலிக்கப்படுகிறது.

ஜாயினிங் கட்டணம் மற்றும் வருடாந்திர கட்டணங்கள் போன்ற சில கட்டணங்களையும் செலுத்த வேண்டி இருக்கும். குறுகிய காலத்தில் பல கிரெடிட் கார்டுகளுக்கு விண்ணப்பிக்கும் போது உங்களுடைய கிரெடிட் ஸ்கோர் குறையலாம்.