ஆன்லைனில் "Driving Licence Renewal" செய்வது எப்படி? சிம்பிள் ஸ்டெப்ஸ்.. வீட்டிலிருந்தே பண்ணலாம்!

இந்தியாவில் மோட்டார் வாகனத்தை ஓட்டும் ஒவ்வொரு நபரும் செல்லுபடியாகும் ஓட்டுநர் உரிமத்தை (டிரைவிங் லைசென்ஸ்) வைத்திருப்பது கட்டாயம். ட்ராஃபிக் லைட் சிக்னல்களைக் கடைப்பிடிப்பது, உங்கள் வாகனத்திற்கான செல்லுபடியாகும் இன்சூரன்ஸ் வைத்திருப்பது போன்றே, உங்கள் வாகனத்தின் டிரைவிங் லைசென்ஸ்-ஐ புதுப்பித்த நிலையில் வைத்திருப்பது அவசியம்.

ஓட்டுநர் உரிமத்தை புதுப்பித்தல் (Driving Licence Renewal): ஓட்டுநர் உரிமம் சில வருடங்களுக்கு மட்டுமே செல்லுபடி ஆகும், அதன்பின் அது காலாவதியாகிவிடும். அதனால் ஓட்டுநர் உரிமம் காலாவதி ஆவதற்கு முன்பே அதனை புதுப்பிக்க வேண்டும். நீங்கள் தமிழ்நாட்டில் டிரைவிங் லைசென்ஸ்-ஐ புதுப்பிப்பதற்கு இந்த கட்டுரையை முழுமையாக படியுங்கள். தமிழ்நாட்டில் ஆன்லைன் மூலம் டிரைவிங் லைசென்ஸ்-ஐ புதுப்பிப்பிக்கும் செயல்முறை எப்படி என்பதைப் பார்ப்போம்.

தமிழ்நாட்டில் ஓட்டுநர் உரிமத்தை ஆன்லைனில் புதுப்பிக்க நீங்கள் பின்பற்ற வேண்டிய ஸ்டெப்ஸ் கீழே கொடுக்கப்பட்டுள்ளது.

ஸ்டெப் 1: ஆர்டிஓவின் ( RTO ) அதிகாரப்பூர்வ ஆன்லைன் இணையத்தளமான பரிவாஹன் போர்ட்டலின் உள்ளே செல்ல வேண்டும்.

ஸ்டெப் 2: ஆன்லைன் சர்வீசஸ் பட்டியலிலிருந்து "Driving Licence Services" என்பதைத் தேர்ந்தெடுக்கவும்.

ஸ்டெப் 3: அதில் உங்களுடைய மாநிலப் பெயரை "தமிழ்நாடு" என்று தேர்ந்தெடுக்கவும். பின்பு "Apply for DL Renewal" என்பதைத் தேர்வு செய்யவும் .

ஸ்டெப் 4: அதில் கொடுக்கப்படும் வழிமுறைகளைப் நன்கு படித்து, "Continue " என்பதைக் கிளிக் செய்யவும்.

ஸ்டெப் 5: தற்போது நீங்கள் வேறு பக்கத்திற்கு அழைத்துச் செல்லப் படுவீர்கள். அதில் உங்கள் ஓட்டுனர் உரிம எண் மற்றும் பிறந்த தேதியை என்டர் செய்யவும்.

ஸ்டெப் 6: கேப்ட்சா கோட்-ஐ (captcha code) என்டர் செய்து "Get DL Details" என்பதைக் கிளிக் செய்யவும்.

ஸ்டெப் 7: அதில் கொடுக்கப்பட்டுள்ள விவரங்களைச் சரிபார்த்து, டிரைவிங் லைசென்ஸ்ஸின் வகை, மாநிலம், RTO ஆகியவற்றைத் தேர்ந்தெடுத்து, "proceed" என்பதைக் கிளிக் செய்யவும்.

ஸ்டெப் 8: தற்போது " DL Renewal" எனும் சேவையை தேர்ந்தெடுத்து ஆன்லைன் படிவத்தை நிரப்பவும்.

ஸ்டெப் 9: பின், அவர்கள் கேட்கும் ஆவணங்களைப் அந்த போர்ட்டலில் பதிவேற்றி, "Submit" என்பதைக் கிளிக் செய்யவும்.

ஸ்டெப் 10: இறுதியாக உங்களுக்கு ஒரு விண்ணப்ப எண்னுடன் ஒப்புகை ரசீது அனுப்பப்படும். உங்களுடைய எதிர்கால குறிப்புக்காக அந்த ஒப்புகை ரசீதை பதிவிறக்கம் செய்து கொள்ளுங்கள்.

அந்த ரசீதை குறிப்பிட்ட தேதியில் வட்டார போக்குவரத்து அலுவலகத்தில் சமர்ப்பிக்க வேண்டும். உங்களுடைய ஆவணங்கள் சரிபார்க்கப்பட்ட பிறகு புதுப்பிக்கப்பட்ட ஓட்டுநர் உரிமம், நீங்கள் குடியிருக்கும் முகவரிக்கே அனுப்பப்படும். மேற்கூறிய ஆன்லைன் முறையைப் பயன்படுத்தி, உங்கள் ஓட்டுநர் உரிமத்தை எளிதாகப் புதுப்பித்துக் கொள்ளலாம்.