தோனி செஞ்சுரி அடித்தால்.. சிஎஸ்கே 100-ஐ தொடும்.. எப்படி..?!

இந்தியாவிலேயே அதிக ரசிகர்களைக் கொண்டு ஐபிஎல் அணி என்றால் சிஎஸ்கே தான். கொரோனா தொற்றுக் காரணமாக ஐபிஎல் போட்டிகள் முழுமையாக நடைபெறாமலும், இப்போட்டிகள் சார்ந்த வர்த்தகமும் பெரிய அளவில் குறைந்துள்ளது.

இந்த நிலையில் சென்னை சூப்பர் கிங்ஸ் அணி 2020-20ஆம் நிதியாண்டில் வரிக்கு பிந்தைய லாப அளவீட்டில் வெறும் 40.26 கோடி ரூபாய் அளவிலான லாபத்தை மட்டுமே பெற்றுள்ளது. இது கடந்த நிதியாண்டில் 50.33 கோடி ரூபாயாக இருந்தது குறிப்பிடத்தக்கது.

சென்னை சூப்பர் கிங்ஸ் அணி

சென்னை சூப்பர் கிங்ஸ் அணியின் லாபத்தில் ஏற்பட்ட சரிவுக்கு மிகப்பெரிய காரணம் கொரோனா தொற்று மட்டுமே. மேலும் சிஎஸ்கே அணி 2021ஆம் நிதியாண்டில் 247.83 கோடி ரூபாய் அளவிலான வருவாய் மட்டுமே பெற்றுள்ளது. கடந்த ஆண்டு இதன் அளவு 350.27 கோடி ரூபாய் இதை ஒப்பிடுகையில் சுமார் 29 சதவீதம் சரிவு.

13வது ஐபிஎல் போட்டிகள்

13வது ஐபிஎல் போட்டிகள் கொரோனா தொற்றுக் காரணமாகக் கால தாமதமாகத் துவங்கியது மட்டும் அல்லாமல் செப்டம்பர் -நவம்பர் மாதத்தில் ஐக்கிய அரபு நாடுகளில் நடைபெற்றது. இதனால் விளம்பரம், டிக்கெட் விற்பனை முதல் அனைத்திலும் பாதிப்பு ஏற்பட்டது.

14வது ஐபிஎல் போட்டிகள்

இந்நிலையில் சிஎஸ்கே அணியின் ஒரு பங்கு விலை தற்போது வெறும் 88 முதல் 92 ரூபாய் விலையில் விற்பனை செய்யப்படுகிறது. 14வது ஐபிஎல் போட்டிகளில் மீதமுள்ள போட்டிகள் மீண்டும் செப்டம்பர் 19ஆம் தேதி முதல் ஐக்கிய நாடுகளில் துவங்க உள்ளது.

சிஎஸ்கே அணி பங்கு விலை

சிஎஸ்கே அணியின் பங்கு விலை விலை நவம்பர் 2018ல் வெறும் 12 முதல் 15 ரூபாய்க்கு விற்பனை செய்யப்பட்ட நிலையில் தற்போது 670 சதவீத உயர்வில் 88 முதல் 92 ரூபாய் விலையில் வர்த்தகம் செய்யப்படுகிறது.

தோனி செஞ்சுரி அடிப்பாரா

இந்நிலையில் செப்டம்பர் 19ஆம் தேதி ஐக்கிய நாடுகளில் துவங்க இருக்கும் மீதமுள்ள போட்டிகளில் தோனி செஞ்சுரி அடித்துச் சிஎஸ்கே அணி கப்பை வென்றால் கட்டாயம் சிஎஸ்கே அணியில் பங்கு மதிப்பு 100 ரூபாயைத் தொடும் எனக் கணிக்கப்படுகிறது.

தோனி செஞ்சுரி அடிப்பாரா.. சிஎஸ்கே 100ஐ தொடுமா..?