இன்னும் 10 நாள் தான் இருக்கு.. அதுக்குள்ள ITR சரிபார்ப்பை செஞ்சிடுங்க.. இல்லன்னா ரீபண்ட் வராது!

ஜூலை 31-ஆம் தேதி வரை சுமார் 7.28 கோடிக்கு மேற்பட்ட வருமான வரி தாக்கல் (ITR) செய்யப்பட்டுள்ளன. இதில் சுமார் 5 கோடி பேர் ஜூலை 26-ஆம் தேதிக்குள் தங்களது ITR-ஐ தாக்கல் செய்து விட்டனர். வருமான வரித் துறை ஜூலை 27 மற்றும் ஆகஸ்ட் 2, 2024 அன்று வெளியிட்ட தரவுகளின்படி இந்த விவரங்கள் தெரியவந்துள்ளது. இதன் விளைவாக, ஜூலை இறுதி நாட்களில் அதாவது ஜூலை 26-ஆம் தேதிக்கு பிறகு தாக்கல் செய்யப்பட்ட 2.28 கோடி ITR-களுக்கு, தங்கள் ITR-ஐ சரிபார்ப்பதற்கான காலக்கெடு ஆகஸ்ட் 26 முதல் ஆகஸ்ட் 30 வரை உள்ளது. எனவே, நீங்கள் இந்த தேதிகளுக்கு இடையில் உங்கள் ITRஐ சமர்ப்பித்து இன்னும் சரிபார்க்கவில்லை என்றால், தாமதமாக ITR தாக்கல் செய்து கொள்ளலாம்.

வருமான வரி விதிகளின்படி இ-வெரிஃபிகேஷன் செயல்முறைக்கு ITR தாக்கல் செய்யப்பட்ட நாளிலிருந்து 30 நாள் வழங்கப்படுகிறது. வருமான வரித் துறையின்படி, 2024-ஆம் ஆண்டு ஆகஸ்ட் 20-ஆம் தேதி வரை தாக்கல் செய்யப்பட்ட மொத்த ITR-களின் எண்ணிக்கை 7,41,37,596 ஆகும்.

ஆகஸ்ட் 20-ஆம் தேதி அன்று மாலை 6 மணி வரை 7,09,89,014 (சுமார் 7.09 கோடி) ITR-கள் சரிபார்க்கப்பட்டதாக தரவுகள் காட்டுகின்றன. அப்படியானால் 7,41,37,596 - 7,09,89,014 = 382,48,58,48 ITR-கள் இன்னும் சரிபார்க்கப்படாமல் உள்ளன. ஆக இன்னும் 32 லட்சம் ITR-கள் சரிபார்க்கப்படவில்லை.

ஜூலை 31-ஆம் தேதிக்குள் ஐடிஆரைத் தாக்கல் செய்யத் தவறிவிட்டாலோ அல்லது ஜூலை 31-க்குள் ஐடிஆரைத் தாக்கல் செய்திருந்தாலோ தாமதமாக ஐடிஆரை நீங்கள் தாக்கல் செய்யலாம். ஆனால் 30 நாள் காலக்கெடு முடிவதற்குள் அதைச் சரிபார்க்க வேண்டும். எனவே, நீங்கள் உங்கள் ITR-ஐ தாக்கல் செய்திருந்தால், 30-நாள் காலக்கெடு முடிவதற்குள் சரிபார்க்க வேண்டும். இல்லையெனில், உங்களுக்கு வருமான வரி ரீபண்ட் கிடைக்காமல் போவதற்கு வாய்ப்பு உள்ளது.

ITR-ஐ சரி பார்ப்பது ப்ராசசிங் செயல்முறைக்கும் வருமானவரி ரீபண்ட் பெறுவதற்கும் முக்கியமான ஒன்று. இந்த 30 நாள் காலக்கெடுவுக்குள் ITR சரிபார்க்கப்படாவிட்டால், அது செல்லாததாகக் கருதப்படுகிறது. இதன் பொருள் இந்த ITR-களுடன் தொடர்புடைய எந்தவொரு வரித் திருப்பிச் செலுத்தும் கோரிக்கைகளும் செயல்படுத்தப்படாது. மேலும் வரி செலுத்துவோர் ஐடிஆரை மீண்டும் தாக்கல் செய்ய வேண்டியிருக்கும் என்று கூறியுள்ளார் சார்ட்டட் அக்கவுண்டன்ட் ட்விங்கிள் ஜெயின்.

ஜூலை 26-ஆம் தேதிக்குப் பிறகு வருமான வரி தாக்கல் செய்த 2.28 கோடி நபர்கள் இன்னும் ஐடிஆர்-ஐ சரிபார்க்கவில்லை. இன்னும் சிலர் தங்களுக்கு வருமான வரி ரீபண்ட் வராதது குறித்து குழப்பத்தில் உள்ளனர். எனவே இது போன்ற நபர்களுக்கு திருத்தப்பட்ட ITR தாக்கல் செய்ய இன்னும் பத்து நாட்கள் தான் இருக்கிறது.