டாடாவுக்கு போட்டியாக ஈஷா அம்பானி அறிமுகப்படுத்தும் புதிய பிராண்டு - Foundry

ஈஷா அம்பானி தலைமையிலான ரிலையன்ஸ் ரீடைல் முகேஷ் அம்பானியின் 15.7 டிரில்லியன் பிசினஸ் சாம்ராஜ்யத்துடன் கொடிகட்டி மிகச்சிறப்பாக செயல்படும் நிறுவனமாகும். கடந்த மூன்று ஆண்டுகளில் ரிலையன்ஸ் ரீடைல் நிறுவனத்தின் நிகர மதிப்பு இரண்டு மடங்காக அதிகரித்து விட்டது. கடந்த சில மாதங்களில் பல புதிய பிராண்டுகளை இந்தியச் சந்தையில் ரிலையன்ஸ் ரீடைல் அறிமுகப்படுத்தியுள்ளது.

ரிலையன்ஸ் ரீடெய்லின் தலைவராக ஈஷா அம்பானியை கடந்த ஆண்டு ஆகஸ்ட் மாதம் அறிவித்தார். அதைத் தொடர்ந்து விரிவாக்கத்தில் கடுமையாக ஈடுபட்டார் ஈஷா அம்பானி.

ரிலையன்ஸ் ரீடைல் நிறுவனத்தின் ஜவுளி பிரிவான கவர் ஸ்டோரி குளோதிங் ஒரு புதிய பேஷன் பிராண்டை அறிமுகப்படுத்தியது. அதன் பெயர் ஃபௌண்டரி (Foundry). இந்த பிராண்டு மூலம் அர்பானிக், டாடாவின் ஜூடியோ மற்றும் பல பிராண்டுகளுடன் நேருக்கு நேர் மோத அம்பானி குடும்பம் திட்டமிட்டு உள்ளது.

ஃபௌண்டரி பிராண்ட் கீழ் விற்பனை செய்யப்படும் ஆடைகளின் சராசரி விற்பனை விலை ரூ.1000 என ஈஷா அம்பானி நிர்ணயித்துள்ளார்.
ரிலையன்ஸின் அஜியோ பிராண்டு மூலம் மலிவான விலையில் ஆடைகளையும் ஆக்சஸரிகளையும் விற்கின்றனர். இந்த நிலையில் மாஸ் மார்கெட்டை கைப்பற்றும் வகையில் Foundry துவங்கப்பட்டு உள்ளது.

பிக்யூ பிரைம் சேனலுக்கு கவர் ஸ்டோரி குளோதிங் சிஇஓ மஞ்சுளா திவாரி அளித்த பேட்டியில், ஃபௌண்டரி மூலம் 50 புதிய ஸ்டைல்களை தினமும் அறிமுகப்படுத்துவோம். இதன் மூலம் அடுத்த ஆண்டுக்குள் 6000 ஸ்டைல்களை வைத்திருப்போம்.

கடந்த சில மாதங்களில் ரிலையன்ஸ் ரீடைல் அறிமுகப்படுத்திய இரண்டாவது குறைந்த விலையில் விற்பனை செய்யும் ஆடை பிராண்ட் இதுவாகும். அண்மையில் யூஸ்டா என்ற பிராண்டையும் ரிலையன்ஸ் ரீடைல் அறிமுகப்படுத்தி இருந்தது.

ரிலையன்ஸ் ரீடெய்லின் தற்போதைய மதிப்பு ரூ.8.4 லட்சம் கோடி எனக் கணிக்கப்பட்டுள்ளது. ஜிம்மி சூ, ஜார்ஜியோ அர்மானி, ஹூகோ பாஸ், வெர்சேஸ், மைக்கேல் கோர்ஸ், ப்ரூக்ஸ் பிரதர்ஸ், அர்மானி எக்ஸ்சேஞ்ச், பர்பெர்ரி மற்றும் உலகளாவிய பெரிய பிராண்டுகள் ரிலையன்ஸ் ரீடெய்லுடன் பார்ட்னர் பிராண்டுகளாக இந்தியாவில் கிடைக்கும்.

ரிலையன்ஸ் இண்டஸ்ட்ரீஸ் வருடாந்திர கூட்டத்தில் ஈஷா அம்பானி கூறுகையில், ரிலையன்ஸ் ரீடைல் கடந்த வருடத்தில் 3300 கடைகளைத் திறந்துள்ளதாகக் கூறினார். 8 கோடி மக்கள் கடைகளுக்கு நேரடியாக வந்துள்ளதாகவும், 100 கோடிக்கும் அதிகமான பரிவர்த்தனைகளுடன், ரிலையன்ஸ் ரீடைல் இந்தியாவின் டாப் 10 சில்லரை வணிக நிறுவனங்களில் இதுவும் ஒன்றாகும். உலகளாவிய டாப் 100 பட்டியலில் உள்ள ஒரே இந்திய சில்லறை விற்பனையாளர்.

இந்த மைல்கல்லை எட்ட கடந்த 2 ஆண்டுகளில் ரிலையன்ஸ் ரீடைல் நிறுவனம் ரூ.82,646 கோடி முதலீடு செய்துள்ளது. அனைத்து கையகப்படுத்துதல்கள், முதலீடுகளுக்குப் பிறகு, ரிலையன்ஸ் ரீடைல் தற்போதைய ஸ்டோர் எண்ணிக்கை 18,040 ஆக உள்ளது.