நாங்க ரெடி.. வா மோதி பார்க்கலாம்.. ஐபிஎல் ஏலத்திற்கு முன் பரபர வீடியோ..!

ஐபிஎல் 2025 ஆம் ஆண்டிற்கான வீரர்கள் ஏலம் இன்று சவுதி அரேபியாவில் இன்றும் நாளையும் நடைபெறவுள்ளன.இந்த ஏலத்தில் 1,574 வீரர்கள் தங்களது பெயரை பதிவு செய்திருந்தனர். இதில் 574 பேர் கொண்ட இறுதிப் பட்டியல் தயார் செய்யப்பட்டுள்ளது. இதில் 366 பேர் இந்திய வீரர்கள், 208 பேர் வெளிநாட்டு வீரர்கள் உள்ளனர்.

இதற்கிடையில், அணிகள் தங்களிடம் தக்கவைக்கப்பட்ட வீரர்கள் மற்றும் மீதமுள்ள பர்ஸ் மதிப்புகளை அறிவித்துள்ளன. இதில், ரிஷப் பண்ட் மற்றும் கே.எல்.ராகுல் போன்ற முக்கிய வீரர்களை அணிகள் அதிக ஏலத்தில் எடுக்கும் என்று எதிர்பார்க்கப்படுகிறது.

இதுகுறித்து பஞ்சாப் கிங்க்ஸ், மும்பை இந்தியன்ஸ், சென்னை சூப்பர் கிங்ஸ், கொல்கத்தா நைட் ரைடர்ஸ் உள்ளிட்ட அணிகள் தங்கள் எக்ஸ் தளத்தில் தயாராக உள்ளதாக குறிப்பிட்டு வீடியோவை வெளியிட்டுள்ளன.

இந்த அணிகள் தங்கள் மீதத் தொகையில், கொல்கத்தா நைட் ரைடர்ஸ் - 51 கோடிகளையும், சென்னை சூப்பர் கிங்ஸ் அணி 55 கோடியையும் வைத்துள்ளது. அதேபோல், மும்பை இந்தியன்ஸ் - 45 கோடியையும், பஞ்சாப் கிங்ஸ் அணி அதிகபட்சமாக 110.50 கோடியையும் வைத்துள்ளன.