Just In
Don't Miss
-
ஒரே ஒரு கையெழுத்து.. கண்ணீரை துடைத்த GO.. நீயா நானாவில் பெண் பேசிய பேச்சு! உடனே கையில் எடுத்த திமுக! -
தன்னை தானே சுருக்கிக் கொண்ட 42 வயது தோனி.. ரசிகர்கள் ஆசை நிறைவேறாது.. இர்பான் பதான் அதிரடி -
விசில் போடு.. தளபதி விஜய் குரலில் வெளியானது GOAT ஃபர்ஸ்ட் சிங்கிள்.. சும்மா அள்ளுதே -
மனிதர்கள் முதன் முதலில் வளர்த்த ஆபத்தான செல்லப்பிராணி எது தெரியுமா? நீங்க நினைக்கிற மாதிரி நாய் இல்ல...! -
அப்பட்டமா இருக்கே.. EVM என்கிற மின்னணு வாக்குப்பதிவு இயந்திரத்தை ஹேக் செய்யலாமா? தேர்தல் ஆணையம் விளக்கம்! -
பெட்ரோல் பைக்கிற்கு பதிலாக எலக்ட்ரிக் பைக்கை வாங்க எத்தனை பேர் ரெடி? மார்க்கெட்டில் சேல்ஸில் இருக்கும் பைக்ஸ்! -
மாணவர்கள் குஷி...சென்னை பல்கலை.யில்ஏப்.15 முதல் முதுகலை படிப்புக்கு விண்ணப்பிக்கலாம்...!! -
'சிரட்டைக் கின்னரி' இருக்கும் குடைவரை கோவில் எங்கு உள்ளது தெரியும்?
உலக நாடுகள் ரஷ்யா மீது பொருளாதாரத் தடை, வர்த்தகத் தடை என அடுக்கடுக்காகப் பல கட்டுப்பாடுகளை விதித்துள்ள வேளையில், ரஷ்யா உடனான இந்தியாவின் வர்த்தகம் நாளுக்கு நாள் அதிகரித்து வருகிறது. இதுமட்டும் அல்லாமல் உக்ரைன் போருக்கு பின்பு இந்தியா - ரஷ்யா மத்தியில் புதிய வர்த்தகப் பாதை உருவாகியுள்ளது.
இப்புதிய வர்த்தகப் பாதை மூலம் இயல்பான வர்த்தகப் பாதையைக் காட்டிலும் வேகமாகப் பொருட்கள் டெலிவரி செய்யப்படுவது மட்டும் அல்லாமல் போக்குவரத்துச் செலவுகள் 30 சதவீதம் வரையில் குறைகிறது.
உலக நாடுகளின் தடைகளை மீறி, வல்லரசு நாடுகள் எதிர்ப்பு தெரிவிக்க முடியாத வகையில் வர்த்தகம் செய்து வருகிறது இந்தியா - ரஷ்யா.
அனைத்திற்கும் மேலாக இந்தியா - ரஷ்யா வர்த்தக இணைப்பிற்கு முக்கியப் பாலமாக இருப்பது உலக நாடுகளால் வர்த்தகத் தடைகளை எதிர்கொண்டு வரும் ஈரான்.
ரஷ்யா - இந்தியா
உக்ரைன் மீது போர் தொடுத்த காரணத்தால் ரஷ்யா மீது பல்வேறு தடைகள் விதிக்கப்பட்டுச் சர்வதேச வர்த்தகச் சந்தையில் இருந்து ஒதுக்கப்பட்டு உள்ளது. இந்நிலையில் ரஷ்யா தற்போது தன் நாட்டின் மீது தடை விதிக்காத நாடுகள் உடனான வர்த்தகத்தை அதிகரித்துத் தனது பொருளாதாரத்தை மேம்படுத்த முயற்சித்து வருகிறது.
INSTC வழித்தடம்
இந்த நிலையில் உக்ரைன் மீதான போருக்கு ரஷ்யா மீது தடை விதிக்காத இந்தியா உடனான வர்த்தகம் வேகமாக வளர்ச்சி அடைந்து வருகிறது. குறிப்பாகக் கடந்த 3 மாதத்தில் வியக்கவைக்கும் வகையில் வளர்ச்சி அடைந்து உள்ளது. இதற்கு முக்கியக் காரணம் ஈரான் உதவியுடன் இந்தியா - ரஷ்யா மத்தியில் பயன்பாட்டுக்கு வந்த INSTC வழித்தடம் தான்.
ஈரான்
ஈரான் வாயிலாக இந்தியா மற்றும் ரஷ்யாவை இணைக்கும் இண்டர்நேஷனல் நார்த் சௌத் டிரான்ஸ்போர்ட் காரிடார் (INSTC) பெரிய அளவில் விரிவாக்கம் அடைந்துள்ளது. INSTC திட்டம் சீனாவின் BELT ROAD INITIATIVE திட்டத்தைக் காட்டிலும் மிகப் பெரியதாகவும், நன்மை அளிக்கக் கூடியதாகவும் உள்ளது.
7200 கிலோமீட்டர் வர்த்தகப் பாதை
இண்டர்நேஷ்னல் நார்த் சௌத் டிரான்ஸ்போர்ட் காரிடார் (INSTC) திட்டம் என்பது ரஷ்யாவின் செயின்ட் பீட்டர்ஸ்பர்க் துறைமுகத்தில் இருந்து ஈரான் மற்றும் இந்திய துறைமுகங்களை இணைக்கும். இத்திட்டம் சுமார் 7200 கிலோமீட்டர் நீளம் கொண்ட வர்த்தகப் பாதை. இது மட்டும் அல்லாமல் இத்திட்டத்தின் வாயிலாகக் கேஸ்பியன் கடல் பகுதியில் இருக்கும் கஜகஸ்தான் உட்படப் பல நாடுகளை வர்த்தகச் சந்தைக்குள் இணைக்க முடியும்.
114 கண்டெய்னர்கள்
INSTC வழித்தடத்தில் மே முதல் ஜூலை வரையிலாகக் காலக்கட்டத்தில் மட்டும் இந்தியா ரஷ்யா மத்தியில் சுமார் 3000 டன் சரக்குகளை 114 கண்டெய்னர்களில் அனுப்பப்பட்டு உள்ளது.
ஈரான் ஷிப்பிங் லைன்ஸ்
ஈரான் ஷிப்பிங் லைன்ஸ் ஏப்ரல் மாத தொடக்கத்தில் INSTC வழித்தடத்தில் போக்குவரத்தை மேம்படுத்துவதற்கான செயல்பாட்டுக் குழுவை உருவாக்கியது. மேலும் நிறுவனம் இதுவரை 300 கப்பல்களை இந்தப் பாதை வழியாகப் பொருட்களைக் கொண்டு செல்ல ஒதுக்கீடு செய்துள்ளது குறிப்பிடத்தக்கது.
