ஐடி ஊழியர்களுக்கு குட் நியூஸ்.. 2022 வரை ஜாலி தான்..!

ஐடி நிறுவனங்கள்

இந்தியாவில் இருக்கும் பெரும்பாலான ஐடி நிறுவனங்கள் தங்கள் ஊழியர்களுக்குக் வேக்சின் பாதுகாப்பு அளிக்கும் காரணத்தாலும், வர்த்தகத் தேவைக்காகவும், கொரோனா தொற்று எண்ணிக்கை குறைந்துள்ள காரணத்தாலும் குறிப்பிட்ட சதவீத ஊழியர்களை அலுவலகத்திற்கு வர அழைப்பு விடுத்துள்ளது.

சொந்த ஊர்

இதன் வாயிலாகவே பல ஊழியர்கள் தற்போது சொந்த ஊரில் இருந்து பணியாற்றும் நகரங்களுக்கு அழைக்கப்பட்டு வருகின்றனர். ஒவ்வொரு நிறுவனத்திலும் சில சதவீத ஊழியர்கள் மட்டுமே தற்போது அழைக்கப்பட்டாலும், அனைத்து ஊழியர்களும் எப்போது அழைக்கப்படுவார்கள் என்ற கேள்வி அனைவரிடத்திலும் உள்ளது.

ஹைதராபாத் சாப்ட்வேர் எண்டர்பிரைசர்ஸ் அசோசியேஷன்

இந்தக் கேள்விக்குப் பதில் கிடைக்கும் வகையில் புதிய ஆய்வு ஒன்று வெளியாகியுள்ளது. ஹைதராபாத் சாப்ட்வேர் எண்டர்பிரைசர்ஸ் அசோசியேஷன் அமைப்பு செய்த ஆய்வில் பெரும்பாலான நிறுவனங்கள் தங்களது ஊழியர்களை இப்போதைக்கு அலுவலகத்திற்கு அழைக்கவில்லை என்றும் அடுத்த சில மாதங்களுக்கு Work from Home தொடரும் எனத் தெரிவித்துள்ளனர்.

20 சதவீத ஐடி நிறுவனங்கள்

ஹைதராபாத் சாப்ட்வேர் எண்டர்பிரைசர்ஸ் அசோசியேஷன் அமைப்பு செய்த ஆய்வில் 500 ஊழியர்களுக்குக் குறைவாக இருக்கும் 20 சதவீத ஐடி நிறுவனங்கள் ஏற்கனவே 20 சதவீத ஊழியர்களை அலுவலகத்திற்கு அழைத்துப் பணியாற்ற வைத்துள்ளது.

அலுவலகத்தில் 5 சதவீத ஊழியர்கள் மட்டுமே

இதேபோல் 500 ஊழியர்களுக்கு அதிகமாக இருக்கும் ஐடி நிறுவனங்களில் வெறும் 5 சதவீத ஊழியர்கள் மட்டுமே அலுவலகத்திற்கு அழைக்கப்பட்டு உள்ளனர். இந்த இரு தரப்பு நிறுவனங்கள் மத்தியிலேயே அதிகளவிலான வித்தியாசம் இருப்பது வர்த்தகம் மற்றும் வாடிக்கையாளர்களின் தேவையின் அடிப்படையில் தான் இந்த முடிவுகள் எடுக்கப்பட்டு உள்ளது எனக் கூறப்படுகிறது.

சராசரி அளவீடு ஊழியர்களுக்குச் சாதகம்

மேலும் இந்நிறுவனம் ஆய்வு செய்த மொத்த ஐடி நிறுவனங்களில் 79 சதவீத நிறுவனங்கள் மட்டுமே ஊழியர்களை அலுவலகத்திற்கு அழைத்துள்ளது. அதிலும் சாரசரியாக வெறும் 9 சதவீத ஊழியர்கள் மட்டுமே அலுவலகத்திற்கு அழைக்கப்பட்டு உள்ளது கூடுதல் தகவல்.

பெரிய ஐடி நிறுவனங்கள் திட்டம்

ஆனால் இதேவேளையில் இந்தியாவில் இருக்கும் பெரிய ஐடி நிறுவனங்கள் அனைத்தும் 2021ஆம் ஆண்டுக்குள் ஊழியர்களை அலுவலகத்திற்கு அழைக்க முடிவு செய்துள்ளது. இதேவேளையில் இந்தியாவில் இருக்கும் 33 சதவீத ஐடி நிறுவனங்கள் மொத்த ஊழியர்களையும் அலுவலகத்திற்கு அழைக்க விரும்புகிறது.

2021 முடியும் வரையில் ஜாலி

இதன் மூலம் ஐடி ஊழியர்கள் அனைவரும் அலுவலகத்திற்கு முழுமையாக வரும் நிலை கட்டாயம் 2021ஆம் ஆண்டுக்குள் நடக்காது, இதேபோல் பெரிய ஐடி நிறுவனங்கள் திட்டத்தின் படி குறைந்தபட்சம் 30 முதல் 90 சதவீத ஊழியர்கள் அலுவலகத்திற்கு அழைக்க வேண்டும் என்ற இலக்கு வைத்துள்ளது.

2022ஆம் ஆண்டு முதல் ஆஃபீஸ்

இதனால் 2022ஆம் ஆண்டுத் துவக்கத்தில் பெரும்பாலான ஐடி ஊழியர்கள் அலுவலகத்திற்குச் செல்ல வேண்டிய நிலை உருவாகும், அதுவரை ஐடி ஊழியர்கள் ஜாலியாக வீட்டிலேயே இருக்கலாம். இதேநேரம் எந்த நேரத்திலும் அலுவலகத்திற்கு வர சொல்லி அழைப்பு வரலாம் என்பதையும் மறைந்துவிடாதீர்கள்.

மறக்காம கமெண்ட் பண்ணுங்க

எல்லாம் சரி எத்தனை பேர் அலுவலகத்தில் செல்ல ஆர்வமாக உள்ளீர்கள், மறக்காமல் கமெண்ட் பண்ணுங்க. வீட்டில் இருப்பதால் என்ன சுமை என்பதையும் ஜாலியாக உங்கள் அனுபவத்தையும் பகிருங்கள்.