ஐபிஎல் வரலாற்றில் முதல் கோப்பையை தட்டி தூக்கிய RCB.. 20 கோடி பரிசுமழை.. யார் யாருக்கு என்ன பரிசு?

18 வருட நீண்ட கால காத்திருப்புக்குப் பிறகு, ராயல் சேலஞ்சர்ஸ் பெங்களூரு (RCB) அணி இறுதியாக தனது முதல் இந்தியன் பிரீமியர் லீக் IPL பட்டத்தை வென்று வரலாறு படைத்தது. அகமதாபாத்தில் நடைபெற்ற விறுவிறுப்பான இறுதிப் போட்டியில், பஞ்சாப் கிங்ஸ் (PBKS) அணியை ஆர்சிபி வீழ்த்தி கோப்பையைத் தட்டிச் சென்றது. இந்த வரலாற்றுச் சிறப்புமிக்க வெற்றியுடன், ஆர்சிபி அணிக்கு மாபெரும் பரிசுத் தொகையும், வீரர்களுக்கு மதிப்புமிக்க தனிநபர் விருதுகளும் வழங்கப்பட்டன.

இறுதிப் போட்டி: ஐபிஎல் லீக் சுற்று முடிவில் தகுதிபெற்ற 4 அணிகளில், ராயல் சேலஞ்சர்ஸ் பெங்களூரு அணியும், பஞ்சாப் கிங்க்ஸ் அணியும் முதல் குவாலிபயர் போட்டியில் மோதின. அதில், ராயல் சேலஞ்சர்ஸ் அணி வெற்றி பெற்று முதல் அணியாக நேரடியாக பைனலுக்கு சென்றது. அதை தொடர்ந்து குவாலிபயர் 2 சுற்றில் மும்பை மற்றும் குஜராத் அணிகள் பலப்பரிட்சை நடத்தின. அதில் மும்பை அணி வெற்றி பெற்றது. இந்த நிலையில், எலிமினேட்டர் சுற்றில் ஏற்கனவே ஆர்சிபியுடன் தோல்வியை சந்தித்த பஞ்சாப் அணி மும்பை அணியை எதிர்கொண்டது. அதில் பஞ்சாப் வெற்றி பெறவே, பைனலுக்கு முன்னேறியது.

இந்த இறுதிபோட்டியில், முதலில் பேட்டிங் செய்ய அழைக்கப்பட்ட ஆர்சிபி, நிர்ணயிக்கப்பட்ட 20 ஓவர்களில் 9 விக்கெட் இழப்புக்கு 190 ரன்கள் எடுத்தது. உணர்ச்சிவசப்பட்ட விராட் கோலி 35 பந்துகளில் 43 ரன்கள் குவித்து ஆர்சிபி-யின் அதிக ரன் அடித்த வீரராகத் திகழ்ந்தார். பதிலுக்கு களமிறங்கிய பஞ்சாப் கிங்ஸ் அணி, கடினமான இலக்கை நோக்கி நல்ல தொடக்கத்தைப் பெற்றது.

ஆனால் பவர்பிளேவுக்குப் பிறகு ஆர்சிபி பந்துவீச்சாளர்கள் சீரான இடைவெளியில் விக்கெட்டுகளை வீழ்த்தி ஆட்டத்தின் வேகத்தை மாற்றினர். இறுதியாக, பஞ்சாப் அணி 20 ஓவர்களில் 7 விக்கெட் இழப்புக்கு 184 ரன்கள் எடுத்து, ஆறு ரன்கள் வித்தியாசத்தில் தோல்வியடைந்தது. குர்ணால் பாண்டியா ஆர்சிபி-யின் வெற்றிக்கு முக்கியப் பங்காற்றினார். பதினெட்டு ஆண்டுகளுக்குப் பிறகு, பெங்களூரு அணி நீண்ட காலமாக ஏங்கி வந்த கோப்பையை இறுதியாகக் கைப்பற்றியது.

ஐபிஎல் 2025 பரிசுத் தொகை விவரம்: ஐபிஎல் 2025 சாம்பியன் பட்டத்தை வென்ற ராயல் சேலஞ்சர்ஸ் பெங்களூரு (RCB) அணிக்கு மாபெரும் ரூ.20 கோடி பரிசுத் தொகையாக வழங்கப்பட்டது. இறுதிப் போட்டியில் தோற்ற பஞ்சாப் கிங்ஸ் (PBKS) அணிக்கு ரூ.12.5 கோடி கிடைத்தது.

