இந்தியாவை போல் யாராலும் செய்ய முடியாது.. Chandrayaan-3 பட்ஜெட் என்ன தெரியுமா..?

விண்வெளி ஆராய்ச்சியில் எப்போதும் முன்னோடியாக இருக்கும் பல நாடுகளுக்கு கடுமையான போட்டி கொடுக்கும் இந்தியா, நிலவின் மேற்பரப்பு ஆய்வு செய்வதற்காக உருவாக்கியுள்ள Chandrayaan-3 விண்கலத்தின் பட்ஜெட் மூலம் உலக நாடுகளை மீண்டும் வியப்பில் ஆழ்த்தியுள்ளது.

Chandrayaan-3 விண்கலம் ஜூலை 14 ஆம் தேதி மதியம் 2.35 மணிக்கு ஏவ முடிவு செய்யப்பட்டு உள்ளது. இதற்காக ஆந்திரா-வின் ஸ்ரீஹரிகோட்டாவில் உள்ள சதீஷ் தவான் விண்வெளி மையத்திற்கு சந்திரயான்-3 விண்கலம் தயாராக உள்ளது.

நிலவு குறித்து ஆய்வு செய்வதற்காக இஸ்ரோ (ISRO) என சுருக்கமாக அழைக்கும் இந்திய விண்வெளி ஆராய்ச்சி அமைப்பின் மூன்றாவது திட்டம் தான் சந்திரயான்-3 விண்கலம். இதற்கு முன்பு ISRO சந்திரயான்-1 மற்றும் சந்திரயான்-2 ஆகியவற்றில் வரலாற்று வெற்றியை கண்ட நிலையில் சந்திரயான்-3 விண்கலம் அடுத்தக்கட்ட பணிகளுக்காக விண்ணில் செலுத்தப்பட உள்ளது.

சந்திரயான்-3 விண்கலத்தில் பாதுகாப்பாக தரையிறங்கும் வசதிகளோடு, ரோவர்-ம் உள்ளது. சந்திரயான்-3 விண்கலத்தில் நிலவின் தெர்மல் கண்டக்ட்விட்டி, வெப்பம், நில அதிர்வு செயல்பாடு,
பிளாஸ்மா அடர்த்தி ஆகியவற்றை ஆய்வு செய்ய கருவிகள் கொண்டு செல்லப்படுகிறது. இதேபோல் ரோவர்-ல் எக்ஸ்ரே ஸ்பெக்டோமீட்டர், LIBS எனப்படும் ஸ்பெக்டோமீட்டர் ஆகியவையும் கொண்டு செல்லப்படுகிறது.

இஸ்ரோ-வின் வெற்றியும் தனித்துவமும் மிகவும் குறைந்த விலையில் எப்படி விண்வெளி பயணத்தை மேற்கொள்ளப்படுகிறது என்பதில் தான் உள்ளது. அந்த வகையில் சந்திரயான்-1 மற்றும் சந்திரயான்-2 ஆகியவற்றில் வரலாற்று வெற்றியை கண்ட நிலையில், அதன் மூலம் கிடைத்த படிப்பு, கற்றல், டேட்டா ஆகியவற்றின் அடிப்படையில் சந்திரயான்-3 உருவாக்கப்பட்டு உள்ளது.

ISRO சந்திரயான்-2 திட்டத்தை சுமார் 960 கோடி ரூபாய் முதலீட்டில் செய்து முடித்த நிலையில், தற்போது சந்திரயான்-2 திட்டத்தை வெறும் 600 கோடி ரூபாய்க்கு கட்டமைத்துள்ளது. இது மட்டும் அல்லாமல் நிலவு ஆராய்ச்சி திட்டத்தில் சந்திரயான்-3 மிகவும் கடினமான திட்டமாகவும் பார்க்கப்படுகிறது.

சுவிஸ் நாட்டில் 1600 கோடி ரூபாய்க்கு வீடு வாங்கும் பணக்கார இந்தியர்கள் மத்தியில், அரசு அமைப்பான ISRO வெறும் 600 கோடி ரூபாயில் சந்திரயான்-3 திட்டத்தை செயல்படுத்துவது உலக நாடுகளுக்கு மட்டும் அல்லாமல் இந்தியர்களுக்குமே வியப்பாக உள்ளது.