ஏஐ தொழில்நுட்பத்தின் கொடூரங்கள்.. டெக் ஊழியரின் புலம்பல்.. இறுதியில் இதுதான் தீர்வா..?!

செயற்கை நுண்ணறிவு தொழில்நுட்பத்தின் வளர்ச்சி ஒவ்வொரு துறையிலும் முக்கிய அங்கமாக மாறிவரும் வேளையில் டெக் ஊழியர்கள் கடுமையான நெருக்கடிக்கு உள்ளாகியுள்ளனர்.

டெக் துறையில் ஒவ்வொரு முறையும் புதிய விஷயம் வரும் போது டெக் ஊழியர்கள் தான் அதை அடுத்தகட்டத்திற்குக் கொண்டு சென்று வருகின்றனர். ஆனால் ஏஐ தொழில்நுட்பத்தின் வளர்ச்சி என்பது யாராலும் கட்டுப்படுத்த முடியாத நிலையில் உள்ளதால் டெக் ஊழியர்கள் இம்மாற்றத்தின் வேகத்திற்கு ஈடு கொடுக்க முடியாமல் மாட்டிக்கொண்டு தடுமாறி வருகின்றனர்.

இப்படிச் சிக்கிய ஒரு டெக் ஊழியர் ரெட்டிட் தளத்தில் புலம்பியது தற்போது இந்தியா முழுக்க வைரலாகியுள்ளது. செயற்கை நுண்ணறிவு தொழில்நுட்பத்தின் வளர்ச்சி டெக் ஊழியர்களின் எதிர்காலம் பெரும் கேள்விக்குள்ளாகியுள்ளது.

இந்த உண்மை நிலையை உணர்த்தும் வகையில் 10 வருடம் ஐடி துறையில் பணியாற்றிய ஒரு சாப்ட்வேர் இன்ஜினியர், டெக் வேலைவாய்ப்பு துறையில் நிலவி வரும் உறுதியற்ற தன்மை மூலம் டெக் வேலையை விட்டுவிட்டு விவசாயம் செய்ய முடிவு செய்யத் திட்டமிட்டு வருவதாகத் தெரிவித்துள்ளார்.

Also Read

Jio IPO: முதலீட்டாளர்களுக்கு சர்ப்ரைஸ்.. உடனே உங்க டீமேட் கணக்கை செக் பண்ணுங்க..!

ரெட்டிட் தளத்தில் கிளாட்கோடு என்ற கணக்கில் பதிவிட்ட இந்த டெக் ஊழியர் 'ஐ எம் டையர்டு பாஸ்' என்ற தலைப்பில் வெளியிட்ட பதிவில், இது மிகவும் மோசமான காலகட்டமாக உள்ளது. என்னுடைய வாழ்க்கையில் முதல் முறையாக ஐடி வேலையை விட்டுவிட்டு விவசாயம் செய்ய யோசித்து உள்ளேன்.

உண்மையாகவே அடுத்த 5-10 வருடத்திற்கு என்னுடைய வேலை இருக்குமா என்ற சந்தேகம் எழுந்துள்ளது என தெரிவித்தார்.

ஏஐ தொழில்நுட்பம் பரவலாக ஏற்றுக்கொள்ளப்பட்ட பின்பு திறன் வாய்ந்த் ஊழியர்கள் ஆட்டோமேஷன் வந்தாலும் அவர்களின் வேலைக்கு எவ்விதமான பாதிப்பும் இருக்காது என்ற கருத்து நிலவியது. இதிலும் முக்கியமாக ஆர்கிடெக்ட்ஸ், அனுபவம் வாய்ந்த டெவலப்பர்களை ஏஐ மூலம் ரீப்ளேஸ் செய்ய முடியாது என நம்பினேன்.

ஏஐ மூலம் கோடிங் மட்டுமே செய்ய முடியும், ஆனால் டிசைன் போன்ற முக்கியமான விஷயங்களை செய்ய முடியாது என நம்பினேன்..

Recommended For You

உலக நாடுகளை பயமுறுத்தும் ஹவுதிக்கள்.. ஈரானை விடவும் பல மடங்கு நெருக்கடி.. வேடிக்கை பார்க்கும் அமெரிக்கா!

ஆனால் தற்போது பல டூல்கள், பல வருடம் அனுபவம் கொண்ட architect பதவிகளில் இருக்கும் நபர்கள் செய்தும் பணிகளை நிமிடங்களில் செய்து முடிக்கிறது. இதனால் வெப்சைட் உருவாக்குவது, கேம் டெவலப்பமென்ட், SAAS ப்ராடெக்ட் உருவாக்குவது போன்றவை அர்த்தமற்றவையாக உள்ளது.

இன்று நாம் பயன்படுத்தும் பல முக்கிய விஷயங்கள் அடுத்த சில வருடத்தில் அவசியமற்றதாக மாறும் நிலை உருவாகி வருகிறது. இதனால் வேலைவாய்ப்பு என்பது பெரும் நிரந்தரமற்றதாக மாற்றியுள்ளது.

இதற்கு பலர் சாதகமாகவும், எதிராகவும் கருத்துக்களை முன்வைத்தாலும், பொதுவாகக் கைப்படும் கருத்தும், தீர்வும் என்னவென்றால், இது காலமாற்றம் போன்றது. இதை ஏற்றுக்கொண்டு வேகமாக முன்னேற வேண்டுமே தவிரப் பின்தங்க கூடாது என தெரிவித்துள்ளார்.