இந்தியாவின் பணக்கார ஐஏஎஸ் அதிகாரி.. சன்கிளாஸ் புகழ் அமித் கட்டாரியா..!

குடிமைப் பணிகள் இந்தியாவிலேயே உயர்ந்த மற்றும் கௌரவமான பணியாக கருதப்படுகிறது. இவ்வாறு ஐஏஎஸ் அதிகாரிகள் ஆன பலரும் அவ்வப்போது செய்திகளில் வந்து கவனம் பெறுவார்கள். அப்படி ஒருவர் தான் அமித் கட்டாரியா.

இந்தியாவின் பணக்கார ஐஏஎஸ் அதிகாரி அமித் கட்டாரியா அடிக்கடி செய்திகளில் இடம் பிடிக்கும் ஒரு ஐஏஎஸ் அதிகாரி. இந்த முறை அவருடைய சொத்து மதிப்புக்காக மீண்டும் ஒருமுறை தலைப்புச் செய்தி ஆகி இருக்கிறார்.

அண்மையில் வெளியான செய்திகளின் அடிப்படையில் இந்தியாவின் பணக்கார ஐஏஎஸ் அதிகாரியாக அமித் கட்டாரியா இருக்கிறார். அவருடைய சொத்து மதிப்பு 8.9 கோடி ரூபாய் என தகவல்கள் தெரிவிக்கின்றன.

2004 ஆம் ஆண்டு சத்தீஸ்கர் கேடரை சேர்ந்த ஐஏஎஸ் அதிகாரி தான் அமித் கட்டாரியா. ஏழு ஆண்டு காலம் மத்திய அரசில் பயணிபுரிந்து வந்த அமித் கட்டாரியா அண்மையில் தான் மாநில அரசு நிர்வாகத்தில் பணிக்கு சேர்ந்தார்.

2003 ஆம் ஆண்டு யுபிஎஸ்சி தேர்வில் தேசிய அளவில் 18ஆவது ரேங்க் பெற்றவர். அண்மையில் தான் இவர் மத்திய ஊரக மேம்பாட்டு அமைச்சகத்தில் ஜாயிண்ட் செகரட்டரியாக நியமனம் செய்யப்பட்டார் .

அதற்கு முன்பு அவர் சத்தீஸ்கர் மாநிலத்தில் பல்வேறு மாவட்டங்களில் மாவட்ட ஆட்சியராக பணிபுரிந்தார். டெல்லி ஆர் கே புறத்தில் உள்ள பப்ளிக் ஸ்கூலில் பள்ளி படிப்பை முடித்த இவர் பின்னர் டெல்லி ஐஐடி கல்வி நிறுவனத்தில் மேல் படிப்பை முடித்தார்.

குடிமை பணிகளில் ஆர்வம் வந்து யுபிஎஸ்சி தேர்வுக்கு தயாராகி தேசிய அளவில் 18ஆவது ரேங்க் பெற்றார். அவருடைய சொத்து மதிப்பு தற்போது 8.9 கோடி ரூபாய்ஆகும் . இந்தியாவின் பணக்கார ஐஏஎஸ் அதிகாரியாக அறியப்படுகிறார்.

இவருடைய சொத்தின் பெரும்பாலான பகுதி இவரது ஊதியத்தில் இருந்து வரவில்லை , இவருடைய குடும்பம் பாரம்பரியமாக ரியல் எஸ்டேட் தொழிலில் ஈடுபட்டு வருகிறது . அதில் கிடைத்த பங்குகள் மூலம் இவருக்கு சொத்தில் கணிசமான தொகை கிடைத்திருப்பதாக தெரிகிறது.

செல்வச்செழிப்பான குடும்பத்தைச் சேர்ந்தவராக இருந்தபோதிலும், தனிப்பட்ட நிதி ஆதாயத்தை விட தேசத்திற்கு சேவை செய்வதில் அதிக கவனம் செலுத்துவதற்காக தனது ஐ.ஏ.எஸ் பணிக்காக 1 ரூபாய் சம்பளத்தை மட்டுமே பெற்றுக்கொண்டார். அப்போது செய்திகளில் இடம் பிடித்த இவர், 2015ஆம் ஆண்டு பிரதமர் மோடி சத்தீஸ்கர் வந்திருந்த போது பஸ்தாரின் ஐஏஎஸ் அதிகாரி அமித் கட்டாரியா சன்கிளாஸ் அணிந்திருந்தது சர்ச்சையை ஏற்படுத்தியது.

இப்படி சர்ச்சைகள் ஒரு புறம் இருந்தாலும் தன்னுடைய சிறப்பான பணிக்காகவும் அறியப்படுகிறார் அமித் கட்டாரியா. தன்னுடைய திறமையான நிர்வாகத்தால் பல அங்கீகாரங்களையும் பெற்றுள்ளார்.