சாம்சங் தொழிற்சாலையில் வேலைநிறுத்தம்.. சூடுபிடிக்கும் போராட்டம்..!!

சமீபத்தில் சென்னையில் உள்ள சாம்சங் தொழிற்சாலையில் நிர்வாகம் மற்றும் தொழிலாளர்களுக்கும் இடையில் ஏற்பட்ட மோதல் தொடர்ந்து தீவிரமாகி வருகிறது. மூவர் இடைநீக்கப்பட்டதற்கு எதிர்ப்பு தெரிவித்து, சாம்சங் இந்திய தொழிலாளர் சங்கத்தின் கீழ் உள்ள ஊழியர்கள் பிப்ரவரி 5 முதல் உள்ளிருப்பு போராட்டத்தில் ஈடுபட்டு வருகின்றனர். இந்தப் போராட்டம் தொழிலாளர் சங்கமான இந்திய தொழிற்சங்க மையம் (CITU) மூலம் அதிகளவிலும் தீவிரப்படுத்தப்பட்டுள்ளது.

பணி இடைநீக்கம் செய்யப்பட்ட மூன்று தொழிலாளர்களை மீண்டும் பணியில் அமர்த்த வேண்டும் என்பதே இந்த போராட்டத்தின் முக்கிய கோரிக்கை ஆகும். சிஐடியு செயலாளர் இ. முத்துகுமார் தலைமையில் ஆர்ப்பாட்டம் நடைபெற்றது. சுங்குவார்சத்திரம் பகுதியில் சுமார் 50 தொழிலாளர் சங்க ஆதரவாளர்கள் சாம்சங் நிர்வாகத்திற்கு எதிராக கோஷங்கள் எழுப்பி வருகின்றனர்.

அந்தவகையில், போராட்டத்தில் ஈடுபட்டுள்ள சிஐடியு நிர்வாகிகள் அதன் செயலாளர் இ. முத்துகுமார் மற்றும் ஆதரவாளர்கள் தலைமையில் ஒரு ஆர்ப்பாட்டத்தில் ஈடுபட்டனர். அதன்படி, முத்துகுமார் கூறுகையில், பிப்ரவரி 5 முதல் தொழிற்சாலைக்குள் உள்ளிருப்பு போராட்டம் நடைபெற்று வருவதாகவும், உணவு மற்றும் தண்ணீர் இல்லாத நிலையில் ஊழியர்கள் தங்கள் போராட்டத்தை தொடர்ந்து கொண்டு வருவதாகவும் கூறியுள்ளது. இந்த நிலைமைக்கு நிர்வாகமே பொறுப்பு. இடைநீக்கம் செய்யப்பட்ட தொழிலாளர்களை மீண்டும் பணியில் அமர்த்தாவிட்டால் போராட்டத்தை மேலும் தீவிரமாக்குவோம் என்று கூரியுள்ளார்.

அதேபோல், சாம்சங் இந்தியா செய்தித் தொடர்பாளர் கூறுகையில், பணியிடத்தில் அமைதியை சீர்குலைக்கும் எந்த சட்டவிரோத செயல்களையும் மன்னிக்க முடியாது. இது தொடர்பாக முறையான விசாரணை நடைபெறும், மேலும் பொருத்தமான ஒழுங்கு நடவடிக்கை எடுக்கப்படும்."மேலும், நிறுவனம் தனது பணியாளர்களின் உரிமைகளை மதிக்கிறது என்றும், தொழிலாளர்கள் தொழிலாளர் குழுவில் சேரவோ அல்லது வெளியேறவோ கட்டாயப்படுத்தப்படவில்லை என்றும் நிர்வாகம் தெரிவித்தது.

இது போன்ற தொழில்துறை விவகாரங்களில் தமிழ்நாடு அரசு பணியாளர்களுக்கு வழிகாட்டியாகவும் சமரசத்தை ஏற்படுத்துவதற்கும் முன்னிலையில் செயல்பட்டது குறிப்பிடத்தக்கது. முன்னதாக 2024 ஆம் ஆண்டிலும் சாம்சங் தொழிலாளர்கள் 30 நாட்கள் வரை வேலைநிறுத்தத்தில் ஈடுபட்டபோது, அரசின் தலையீட்டால் பிரச்சினை தீர்க்கப்பட்டது.

தொழிலாளர் சங்கங்கள் இந்த போராட்டத்திற்கு முழு ஆதரவு வழங்குகின்றன. இந்தப் போராட்டம் இன்னும் தீவிரமாகக் கொண்டுபோய் மாநிலம் முழுவதும் பரவக்கூடிய நிலை உள்ளதாகவும், சமரச முயற்சிகளுக்காக நிர்வாகம் பேச்சுவார்த்தைக்கு உள்ளதாக தெரிவித்துள்ளது. அரசாங்கம் வசதியளிக்கும் பேச்சுவார்த்தைக்கு தயாராக உள்ளோம் என்று நிர்வாகம் உறுதியளித்தது.இந்த சூழ்நிலையில் தொழிலாளர்களின் நலனை கருத்தில் கொண்டு அரசு உடனடியாக தலையீடு செய்து பிரச்சினைக்கு தீர்வு காணும் என்று தொழிலாளர் சங்கம் எதிர்பார்க்கிறது.

போராட்டத்தின் தற்போதைய நிலை,தொழிலாளர்கள் வழக்கமான வணிக நடவடிக்கைகளை பாதிக்காமல் கையாளுகின்றனர் என்றும் நிர்வாகம் தெரிவித்தது. இருப்பினும், 500க்கும் மேற்பட்ட ஊழியர்கள் வேலைநிறுத்தத்தில் ஈடுபட்டு போராட்டத்தில் பெரும் பரபரப்பை ஏற்ப்படுத்தியுள்ளனர்.