ஜனவரி மாதம் இத்தனை நாள் வங்கி விடுமுறையா..? யாருக்கெல்லாம் பாதிப்பு..?

இந்திய ரிசர்வ் வங்கி வெளியிட்ட காலண்டர் படி, 2023 ஆம் ஆண்டு ஜனவரி மாதம் வங்கிகளுக்கு 14 விடுமுறை நாட்கள் அறிவிக்கப்பட்டு உள்ளது.

ரிசர்வ் வங்கியின் நாட்காட்டியின்படி, அடுத்த மாதம் இரண்டாவது மற்றும் நான்காவது சனிக்கிழமைகள் மற்றும் வார இறுதி நாளான ஞாயிற்றுக் கிழமைகள் என மொத்தம் 14 வங்கி விடுமுறை உள்ளது.

ஜனவரி 2023

ஜனவரியில் புத்தாண்டு, குரு கோவிந்த் சிங் ஜெயந்தி, மிஷனரி தினம், சுவாமி விவேகானந்தர் ஜெயந்தி, மகரச் சங்கராந்தி, பொங்கல், குடியரசு தினம் போன்ற பல முக்கியமான பண்டிகைகள் நாட்டின் பல பகுதிகளில் பெரிய அளவில் கொண்டாடப்பட உள்ளது.

பண்டிகை நாட்கள்

இந்தப் பண்டிகை நாட்களில் அனைத்து மாநிலங்களிலும் வங்கிகள் மூடப்படாது என்றாலும், எந்த மாநிலத்தில் எந்த நாளில் விடுமுறை அளிக்கப்படுகிறது என்பதை நினைவில் கொள்ள வேண்டும்.

வங்கி சேவைகள்

வங்கி சேவைகள் தற்போது அதிகளவில் டிஜிட்டல் மயமாக்கப்பட்ட நிலையில் வங்கிகளுக்குச் செல்ல வேண்டிய கட்டாயம் பெரிய அளவில் குறைந்துள்ளது. ஆனாலும் வீட்டுக் கடன், வாகன கடன், நகைக் கடன் ஆகியவற்றுக்கு வங்கிகளுக்குச் செல்ல வேண்டிய கட்டாயம் உள்ளது.

நகை கடன்கள்

சாமானிய மக்கள் அதிகம் பயன்படுத்தும் நகை கடன்கள் பொதுவாக அவசர காலகட்டத்தில் பயன்படுத்துவார்கள். இப்படியிருக்கையில் விடுமுறை நாட்களை முன்கூட்டியே தெரிந்துக்கொள்ள வேண்டியது மிகவும் அவசியமாக உள்ளது.

விடுமுறை முழு விபரம்

2023 விடுமுறை நாட்களின் முழுப் பட்டியல் இதோ.

ஜனவரி 1 : புத்தாண்டு தினம் (அனைத்து மாநிலங்களிலும்) (ஞாயிறு)

ஜனவரி 5 : குரு கோவிந்த் சிங் ஜெயந்தி

ஜனவரி 11 : மிஷனரி தினம் (மிசோரம் மட்டும்)

ஜனவரி 12 : சுவாமி விவேகானந்தர் ஜெயந்தி

ஜனவரி 14 : மகரச் சங்கராந்தி (இரண்டாம் சனிக்கிழமை)

ஜனவரி 15 : பொங்கல்/மாக் பிஹு (ஞாயிறு)

ஜனவரி 22 : சோனம் லோசர் (சிக்கிம் மட்டும்) (ஞாயிறு)

ஜனவரி 23 : நேதாஜி சுபாஷ் சந்திரபோஸ் ஜெயந்தி

ஜனவரி 25 : மாநில தினம் (ஹிமாச்சல பிரதேசம்)

ஜனவரி 26: குடியரசு தினம் (அனைத்து மாநிலங்களிலும்)

ஜனவரி 31 : மீ-டேம்-மீ-ஃபை (அஸ்ஸாம் மட்டும்)