ரஷ்யாவை முந்திய இந்தியா.. 4வது இடத்திற்கு முன்னேற்றம்..!

Forex இருப்பு அளவு

ப்ளூம்பெர்க் வெளியிட்டுள்ள அறிக்கையின் படி மார்ச் 5ஆம் தேதி வர்த்தக முடிவில் இந்தியாவின் Forex இருப்பு அளவு 4.3 பில்லியன் டாலர் அளவில் சரிந்து 580.3 பில்லியன் டாலர் அளவை அடைந்துள்ளது. இதேவேளையில் ரஷ்யாவின் Forex இருப்பு அளவீடு 580.1 பில்லியன் டாலராகக் குறைந்துள்ளது.

இந்திய ரிசர்வ் வங்கி

அன்னிய செலாவணி அளவு ரிசர்வ் வங்கி டாலரை வாங்கும் போதும், விற்பனை செய்யும் போது மாறுபடும். பிப்ரவரி மாத கடைசியில் அமெரிக்கப் பத்திர சந்தையில் உருவான அதீத லாபகரமான சூழ்நிலையில் இந்தியச் சந்தையில் அதிகளவிலான முதலீடுகள் வெளியேறியது.

ரூபாய் மதிப்பு

இந்தத் தருணத்தில் ரூபாய் மதிப்புக் கடுமையாகப் பாதிக்கப்பட்டது, ரூபாய் மதிப்பை சரிவைக் குறைக்கவும், மேம்படுத்தவும், சுமார் 43 பில்லியன் டாலர் அளவிலான டாலரை ரீடைல் சந்தைக்குள் கொண்டு வந்தது. இதனால் ரூபாய் மதிப்பு கட்டுப்படுத்தப்பட்டது.

நாணய கொள்கை தளர்வு

இந்தியாவின் அன்னிய செலாவணி அளவீடு சிறப்பாக இருக்கும் வரையில் நாட்டின் நாணய கொள்கை மிகவும் ஏதுவாக இருக்கும், ஆனால் ரூபாய் மதிப்பு, முதலீடு சந்தையில் ஏற்படும் பாதிப்பு நாட்டின் டாலர் இருப்பை அதிகளவிலான பாதிப்பை ஏற்படுத்தும்.

12 மாதத்தில் 130 பில்லியன் டாலர்

கடந்த 12 மாதத்தில் இந்தியச் சந்தையில் சுமார் 130 பில்லியன் டாலர் இந்திய சந்தைக்குள் வந்துள்ளது. இதேவேளையில் ரஷ்ய சந்தையில் அதிகளவிலான முதலீடு குவிந்திருந்தாலும், அதிகளவில் வெளியேறிய காரணத்தால் 4வது இடத்தை இந்தியாவிடம் ரஷ்யா இழந்துள்ளது.