IPL Auction: பணத்தை கொட்டி லட்டு மாதிரி தூக்கிய டாப் 10 வீரர்கள்.. முதல் இடம் இவருக்கு தான்..!

கிரிக்கெட் ரசிகர்கள் மிகவும் எதிர்பார்த்த இந்தியன் பிரீமியர் லீக் (IPL) 2025-ன் மெகா ஏலம் சவுதி அரேபியாவின் ஜெட்டாவில் இன்றும் நாளையும் நடைபெற உள்ளது. நவம்பர் 24 மற்றும் 25 ஆகிய தேதிகளில் அபதாலி அல்-ஜோஹர் அரங்கத்தில் ஏலம் நடைபெறும். இது முதல் முறையாக இந்தியாவிற்கு வெளியே நடக்கும் IPL ஏலமாகும். சவுதி அரேபியாவில் ஏலம் நடத்துவதன் மூலம் IPL உலகளவில் அதிகரித்து வரும் பிரபலத்தை காட்டுகிறது. இந்தியாவில் 2 மாநில தேர்தல் நடக்கும் காரணத்தால் துபாயில் நடத்த முடிவு செய்யப்பட்டு உள்ளது.

இந்த ஏலத்தில் முக்கிய வீரர்களை பெற ஐபிஎல் அணிகள் கடுமையாக போட்டிப்போடும் என எதிர்பார்க்கப்படுகிறது. இதனால் கிரிக்கெட் ரசிகர்கள் இந்த ஏலத்தை எதிர்நோக்கி காத்திருக்கின்றனர். இந்த ஏலத்தில் தொகை மற்றும் போட்டியில் புதிய சாதனைகளை படைக்கலாம் எனவும் கணிக்கப்படுகிறது. இந்த நிலையில் IPL வரலாற்றில் அதிக விலைக்கு வாங்கப்பட்ட 10 வீரர்கள்:

மிட்செல் ஸ்டார்க்: 2024-ல் கொல்கத்தா நைட் ரைடர்ஸ் அணியால் ரூ. 24.75 கோடிக்கு வாங்கப்பட்ட ஆஸ்திரேலிய வேகப்பந்து வீச்சாளர் ஸ்டார்க், IPL வரலாற்றில் அதிக விலைக்கு வாங்கப்பட்ட வீரர் ஆவார்.

பேட் கம்மின்ஸ்: 2024-ல் சன்ரைசர்ஸ் ஹைதராபாத் அணியால் ரூ. 20.05 கோடிக்கு வாங்கப்பட்ட ஆஸ்திரேலிய கேப்டன் கம்மின்ஸ், அவர்களின் வெற்றிகரமான பயணத்தில் முக்கிய பங்கு வகித்தார்.

சாம் கரன்: 2023-ல் பஞ்சாப் கிங்ஸ் அணியால் ரூ. 18.5 கோடிக்கு வாங்கப்பட்ட ஆல்-ரவுண்டர்.

கேமரன் கிரீன்: 2023-ல் மும்பை இந்தியன்ஸ் அணியால் ரூ. 17.5 கோடிக்கு வாங்கப்பட்ட ஆஸ்திரேலிய ஆல்-ரவுண்டர்.

பென் ஸ்டோக்ஸ்: 2023-ல் சென்னை சூப்பர் கிங்ஸ் அணியால் ரூ. 16.25 கோடிக்கு வாங்கப்பட்ட ஆங்கில ஆல்-ரவுண்டர்.

கிறிஸ் மோரிஸ்: 2021-ல் ராஜஸ்தான் ராயல்ஸ் அணியால் ரூ. 16.25 கோடிக்கு வாங்கப்பட்ட தென்னாப்பிரிக்க ஆல்-ரவுண்டர்.

யுவராஜ் சிங்: 2015-ல் டெல்லி டேர்டெவில்ஸ் அணியால் ரூ. 16 கோடிக்கு வாங்கப்பட்ட இந்திய ஆல்-ரவுண்டர்.

நிக்கோலஸ் பூரன் : 2023-ல் லக்னோ சூப்பர் ஜெயண்ட்ஸ் அணியால் ரூ. 16 கோடிக்கு வாங்கப்பட்ட வெஸ்ட் இண்டீஸ் பேட்ஸ்மேன்.

இஷான் கிஷன்: 2022-ல் மும்பை இந்தியன்ஸ் அணியால் ரூ. 15.25 கோடிக்கு வாங்கப்பட்ட இந்திய விக்கெட்-கீப்பர் பேட்ஸ்மேன்.

கிளென் மேக்ஸ்வெல்: 2021-ல் ராயல் சேலஞ்சர்ஸ் பெங்களூர் அணியால் ரூ. 14.25 கோடிக்கு வாங்கப்பட்ட ஆஸ்திரேலிய ஆல்-ரவுண்டர்.