குவாலிஃபையர் 2 ஐ எட்டிய மூன்றாவது இடம் பிடித்த மும்பை இந்தியன்ஸ் (Mumbai Indians) அணிக்கு ரூ.7 கோடி பரிசுத் தொகை வழங்கப்பட்டது. எலிமினேட்டரை எட்டிய நான்காவது இடம் பிடித்த குஜராத் டைட்டன்ஸ் (Gujarat Titans) அணிக்கு ரூ.6.5 கோடி பரிசுத் தொகை கிடைத்தது.

தனிநபர் விருதுகள் மற்றும் பரிசுத் தொகை: போட்டியில் சிறப்பாகச் செயல்பட்ட வீரர்களுக்குக் கீழ்க்கண்ட தனிநபர் விருதுகளும், தலா ரூ.10 லட்சம் பரிசுத் தொகையும் வழங்கப்பட்டன

ஐபிஎல் 2025 ஆரஞ்சு கேப் வென்றவர்: சாய் சுதர்சன்
ஐபிஎல் 2025 பர்பிள் கேப் வென்றவர்: பிரசித் கிருஷ்ணா
ஐபிஎல் 2025 வளர்ந்து வரும் வீரர்: சாய் சுதர்சன்
சீசனின் சூப்பர் ஸ்ட்ரைக்கர்: வைபவ் சூர்யவன்ஷி ரூ.10 லட்சம் + டாடா கர்வ் கார் பரிசளிப்பு
ஃபேண்டஸி கிங் ஆஃப் தி சீசன்: சாய் சுதர்சன்
சிறந்த கேட்ச் வென்றவர்: கமிந்து மெண்டிஸ்
அதிக டாட் பால்ஸ்: முகமது சிராஜ்
சூப்பர் சிக்ஸ்: நிக்கோலஸ் பூரன்
சீசனின் அதிக பவுண்டரிகள்: சாய் சுதர்சன்
ஐபிஎல் 2025 மிகவும் மதிப்புமிக்க வீரர் (Most Valuable Player): சூர்யகுமார் யாதவ் (ரூ.15 லட்சம்)
ஃபேர்பிளே விருது (Fairplay Award): சென்னை சூப்பர் கிங்ஸ் (ரூ.10 லட்சம்)
பிட்ச் அண்ட் கிரவுண்ட் விருது (சிறந்த மைதானம்): டெல்லி கேபிடல்ஸ்-ன் ஹோம் கிரவுண்ட் (புது டெல்லி) (ரூ.50 லட்சம்)

இறுதிப் போட்டியில் விருது வென்றவர்களின் பட்டியல்: ஆர்சிபி மற்றும் பிபிகேஎஸ் இடையேயான இறுதிப் போட்டியில் சிறப்பாகச் செயல்பட்ட வீரர்களுக்கு வழங்கப்பட்ட விருதுகள்: ஆட்ட நாயகன்: க்ருணால் பாண்டியா (ரூ.5 லட்சம்)
சூப்பர் ஸ்டிரைக்கர்: ஜிதேஷ் சர்மா (ரூ.1 லட்சம்)
அதிக டாட் பால்கள்: க்ருணால் பாண்டியா (ரூ.1 லட்சம்)
அதிக பவுண்டரிகள்: பிரியன்ஷ் ஆர்யா (ரூ.1 லட்சம்)
ஃபேண்டஸி கிங்: ஷஷாங்க் சிங் (ரூ.1 லட்சம்)
அதிக சிக்ஸர்கள்: ஷஷாங்க் சிங் (ரூ.1 லட்சம்)

2008 ஆம் ஆண்டு ஐபிஎல் தொடக்கப் பதிப்போடு ஒப்பிடுகையில், பரிசுத் தொகை மிகப்பெரிய அளவில் அதிகரித்துள்ளது. அப்போது வெற்றியாளர்களுக்கு ரூ.4.8 கோடியும், இரண்டாம் இடத்தைப் பிடித்த அணிக்கு ரூ.2.4 கோடியும் வழங்கப்பட்டது. ஐபிஎல் ஒரு பெரிய வணிக வெற்றி என்பதை இந்த பரிசுத் தொகையின் வளர்ச்சி தெளிவாகக் காட்டுகிறது.