OLA: இனி டாக்சி மட்டுமல்ல கடனும் கிடைக்கும்.. அதுவும் ரூ.10 லட்சம்.. அடேங்கப்பா..!

முன்னணி ஃபின்டெக் யுனிகார்ன் நிறுவனமான இன்க்ரெட் பைனான்சியல் சர்வீசஸ் (Incred Financial Services), நாடு முழுவதும் உள்ள மில்லியன் கணக்கான வாடிக்கையாளர்களுக்கு எளிதாகக் கடன்களை வழங்குவதற்காக ஓலா நிதிச் சேவைகளுடன் (Ola Financial Services) கூட்டு சேர்ந்துள்ளதாக அறிவித்துள்ளது.

இன்க்ரெட் பைனான்சியல் சர்வீசஸ் மற்றொரு முன்னணி நிறுவனமான ஓலா நிதிச் சேவைகளுடன் உடன் இணைந்து தனிநபர் கடன்களை வழங்கவுள்ளது. ஓலா செயலி மூலம் தனிநபர் கடன்களை வழங்கும் நோக்கத்துடன் இந்த கூட்டணியை அமைத்துள்ளதாக நிறுவனம் தெரிவித்துள்ளது.

நாடு முழுவதும் உள்ள தனது கோடிக்கணக்கான வாடிக்கையாளர்களுக்கு எளிதாக கடன் வழங்கும் நோக்கத்தில் நிறுவனம் இந்த முடிவை எடுத்துள்ளது. இப்போது பயனர்கள் ஓலா செயலி மூலம் ரூ. 10 லட்சம் வரை தனிநபர் கடன் பெற வாய்ப்பு உள்ளது.

தகுதியான வாடிக்கையாளர்களுக்கு எளிதாகக் கடன் வழங்குவதே தங்களின் நோக்கமாகும் என்றும், இதன் ஒரு பகுதியே ஓலாவுடனான கூட்டாண்மை எங்கள் இலக்கை அடைவதில் ஒரு முக்கிய மைல்கல் என்றும் இன்க்ரெட் ஃபைனான்ஸின் கன்சுயூமர் ஃபைனான்ஸ் CEO கூறியுள்ளார்.

மேலும் இது 2016 ஆம் ஆண்டு தொடங்கப்பட்டது. இந்த நிறுவனம் வங்கி, நிதிச் சேவைகள், காப்பீடு போன்ற துறைகளுக்கு கிரெட் ஃபைனான்ஸ், கிரெட் கேபிட்டல் மற்றும் இன் க்ரெட் மணி உள்ளிட்ட 3 நிறுவனங்களை இயக்குகிறது. இவற்றின் மூலம், நிறுவனம் கடன் வழங்குதல், செல்வம் மற்றும் சொத்து மேலாண்மை, சில்லறைப் பத்திரங்கள், முதலீடுகள் போன்ற நடவடிக்கைகளை மேற்கொள்கிறது.

மணிப்பால் கல்வி மற்றும் மருத்துவக் குழுமம் தொடர்பான ரஞ்சன் பாய் தலைமையிலான தொடர் பணமதிப்பிழப்புச் சுற்றில் ரூ. 500 கோடியைத் திரட்டிய பிறகு, 2023-ம் ஆண்டு இன்க்ரெட் யூனிகார்ன் அந்தஸ்தை பெற்றுள்ளது.

2024 நிதியாண்டில் நிறுவனம் நல்ல நிதி முடிவுகளை பதிவு செய்துள்ளது. அதன்படி, 2024 நிதியாண்டில் இன்க்ரெட் இன் நிகர லாபம் ஆண்டுக்கு ஆண்டு அடிப்படையில் 162 சதவீதம் அதிகரித்து ரூ. 316.3 கோடியாக உள்ளது. அதே நிதியாண்டில், நிறுவனத்தின் செயல்பாட்டு வருவாய் ஆண்டுக்கு ஆண்டு அடிப்படையில் 47 சதவீதம் அதிகரித்து ரூ. 1270 கோடியாக உள்ளது.