உச்சக்கட்டத்தில் ஈரான் போர்: கமேனியை தொடர்ந்து தலைவராக தேர்வான அவரது மகன் மீதும் சரமாரி தாக்குதல்!!

பிப்ரவரி 28ஆம் தேதி தொடங்கி இன்று வரை 10 நாட்களுக்கும் மேலாக ஈரானில் போர் நீடிக்கிறது. குண்டு வீச்சுகள் மற்றும் ஏவுகணை சத்தங்களுக்கு நடுவே உயிரை கையில் பிடித்துக் கொண்டு சாமானிய மக்கள் ஒவ்வொரு நொடியையும் அச்சத்துடனே கடந்து வருகின்றனர். ஈரான் போர் நேரடியாகவும் மறைமுகமாகவும் உலகெங்கிலும் உள்ள லட்சக்கணக்கான மக்களை பாதித்துள்ளது.

பிப்ரவரி 28ஆம் தேதி அமெரிக்காவும் இஸ்ரேலும் திடீரென ஈரான் மீது போரை தொடங்கின. இந்த போரில் ஈரானின் உச்சபட்ச தலைவரும் ஷியா பிரிவு இஸ்லாமியர்களுக்கான தலைவராக திகழ்ந்தவருமான அயத்துல்லா அலி கமேனி கொல்லப்பட்டார். அமெரிக்காவும் இஸ்ரேல் ராணுவமும் நடத்திய வான்வழி தாக்குதலில் கமேனியின் ஒரு மகனை தவிர மொத்த குடும்பமும் கொல்லப்பட்டது.

இதற்கு பதிலடி கொடுக்கும் வகையில் ஈரான் ராணுவம் இஸ்ரேல் நாட்டின் மீதும் அண்டை நாடுகளில் இருக்கக்கூடிய அமெரிக்க படைத்தளங்கள் மற்றும் கட்டடங்கள் மீதும் தொடர்ச்சியாக தாக்குதல் நடத்தி வருகிறது. ஈரான் போர் உலகம் முழுவதுமே பெரிய அளவிலான எரிசக்தி பிரச்சனையை உண்டாக்கியிருக்கிறது. தற்போதைக்கு போர் முடிவுக்கு வருவதாக தெரியவில்லை.

அயத்துல்லா அலி கமேனி கொல்லப்பட்டதை அடுத்து அவருடைய மகனான மொஜ்தப் கமேனியை நாட்டின் புதிய தலைவராக தேர்வு செய்தனர். அவர் விரைவில் நாட்டின் உயர் தலைவர் பொறுப்பை ஏற்பார் என்றும் ஷியா பிரிவு இஸ்லாமியர்களுக்கான தலைவராக செயல்படுவார் என்றும் அறிவிப்புகள் வெளியிடப்பட்டன.

Also Read

சிலிண்டர் தட்டுப்பாடு: ESMA சட்டத்தை அமல்படுத்திய மத்திய அரசு!! இந்த தப்ப செஞ்சா 7 வருஷம் ஜெயில்!!

ஆனால் தற்போது ஈரானில் இருக்கக்கூடிய அரசு ஒரு பயங்கரவாத அரசு இந்த அரசு யாரை தலைவராக நியமனம் செய்தாலும் அவர்களை கொல்வோம் என பகிரங்கமாக சூளுரைத்தது இஸ்ரேல். இந்த சூழலில் ஈரான் நாட்டின் புதிய தலைவராக தேர்ந்தெடுக்கப்பட்டுள்ள கமேனியின் மகனான மொஜ்தப் கம்பெனி மீதும் இஸ்ரேல் ராணுவம் தாக்குதல் நடத்தி இருப்பதும் இந்த தாக்குதலில் அவர் காயமடைந்து இருப்பதும் தற்போது உறுதியாக இருக்கிறது. ஈரான் நாட்டு செய்தி ஊடகம் மொஜ்தப் கமேனியை Jaanbaz of Ramadan எனக் குறிப்பிட்டு ஒரு செய்தியை வெளியிட்டு இருக்கிறது.

Recommended For You

ஈரான் போருக்கு நாங்க காரணமில்ல, கச்சா எண்ணெய் கொடுக்க முடியாது: IEA கோரிக்கையை நிராகரித்த இந்தியா!!

அதாவது Jaanbaz of Ramadan என்றால் போரில் காயமடைந்தும் நாட்டுக்காக சேவை செய்பவர் என அர்த்ததமாம். அந்த வகையில் மொஜ்தபா கமேனியும் இந்த போரில் காயமடைந்திருப்பது உறுதி செய்யப்பட்டுள்ளது. முன்னதாக மொஜ்தபாவும் கொல்லப்பட்டதாக தகவல் வெளியான நிலையில் ஈரான் அரசு அதனை மறுத்துள்ளது.

இதற்கிடையே மத்திய கிழக்கில் போர் பதற்றத்தை முடிவுக்கு கொண்டு வருவதில் ரஷ்யா தீவிரமாக இருக்கிறது, இந்த பிரச்சினையில் மத்தியஸ்தம் செய்வதற்கு தயார் என ரஷ்ய அதிபர் புதின் அறிவித்திருக்கிறார். அமெரிக்காவும் ஈரானும் இதனை ஏற்கும் பட்சத்தில் சற்றே போர் பதற்றம் தணிய வாய்ப்புள்ளது.