கருத்தடை சாதன தயாரிப்பு நிறுவன அதிபர் மும்பையில் வாங்கிய ரூ.396 கோடி அப்பார்ட்மென்ட்

பல இந்திய தொழிலதிபர்கள் தங்கள் வணிக சாம்ராஜ்யத்தை பல்வேறு துறைகளிலும் முதலீடு செய்து விரிவுபடுத்தி வருகின்றனர். இதற்கு இணையாக அவர்களின் வாழ்க்கையை மேம்படுத்தும் வகையில் ஆடம்பரமான சொத்துக்களை வாங்குகின்றனர்.

மெட்ரோ நகரங்களான தில்லி, மும்பையில் மிகப் பெரிய சொகுசு வீடுகளும் அவர்களுக்குச் சொந்தமாக வாங்குவதை ஒரு வழக்கமாகவே வைத்துள்ளனர். அப்படி இந்தியாவின் விலையுயர்ந்த அடுக்குமாடி குடியிருப்பு ஒன்றை வாங்கியுள்ளார் ஜேபி டபரியா.

இவர் கடந்த ஆண்டு தெற்கு மும்பையின் மலபார் ஹில்லில் ரூ.369 கோடிக்கு அடுக்குமாடி குடியிருப்பை வாங்கியதாக கூறப்படுகிறது.
மும்பை மலபார் ஹில்ஸ் இந்தியாவின் விலையுயர்ந்த பகுதிகளில் ஒன்றாகும். கருத்தடை சாதன தயாரிப்பு நிறுவமான Famy Care கம்பெனியின் நிறுவனர் தான் ஜேபி டபரியா.

டபரியாக்கள் உலகளவில் காப்பர்-டிகளின் மிகப்பெரிய உற்பத்தியாளர் ஆவர். ஃபோர்ப்ஸின் கூற்றுப்படி, வாய்வழி கருத்தடை மாத்திரைகளை உட்கொள்ளும் உலகில் உள்ள பெண்களில் சுமார் 15 சதவீதம் பேர் ஃபேமி கேர் தயாரிப்புகளை உட்கொள்கிறார்கள்.

ஃபேமி கேர் பிரைவேட் லிமிடெட்டின் வருவாய் வரம்பு 31 மார்ச் 2022 அன்று முடிவடையும் நிதியாண்டில் ரூ.100 கோடி முதல் ரூ.500 கோடி வரை ஆகும்.

ஃபேமி கேர் அதன் தொடக்கத்திலிருந்தே, நிறுவனம் அதன் தயாரிப்புகளின் தரத்துக்கு அதிக முக்கியத்துவம் கொடுத்தது. உற்பத்தியின் வெவ்வேறு நிலைகளில் தயாரிப்புகளின் தரத்தை கண்காணிக்க தரக் கட்டுப்பாட்டுத் துறையை இது நன்கு நிறுவியுள்ளது.

அவர் வாங்கியுள்ள ஃபிளாட் 27,160 சதுர அடி பரப்பளவைக் கொண்ட டிரிப்ளெக்ஸ் அபார்ட்மெண்ட் ஆகும். கட்டப்பட்டு வரும் லோதா மலபாரின் 26, 27 மற்றும் 28வது மாடிகளில் இந்த ஃபிளாட் அமைந்துள்ளது.

இந்த டவர் வாக்கேஷ்வர் சாலையில் உள்ள கவர்னர் தோட்டத்தில் அமைந்துள்ளது. இது அரபிக்கடலைப் பார்க்கும் முகத்தில் உள்ளது.
ஆடம்பரமான அபார்ட்மெண்ட்டுக்கு டபரியா ரூ.19.07 கோடியை முத்திரைக் கட்டணமாக செலுத்தியுள்ளதாக தகவல்கள் தெரிவிக்கின்றன. தற்போது கட்டுமானத்தில் உள்ள இந்த அடுக்குமாடி குடியிருப்பு ஜூன் 2026 இல் நிறைவடையும்.

டபரியா குடும்பம் அனந்தா கேபிடல், ஸ்பிரிங்வெல் மற்றும் கார்டியன் பார்மசியில் பங்குகளைக் கொண்டுள்ளது. 1990 இல் ஃபேமி கேரை டபரியா நிறுவினார். பின்னர் அவர் அதை 2015 இல் மைலானுக்கு ரூ. 24,600 கோடிக்கு விற்றார்.

கடந்த ஆண்டு, அவரது குடும்பம் அதன் கண் பராமரிப்பு நிறுவனத்தை Viatris நிறுவனத்துக்கு 2,460 கோடி ரூபாய்க்கு விற்றது. 1990 வரை, டபரியா ஹாண்டு டூல்ஸ், பொறியியல் வணிகத்தில் ஈடுபட்டார். அது அவர்களின் குடும்பத் தொழில்.