யாருமே கண்டுக்கல்ல.. விரக்த்தியில் Hyperloop One நிறுவனம் மூடல்.. எலான் மஸ்க் கனவு புதைக்கப்பட்டது!

ஒரு நாட்டின் பொருளாதாரம் வேகமாக வளர்ச்சி அடைய வேண்டுமெனில் வேகமான, மலிவான மற்றும் பல தரப்பு போக்குவரத்து அவசியம். இதுதான் அடிப்படை, இதற்காகவே இந்தியாவில் பல போக்குவரத்துத் திட்டங்கள், மேம்பாடுகள் செய்யப்பட்டு வருகிறது.

இதனால் போக்குவரத்துச் செலவுகள் குறைவது மட்டும் அல்லாமல் மக்களின் இயக்கமும் வேகமாக இருக்கும், இதனால் வர்த்தகம், முதலீடுகள், வேலைவாய்ப்பு என அனைத்தும் வளர்ச்சி அடையும். இந்தப் பார்மூலா ஆதிகாலத்தில் சக்கரம் கண்டுபிடிக்கப்பட்ட காலத்தில் இருந்து இருக்கிறது.

இப்படி, உலகையைத் தனது வேகமான போக்குவரத்து முறை மூலம் வியக்கவைத்தது Hyperloop One நிறுவனம். டெஸ்லா நிறுவனத்தின் தலைவரான எலான் மஸ்க் ஒரு மேதை என்பது எல்லோருக்கும் தெரியும், இவர் 2013ல் Hyperloop என்ற வேகமான போக்குவரத்து முறையைக் குறித்த ஆய்வறிக்கையைச் சமர்ப்பித்தார். இதன் அடிப்படையில் தான் Hyperloop One நிறுவனம் உருவாக்கப்பட்டது.

Hyperloop One நிறுவனம் மூடப்படுவதற்கு முன்பு, Hyperloop என்றால் என்ன எனத் தெரிந்துகொள்ள வேண்டியது அவசியம். இந்தப் போக்குவரத்து முறை ஒரு டியூப் வாயிலாக நடக்கும் உதாரணமாகக் கன்னியாகுமரி முதல் காஷ்மீர் வரையில் மெட்ரோ பாலம் போல் ஒரு டியூப் அமைத்து அதில் ஒரு கேப்சியூல் போன்ற வாகனத்தில் அமர்ந்துகொண்டால் LOW PRESSURE வாயிலாக இந்தக் கேப்சியூல் வேகமாகச் செல்லும்.

எந்த அளவுக்கு வேகமாகச் செல்ல முடியும் என்றால்.. ஜூலை 2019ல் செய்த சோதனையில் இந்தக் கேப்சியூல் டியூப் வாயிலாக 463 km/h வேகத்தில் செல்லக் கூடியது எனக் கண்டுபிடிக்கப்பட்டது. அப்படியானால் கன்னியாகுமரியில் இருந்து காஷ்மீர் வரையிலான 3676 கிலோமீட்டர் தூரத்தை வெறும் 8 மணிநேரத்தில் கடந்துவிடலாம். கேட்கும்போதே பிரம்மிப்பாக இருக்குதுல்ல.

இந்த வேகமான போக்குவரத்து முறையைப் பலருக்கும் வியப்பை கொடுத்த நிலையில், பல நிறுவனங்கள் இத்துறையில் இறங்கியது. 2014 ஆம் ஆண்டு துவங்கப்பட்ட இந்நிறுவனம் ஹைப்பர்லூப் அமைக்கப் பல நாடுகள் உடன் புரிந்துணர்வு ஒப்பந்தம் செய்தாலும், இதுவரையில் எந்தொரு நாடும் கட்டுமானத்தைத் துவங்கவில்லை.

ஏன் இந்தியாவில் மகாராஷ்டிர அரசு மும்பை டூ புனே மத்தியில் ஹைப்பர்லூப் அமைப்பு Hyperloop One நிறுவனத்துடன் விருப்பம் தெரிவித்து 2018ல் ஒப்பந்தம் செய்தது. ஆனால் இதுவரையில் எந்த ஒப்பந்தமும் பெறவில்லை.

இதனால் Hyperloop One நிறுவனத்தை மூடவும், இதன் சொத்துக்களை விற்கவும், டிசம்பர் 31 ஆம் தேதி உடன் இதன் ஊழியர்களைப் பணியில் இருந்து நீக்கவும் திட்டமிட்டு உள்ளது. 2020ல் முதல் முறையாக Hyperloop One நிறுவனத்தின் கேப்சியூல் வாயிலாக 171 கிலோமீட்டர் வேகத்தில் மனிதன் சோதனையும் நடந்தது.