ரூ. 7 லட்சத்தில் EV கார்கள்.. பார்க்கத்தான் மூட்டைப்பூச்சி மாதிரி.. டாட்டா காருக்கே டஃப் கொடுக்கும்!

சென்னை: இந்தியாவில் EV (Electric Vehicle) கார் சந்தை இப்போதுதான் வளர்ந்து வருகிறது. டாடா டியாகோ இ‌வி, டாடா டிகோர் இவி, டாடா பஞ்ச் இவி, டாடா நெக்ஸான் இவி, மஹிந்திரா XUV400, சிட்ரோன் இ-சி3 மற்றும் எம்ஜி ZS இவி போன்ற சில மின்சார வாகனங்கள் மட்டுமே உள்ளன. இந்த மாடல்கள் அனைத்தும் ரூ.20 லட்சத்திலான தொடக்க விலையில் கிடைக்கின்றன. ஆனால், இந்தியாவில் மிகவும் மலிவான மின்சார கார் எம்ஜி கோமெட் இவி. இது ரூ. 7 லட்சம் முதல் கிடைக்கிறது.

MG Comet EV விலை ரூ.6.99 லட்சத்தில் தொடங்கி ரூ.9.53 லட்சம் வரை விற்பனை செய்யப்படுகிறது. 2024-ஆம் ஆண்டின், ஜனவரி முதல் மே மாதம் வரை, இந்த மின்சார கார் 4,493 யூனிட்கள் விற்பனை செய்யப்பட்டுள்ளது. அதில் கடந்த மாதம் மட்டும் 1,200 யூனிட்கள் விற்பனையாகியுள்ளது.

இந்த எம்ஜி கோமெட் இவி 42PS/110Nm பர்மனண்ட் மேக்னெட் சிங்க்ரோனஸ் மோட்டார் உடன் வருகிறது. இது IP67 தரம் கொண்ட 17.3kWh லித்தியம் அயன் பேட்டரியுடன் இணைக்கப்பட்டுள்ளது. எம்ஜி கோமெட் இவி கார் 3.3kW சார்ஜரைப் பயன்படுத்தி சார்ஜ் செய்யும்போது 0 முதல் 100% வரை சார்ஜ் செய்ய 7 மணிநேரம் ஆகும். அதுவே 7.4kW சார்ஜர் மூலம், 0-100% சார்ஜ் செய்யும்போது 3.5 மணி நேரத்தில் முழுமையாக சார்ஜ் செய்து விடலாம். எம்ஜி கோமெட் இவி கார்கள் ஒருமுறை முழுமையாக சார்ஜ் செய்யப்பட்டால் 230கிமீ தூரம் வரை செல்லும் என்று கூறப்படுகிறது.

எம்ஜி கோமெட் இவி விலைகள்:
எம்ஜி கோமெட் இவி எக்ஸிக்யூட்டிவ் - ரூ. 6.99 லட்சம்
எம்ஜி கோமெட் இவி எக்சைட் - ரூ 7.98 லட்சம்
எம்ஜி கோமெட் இவி எக்ஸைட் எஃப்சி - ரூ 8.45 லட்சம்
எம்ஜி கோமெட் இவி எக்ஸ்க்ளூசிவ் - ரூ. 9 லட்சம்
எம்ஜி கோமெட் இவி எக்ஸிக்யூட்டிவ் எஃப்சி - ரூ 9.37 லட்சம்

எம்ஜி கோமெட் இவி அம்சங்களைப் பொறுத்தவரை, இந்தக் கார்கள் அசத்தலான வசதிகளைக் கொண்டுள்ளது. LED ஹெட்லைட்டுகள் மற்றும் டெயில்லைட்டுகள், காரின் உட்புறத்தில், லெதர் ஸ்டீயரிங் வீல், 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர், 10.25 வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே போன்ற அம்சங்கள் உள்ளன. மேலும் 55-க்கும் மேற்பட்ட அம்சங்களை வழங்கும் ஐ-ஸ்மார்ட் தொழில்நுட்பத்துடன் இந்த வகை கார்கள் வருகின்றன. மின்சார கார் வாங்கும் கனவு இருந்தால், மலிவு விலையில் அசத்தலான அம்சங்கள் நிறைந்த எம்ஜி கோமெட் ஈவி ஒரு சிறந்த தேர்வாக இருக்கும்.