இன்ஃபோசிஸ் ஊழியர்களுக்கு போனஸ் மழை.. சர்பிரைஸ் கொடுத்த நிறுவனம்.. 80% போனஸாம்.!!

இந்தியாவின் முன்னணி தகவல் தொழில்நுட்ப நிறுவனங்களில் ஒன்றான இன்ஃபோசிஸ், தனது ஊழியர்களுக்கு ஒரு மகிழ்ச்சியான செய்தியை அறிவித்துள்ளது. 2025-26 நிதியாண்டின் முதல் காலாண்டில் (ஏப்ரல்-ஜூன்) நிறுவனத்தின் சிறப்பான நிதி செயல்திறனைத் தொடர்ந்து, தகுதியான ஊழியர்களுக்குச் செயல்திறன் போனஸ் தொகையை நிறுவனம் வெளியிட்டுள்ளது. இந்த காலாண்டில், நிறுவன அளவிலான சராசரி போனஸ் 80% ஆக நிர்ணயிக்கப்பட்டுள்ளது. இது, கடந்த கால சராசரியான 65%-ஐ விட கணிசமாக அதிகமாகும். இந்த போனஸ், நிறுவனத்தின் வலுவான காலாண்டு வருவாய் வளர்ச்சியின் முக்கியமாக பார்க்கப்படுகிறது.

ஊழியர்களின் போனஸ் விவரங்கள்: இன்ஃபோசிஸ் நிறுவனம், ஊழியர்களின் செயல்திறன் மற்றும் அவர்களின் பதவி நிலையைப் பொறுத்து போனஸ் சதவீதங்களை வழங்கியுள்ளது. இந்த போனஸ், நிறுவனத்தின் பிஎஃப் (PL - Performance Level) பேண்ட் 6 மற்றும் அதற்குக் கீழே உள்ள இளநிலை மற்றும் மத்திய நிலை ஊழியர்களுக்குப் பொருந்தும்.

PL4 நிலை ஊழியர்கள்: இந்த பிரிவில் உள்ள ஊழியர்களுக்கு, அவர்களின் செயல்திறன் மதிப்பீட்டின் அடிப்படையில் போனஸ் சதவீதம் 80% முதல் 89% வரை இருக்கும். "சிறந்தவர்கள்" (Exceeds Expectations) என மதிப்பிடப்பட்ட ஊழியர்கள் தங்கள் தகுதியான போனஸில் 89% பெறுவார்கள்.

PL5 நிலை ஊழியர்கள்: இந்த பிரிவில் உள்ள ஊழியர்களின் போனஸ் சதவீதம் 78% முதல் 87% வரை இருக்கும்.

PL6 நிலை ஊழியர்கள்: இவர்களுக்கு, செயல்திறன் வகையைப் பொறுத்து போனஸ் 75% முதல் 85% வரை வழங்கப்பட உள்ளது. அதிக செயல்திறன் கொண்டவர்கள் 85% போனஸ் பெறுவார்கள்.

இந்தத் தனிநபர் போனஸ் கடிதங்கள், ஊழியர்களின் மின்னஞ்சல் போர்ட்டல்களில் பதிவேற்றம் செய்யப்படும் என்று இன்ஃபோசிஸ் தெரிவித்துள்ளது. இது, அவர்களின் பங்களிப்புக்கு நிறுவனம் தரும் அங்கீகாரமாக அமைகிறது.

வலுவான நிதி முடிவுகள்: இந்த போனஸ் அறிவிப்பு, இன்ஃபோசிஸின் ஜூலை 23 அன்று வெளியிடப்பட்ட காலாண்டு நிதி அறிக்கைக்குப் பிறகு வந்துள்ளது. அந்த அறிக்கையின்படி, நிறுவனத்தின் நிகர லாபம் ஆண்டுக்கு ஆண்டு 8.7% அதிகரித்து ரூ.6,921 கோடியாக உயர்ந்துள்ளது. இதேபோல், நிறுவனத்தின் வருவாய் 7.5% அதிகரித்து ரூ.42,279 கோடியாக அதிகரித்துள்ளது. இந்த இரண்டு அளவீடுகளும் சந்தை வல்லுநர்களின் எதிர்பார்ப்புகளை விட அதிகரிடத்துள்ளன.

இந்த வலுவான நிதி செயல்திறன், நிறுவனம் புதிய ஒப்பந்தங்களைப் பெறுவதிலும், தற்போதைய வாடிக்கையாளர்களிடமிருந்து அதிக வணிகத்தைப் பெறுவதிலும் சிறப்பாகச் செயல்படுகிறது என்பதைக் காட்டுகிறது. தொழில்நுட்பத் துறையில் நிலவும் பொருளாதாரச் சவால்களுக்கு மத்தியிலும், இன்ஃபோசிஸ் தனது வளர்ச்சியைத் தக்க வைத்துக் கொண்டிருப்பது குறிப்பிடத்தக்கது.

இந்த போனஸ் அறிவிப்பு, இந்திய ஐடி துறையில் சில முக்கிய நிகழ்வுகளுக்குப் பிறகு வந்துள்ளது. சமீபத்தில், இந்தியாவின் மிகப்பெரிய ஐடி சேவை நிறுவனமான டாடா கன்சல்டன்சி சர்வீசஸ் (TCS), செப்டம்பர் 1 முதல் தனது ஊழியர்களுக்கு ஊதிய உயர்வை அறிவித்தது. அதேசமயம், சமீபத்தில் வெளியான ஒரு தகவலில், டாடா கன்சல்டன்சி சர்வீசஸ் நடப்பு நிதியாண்டில் 12,000 ஊழியர்களைப் பணிநீக்கம் செய்யத் திட்டமிட்டுள்ளதாகக் கூறப்படுகிறது.

இத்தகைய மாறுபட்ட சூழலில், இன்ஃபோசிஸ் தனது ஊழியர்களுக்குச் சராசரியை விட அதிக போனஸ் வழங்குவது, ஊழியர்களை ஊக்குவிப்பதற்கும், திறமையானவர்களைத் தக்கவைத்துக் கொள்வதற்கும் நிறுவனம் காட்டும் அர்ப்பணிப்பைக் காட்டுகிறது. இது, ஊழியர்கள் மத்தியில் நேர்மறையான மனப்பான்மையை உருவாக்குவதுடன், நிறுவனத்தின் எதிர்கால வளர்ச்சிக்கும் ஒரு வலுவான அடித்தளத்தை அமைக்கிறது. மொத்தத்தில், இன்ஃபோசிஸின் இந்த நடவடிக்கை, நிறுவனத்தின் நிதி வலிமையையும், ஊழியர்கள் நலனில் அது கொண்டுள்ள அக்கறையையும் தெளிவாகப் பிரதிபலிக்கிறது