மாருதி சுசூகி: மறக்க முடியாத Kizashi சம்பவம்.. பயத்துடன் அறிமுகம் செய்யும் Invicto..!

மாருதி சுசூகி நிறுவனத்தின் Kizashi கார் உங்களுக்கு எத்தனை பேருக்கு தெரியும்? ஆட்டோமொபைல் துறையில் ஊறிப்போனவர்களுக்கும், கார் மீதான ஆர்வம் அதிகம் கொண்டவர்களுக்கு மட்டுமே தெரியும்.

மாருதி சுசூகி இந்தியாவிலேயே அதிக கார்களை விற்பனை செய்யும் நிறுவனம் இந்த ஒரு காரை அறிமுகம் செய்து தனது வரலாற்றில் மோசமான பாதிப்பை எதிர்கொண்டு, தனது வரலாற்றில் கருப்பு பக்கமாக மாற்றியது.

இந்தியாவில் செடான் கார்களும், டீசல் கார்களும் கொடிக்கட்டி பறந்த காலம் 2011- 2015. இந்த காலக்கட்டத்தில் சந்தை போக்கிற்கு முற்றிலும் மாற்றப்பட்ட வகையில் மாருதி சுசூகி அறிமுகம் செய்த கார் தான் Kizashi. பிப்ரவரி 2, 2011ல் இந்தியாவில் Kizashi கார் அறிமுகம் செய்யப்பட்டது.

பொதுவாக மாருதி சுசூகி இந்தியாவிலேயே கார்களை தயாரித்து அல்லது அசம்பிள் செய்து விற்பனை செய்யும் காலத்தில் வெளிநாட்டில் முழுமையாக செய்யப்பட்ட கார் Kizashi. இந்த கார் Completely Built Unit ஆக இறக்குமதி செய்யப்பட்டதால் 105 சதவீதம் வரி எதிர்கொண்டது. இது மட்டுமா Kizashi பெட்ரோல் வெர்ஷன் மட்டுமே அறிமுகம் செய்யப்பட்டது (டீசல் கார்களுக்கு அதிகப்படியான மவுசு இருந்த காலம்).

இதனால் Kizashi கார் அப்போசதே 16 - 17.5 லட்சம் ரூபாய் விலை கொண்டு இருந்தது, இந்திய சந்தை பட்ஜெட் கார்களுக்கானது என்பதால் Kizashi விற்பனை மிகவும் மோசமாக இருந்த நிலையில், வெறும் 4 வருடத்தில் திரும்ப பெற்றது. இதன் பின்பு மாருதி சுசூகி இதுவரையில் 20 லட்சம் ரூபாய்க்கு மேல் ஒரு கார்-ஐ கூட அறிமுகம் செய்யவில்லை.

இந்த நிலையில் மாருதி சுசூகி சமீபத்தில் டோயோட்டா உடன் செய்யப்பட்ட ஒப்பந்தம் வாயிலாக அடுத்தடுத்து ஹைப்ரிட் கார்களை அறிமுகம் செய்வது மட்டும் அல்லாமல் இரு நிறுவனங்களும் தங்களுடைய கார் மாடல்களை பகிர்ந்து வருகிறது. இதன் வாயிலாக மாருதி கிரான்ட் விட்டாரா, டோயோட்டா HYRYDER அறிமுகம் செய்யப்பட்டது.

இதை தொடர்ந்து மாருதி சுசூகி Invicto என்ற பெயரில் Toyota Innova Hycross மாடலை ரீடைசன் செய்து அறிமுகம் செய்ய உள்ளது. இந்த கார் தற்போது Ertiga மற்றும் XL6-க்கு மாற்றாகவும், MPV பிரிவில் அதிகளவிலான வர்த்தகத்தை அடைய வேண்டும் என்பதற்காக புதிய கார் அறிமுகம் செய்யப்பட உள்ளது.

மாருதி சுசூகி Invicto காருக்கான புக்கிங் ஜூன் 19 ஆம் தேதி துவங்கும் வேளையில், ஜூலை 5ஆம் தேதி தான் அதன் விலை அறிமுகம் வெளியிட உள்ளது. சந்தை கணிப்புகள் படி இந்த கார் 20 லட்சம் ரூபாய்க்கு மேல் இருக்கும் என கணக்கிடப்படுகிறது.

மாருதி சுசூகி நிறுவனம் Kizashi கார் தோல்விக்கு பின்பு 20 லட்சம் ரூபாய்க்கு மேல் கார்-ஐ அறிமுகம் செய்யாத நிலையில், Invicto கார் 12வது பப்ளிக் தேர்வு எழுதுவது போல் உள்ளது. இதன் விலை தான் Invicto காரின் தலையெழுத்தை மாற்றும், இதேவேளையில் இந்தியாவில் ப்ரீமியம் கார்களுக்கான வர்த்தகம் அதிகரித்துள்ளது சாதகமாக அமைந்தாலும், மாருதி சுசூகி Invicto காருக்கு 20 லட்சம் ரூபாய்க்கு மேல் கொடுக்க முடியுமா என்பது மக்கள் கையில் தான் உள்ளது.