ஐடிசி-ஐடிசி ஹோட்டல்ஸ் டிமெர்ஜர்.. திங்கள் தடுமாற்றத்தில் ITC பங்குகள் 2% சரிவு..!

ஐடிசி ஹோட்டல்களின் பங்கு விலையைக் கண்டறிய ஐடிசி லிமிடெட் இன்று காலை சிறப்பு வர்த்தக அமர்வை நடத்தியது. இந்த அமர்விற்குப் பிறகு ஐடிசியின் பங்குகள் இன்றைய வர்த்தகம் முடியும் நேரத்தில் 2 சதவீதத்திற்கும் மேல் சரிவை பதிவு செய்தன. ஆனால் வரும் நாட்களில் இந்த பங்கு ரூ.583 இலக்கு விலையை எட்ட வாய்ப்புள்ளதாக சென்ட்ரம் புரோக்கிங் தெரிவித்துள்ளது.

ஜனவரி 6 இன்று ஐடிசி ஹோட்டல்களை ஐடிசி லிமிடெட் நிறுவனத்தில் இருந்து பிரிக்கும் பதிவு நாளாக இருப்பதால், ஐடிசி ஹோட்டல்களின் பங்கு விலையை அறிய காலை 9 மணி முதல் 10 மணி வரை சிறப்பு வர்த்தக அமர்வு நடைபெற்றது. இதன் மூலம், என்எஸ்இயில் ஐடிசி லிமிடெட் பங்கு விலை ரூ. 26, பிஎஸ்இ ரூ.27 என்ற விலையில் இருந்தன. ஐடிசி ஈக்விட்டி மற்றும் எஃப்&ஓ பிரிவு காலை 10 மணிக்கு தொடங்கியது. சரிசெய்தலுக்குப் பிறகு, ஐடிசியின் பங்கு விலை இது ரூ.455 ஆக இருந்தது. ஆனால் அதன் பிறகு பங்கு விலை 2.5 சதவீதம் வரை சரிவை பதிவு செய்தது. தற்போது ரூ. 444-ல் வர்த்தகம் செய்யப்படுகிறது.

ஐடிசி ஹோட்டல்களின் பங்கு விலை ஜனவரி 3 ஆம் தேதி சந்தை முடிவடையும் நேரத்தில் ஜனவரி 6 சிறப்பு அமர்வில் உள்ள ஐடிசி பங்குகளின் விலைக்கு இடையிலான வேறுபாட்டால் தீர்மானிக்கப்படும். ஐடிசி ஹோட்டல்களின் பிரிப்பு 1:10 என்ற விகிதத்தில் செய்யப்பட்டது. அதாவது, ஐடிசி லிமிடெட் பங்குகள் 10 பங்குகளை வைத்திருந்தால், ஒரு ஐடிசி ஹோட்டல் பங்கு போர்ட்ஃபோலியோவில் சேர்க்கப்படும். ஐடிசி ஹோட்டல் பங்குகளின் பட்டியல் தேதி இன்னும் அறிவிக்கப்படவில்லை. ஐடிசி ஹோட்டல்களை பிரிப்பது மற்றும் இவை பங்குச் சந்தையில் எப்போது வர்த்தகம் செய்யப்படும் என்பதை நிறுவனம் விரைவில் வெளியிடும்.

ஹோட்டல் நிறுவனங்களின் பங்குகளை வாங்குவது ஆகியவற்றுடன் விருந்தோம்பல் துறையில் கையகப்படுத்துதல் விவரங்களை ஐடிசி லிமிடெட் வெளியிட்டுள்ளது . EIH (Oberoi Hotels) இல் கூடுதலாக 2.44 சதவீத பங்குகளை வாங்கியுள்ளதாக கூறியுள்ளது. மேலும் HLV இல் 0.53 கூடுதல் பங்குகளை வாங்கியது. இதன் மூலம், EIHல் ஐடிசியின் பங்கு 16.13 சதவீதமாக அதிகரித்துள்ளது. HLV இன் பங்கு 8.11 சதவீதமாக அதிகரித்துள்ளது.

ஐடிசி ஹோட்டல்ஸ் இந்தியாவின் மிகப்பெரிய ஹோட்டல் நிறுவனங்களில் ஒன்றாகும். இது 140 ஹோட்டல்களை நடத்துகிறது. வரும் நாட்களில் இந்த எண்ணிக்கை 200 ஆக அதிகரிக்கும் என எதிர்பார்க்கப்படுகிறது. ஐடிசி ஹோட்டல்களை பிரித்த பிறகு, 40 சதவீத பங்குகள் தாய் நிறுவனமான ஐடிசி லிமிடெட் வசம் இருக்கும். மீதமுள்ள 60 சதவீதம் பங்குதாரர்களிடம் இருக்கும். ஐடிசி ஹோட்டல்களின் வணிகம் தனித்தனியாகப் பிரிக்கப்பட்டு, பங்குச் சந்தையிலும் தனி நிறுவனமாகப் பட்டியலிடப்படும்.

சென்ட்ரம் ப்ரோக்கிங் ஐடிசி லிமிடெட் பங்குகளில் சாதகமானதாக உள்ளது. 2027 நிதியாண்டுக்குள், ஐடிசி ஹோட்டல் வணிகம் ரூ. 45.7 பில்லியன் டாலர்களை எட்டும் என எதிர்பார்க்கப்படுகிறது. இந்த பின்னணியில்தான் ஐடிசி லிமிடெட் பங்குக்கு வாங்குதல் மதிப்பீட்டை வழங்கியுள்ளது. அதன்படி இதன் இலக்கு ரூ.583 என்ற விலையை எட்டலாம் என்று கூறப்படுகிறது.