பாஸ்போர்ட் மட்டும் போதும்... துபாயில் சொந்த வீடு, கமர்சியல் இடங்களை வாங்கலாம்..!

நம் நாட்டின் பிரபல தொழிலதிபர்கள், நடிகர்கள் மற்றும் பெரும் கோடீஸ்வரர்கள் துபாயில் வில்லாக்கள், அடுக்குமாடி குடியிருப்புகள் வாங்கிய செய்திகளை அடிக்கடி நாம் பார்த்து வருகிறோம். இந்தியாவை காட்டிலும் துபாயில் சொத்தை பதிவு செய்யும் நடைமுறை மிகவும் எளிமையானது.

மேலும் துபாய் ரியல் எஸ்டேட்டில் செய்யும் முதலீட்டாளர்களுக்கு ஏராளமான வாய்ப்புகள் உள்ளன. ரூ.4.5 கோடிக்கு மேல் சொத்து வாங்கும் இந்தியர்களுக்கு 10 வருட கோல்டன் விசா வழங்கப்படும். இதனால் இந்தியர்கள் அங்கு அதிகளவில் சொத்துகளில் முதலீடு செய்கின்றனர்.

எந்தவொரு இந்தியரும், ஐக்கிய அரபு அமீரகத்தில் வசித்தாலும் வசிக்கவில்லை என்றாலும், 1999ன் அன்னிய செலாவணி மேலாண்மை சட்டத்தின் விதிமுறைகளின் கீழ் துபாயில் ரியல் எஸ்டேட் வாங்கலாம். துபாயில் சொத்துக்கள் வாங்குவதற்கு முன்னதாக, எந்த பகுதிகளில் வாங்கலாம், பத்திர கட்டணம் உள்ளிட்ட கட்டாயம் தெரிந்து கொள்ள வேண்டிய பல விஷயங்கள் கீழே கொடுக்கப்பட்டுள்ளன.

1.ஃப்ரீஹோல்ட் உரிமை
துபாயில் ஃப்ரீஹோல்ட் ஏரியாக்கள் எனப்படும் சில பகுதிகள் உள்ளன. அங்கு நீங்கள் ஒரு இந்தியராக ரியல் எஸ்டேட் பெறலாம். ஃப்ரீஹோல்ட் பகுதிகள்:
அரேபிய ரன்சிஸ்
டமாக் ஹில்ஸ்
பாம் ஜூமேரா
துபாய் ஹில்ஸ் எஸ்டேட்
அல்புர்ஜன்

அடுக்குமாடி குடியிருப்புகளுக்கு
டவுன்டவுன் துபாய்
ஜே.வி.சி.
துபாய் மெரினா
பிசினஸ் பே

2.முன் அனுமதிக்கு விண்ணப்பம்

துபாய் ரியல் எஸ்டேட்டில உள்ள இந்திய முதலீட்டாளர்களும் முதலில் துபாய் நிலத்துறையிடம் இருந்து முன் அனுமதி பெற வேண்டும். இதற்காக உங்கள் பாஸ்போர்ட், அடையாள அட்டை, வருமான சான்றுகள், நிதி அறிக்கைகள் போன்ற பல ஆவணங்களை சமர்ப்பிக்க வேண்டும்.

3.இந்திய அரசுக்கு தெரிவித்தல்

துபாய் ரியல் எஸ்டேட்டில் முதலீடு செய்த அனைத்து இந்திய முதலீட்டாளர்களும், வெளிநாட்டு சொத்துக்கள் (எஃப்..ஏ.) பட்டியல் ஐ.டி.ஆர். மற்றும் கருப்பு பணம் (வெளியிடப்படாத வெளிநாட்டு வருமானம் மற்றும் சொத்துக்கள்) வரி சட்டத்தின் (கருப்பு பணச் சட்டம்) மூலம் நீங்கள் அங்கு கையகப்படுத்திய சொத்துக்கள் குறித்து மத்திய அரசிடம் தெரிவிக்க வேண்டும். துபாயில் சொத்து வாங்கும் இந்தியர்கள் இது குறித்து கட்டாயம் அறிந்திருக்க வேண்டும்.

4.துபாய் வங்கியில் கடன் வாங்கலாம்

துபாயில் சொத்து வாங்க அந்நாட்டு வங்கியில் கடன் அல்லது அடமானத்துக்கு விண்ணப்பிக்கலாம். இருப்பினும் நீங்கள் வாங்கும் சொத்து வகையின் அடிப்படையில் வங்கிகள் உங்களுக்கு வேறு தொகையை கடனாக வழங்கும். நீங்கள் குடியிருப்பை வாங்க போறீங்க என்றால் அதன் சொத்து மதிப்பில் 80 சதவீதம வரை வங்கிகளில் கடன் வாங்கலாம். அதேசமயம் வணிக வளாகத்தில் சொத்து வாங்க போறீங்க என்றால் அதன் மதிப்பில் 60 சதவீதம் என்ற அளவில் வங்கிகள் கடன் வழங்கும். எனவே நீங்கள் வணிக சொத்துக்கு குடியிருப்பை விட அதிக முன்பணம் செலுத்த வேண்டும்.

5.சொத்து வாங்கும் நடைமுறை

துபாயில், சொத்தை டெவலப்பரிடமிருந்து கட்டிடம் கட்டப்படுவதற்கு முன்பே (off plan) வாங்கலாம் அல்லது தனியார் விற்பனையாளரிடமிருந்து மறுவிற்பனை வாயிலாக சொத்தை வாங்கலாம். வெளிநாட்டு முதலீட்டாளர்கள் ஒரு ஆஃப் பிளான் சொத்தை வாங்கும்போது பரிவர்த்தனை விதிமுறைகளை குறிப்பிடும் முன்பதிவுடன் தங்கள் பாஸ்போர்ட்டை வழங்க கடமைப்பட்டுள்ளனர். கொள்முதல் மற்றும் விற்பனை ஒப்பந்தங்களை உருவாக்க, 4 சதவீதம் DLD கட்டணத்துடன் 10 முதல் 30 சதவீதம் வரை பணம் செலுத்த வேண்டும்.

6.சொத்து வாங்க தேவையான ஆவணங்கள்

துபாயில் வெளிநாட்டவர்கள் சொத்து வாங்குவது எளிது. உங்கள் பாஸ்போர்ட்டை அடையாள சான்றாக வழங்கினால் போதும். வசிப்பிட அனுமதி தேவையில்லை. இருப்பினும் அது அங்கு வாழ வைக்கப்பட வேண்டும். வாங்கபவர் ஐக்கிய அரபு அமீரக அரசாங்கத்திடமிருந்து 6 மாா கால சொத்து வைத்திருப்பவர்கள் விசா வைத்திருப்பார். இது வெளிநாட்டு முதலீட்டாளர்கள் துபாயில் சொத்துக்கள் வாங்க தேடும்போது தங்க அனுமதிக்கிறது. இருப்பினும் நீங்கள் வாங்கும் சொத்து மதிப்பு ரூ.4.5 கோடிக்கு மேல் உள்ளதாக என்பதை உறுதிப்படுத்திக் கொள்ளுங்கள்.

7.கட்டணங்கள் மற்றும் வரிகள்

துபாயில் ரியல் எஸ்டேட் வாங்குவது தொடர்பான செலவுகளை அறிந்திருக்க வேண்டும். அடமானங்கள்,ரியல்எஸ்டேட் முகவர்கள், டெவலப்பர்கள் மற்றும் பலவற்றுடன் தொடர்புடைய செலவுகள் இதில் அடங்கும். இதன் காரணமாக அந்த கட்டணங்களின் சரியான அளவு கணக்கிடப்பட்டு ஒட்டு மொத்த சொத்து விலையில் 5 சதவீதம் சேர்க்கப்பட வேண்டும். துபாயில் உண்மையான சொத்து வாங்குவது தொடர்பான செலவுகள்:

DLD கட்டணம்: சொத்து விலையில் 4 சதவீதம்.
பத்திர கட்டணம்: ரூ.11,000
நிர்வாகக் கட்டணம்: ரூ.13,000 (அடுக்குமாடி குடியிருப்பு,அலுவலகம்), ரூ.10,000 (நிலம்), ரூ.10,000 (ஆஃப் பிளான்)
முகவர் கமிஷன்: சொத்து விலையில் 2 சதவீதம்
NOC கட்டணங்கள்: ரூ.11,000 முதல் ரூ.1,10,000 வரை

8.நம்பகமான ரியல்எஸ்டேட் நிறுவனம்

துபாய் போன்ற இடத்தில் நம்பகமான ரியல் எஸ்டேட் நிறுவனத்துடன் பணிபுரிவது முக்கியமானது. உங்களுக்கு அதிக விருப்பங்களை வழங்கும் ரியல் எஸ்டேட் நிறுவனத்தை தேர்நதெடுப்பதற்கு முன், நீங்கள் ஆய்வு செய்து சில உண்மையான முகவர்களுடன் பேசுவை உறுதிப்படுத்திக் கொள்ளுங்கள். ரியல் எஸ்டேட் நிறுவனத்தின் நம்பகத்தன்மையை ஆன்லைன் வாயிலாக அவர்களின் இணையதளம் அலலது சொத்து வலைத்தளங்களில் இருப்பதை சரிபார்க்கலாம்.

9.பட்ஜெட்டுக்கு தகுந்த சொத்துக்கள்

உங்கள் தேவை மற்றும் பணத்துக்கு தகுந்த மாதிரி சொத்துக்கள் வாங்கலாம்.

மலிவு விலை
ரூ.24 லட்சம் முதல் ஸ்டுடியோ அடுக்குமாடி குடியுிருப்புகள்
ரூ.30 லட்சம் முதல் ஒரு படுக்கையறை வீடுகள்
ரூ.40 லட்சம் முதல் ஆஃப் பிளான் திட்டங்கள்
நடுத்தர விலை
ரூ.1 கோடி முதல் டவுன்ஹவுஸ்
ரூ.60 லட்சம் முதல் வில்லாக்கள்
ரூ.50 லட்சம் முதல் 2 படுக்கையறை கொண்டு அடுக்குமாடி குடியிருப்புகள்
உயர் விலை
ரூ.2.25 கோடி முதல் சொகுசு வில்லாக்கள்
ரூ.3 கோடி முதல் சொகுசு பென்ட்ஹவுஸ்

துபாயில் ரியல் எஸ்டேட்டுக்கான தேவை அதிகரித்து வருவதால், நீங்கள் அங்கு ரியல் எஸ்டேட் முதலீடு செய்வது நல்ல விஷயம். அங்கு ஒரு சொத்தை வாங்கும் செயல்முறையை எளிதாக்க, அனுபவம் வாய்ந்த ரியல் எஸ்டேட் முகவருடன் பேசுங்கள்.