எல்ஐசி அறிமுகம் செய்த ஜீவன் உத்சவ் இன்சூரன்ஸ் திட்டம்.. வாழ்நாள் முழுவதும் வருமானம்..!!

இந்தியாவின் மிகப்பெரிய ஆயுள் காப்பீட்டு நிறுவனமான லைஃப் இன்சூரன்ஸ் கார்ப்பரேஷன் ஆஃப் இந்தியா (எல்ஐசி), நவம்பர் 29, 2023 அன்று ஒரு புதிய காப்பீட்டுத் திட்டத்தை அறிமுகப்படுத்தியது. இந்த திட்டம் “ஜீவன் உத்சவ்” என்று அழைக்கப்படுகிறது, இது தமிழ் மொழியில் “வாழ்க்கையின் மகிழ்ச்சி” என்று பொருள்படும்.

ஜீவன் உத்சவ் திட்டத்தின் நோக்கம் : ஜீவன் உத்சவ் திட்டத்தின் நோக்கம், வாடிக்கையாளர்களுக்கு பாதுகாப்பான முதலீடாகவும் மற்றும் அதிக வருவாயை கொடுப்பதையும் உறுதி செய்வதாகும்.

இந்த திட்டம், பாலிசி காலத்தின் போது, காப்பீட்டாளர் துரதிர்ஷ்டவசமாக இறந்தால், காப்பீட்டாளர் பாலிசியின் முதிர்வுத் தொகையுடன் சேர்த்து, குடும்பத்திற்கு நிதியுதவி அளிக்கவும் வடிவமைக்கப்பட்டுள்ளது.

எல்ஐசி ஜீவன் உத்சவ் திட்டம் விவரங்கள் : குறைந்தபட்ச அடிப்படைத் தொகை ரூ. 5,00,000 ஆகும். எல்ஐசி இணையதளத்தின்படி, அதிகபட்ச அடிப்படைத் தொகைக்கு எந்தவிதமான வரம்பும் இல்லை. இந்த திட்டம் 5 முதல் 16 ஆண்டுகள் வரையிலான வரையறுக்கப்பட்ட பிரீமியம் செலுத்தும் காலத்துடன், வாழ்நாள் முழுவதும் வருமானம் வழங்கும்.

வயது வரம்பு: பிரீமியம் செலுத்தும் காலத்தின் போது உத்தரவாதமான கூடுதல் பலன்கள் வழங்கப்படும் என அறிவிக்கப்பட்டு உள்ளது. இத்திட்டத்தில் முதலீடு செய்ய குறைந்தபட்ச வயது 18 முழுமையடைந்திருக்க வேண்டும். எல்ஐசி ஜீவன் உத்சவ் திட்டம் வாழ்நாள் முழுவதும் பாதுகாப்பு மற்றும் வருமானம் தேடும் நபர்களுக்கு ஏற்றது. இந்த திட்டம் முதல்நாள் சேமிப்பு மற்றும் வரிச் சலுகைகளையும் வழங்குகிறது.

ஆன்லைன் சேவை: எல்ஐசி ஜீவன் உத்சவ் திட்டத்தை உரிமம் பெற்ற எல்ஐசி முகவர்கள் மூலம் வாங்கலாம். பாலிசிதாரர்கள் எல்ஐசி இணையதளத்தின் மூலமும் ஆன்லைனில் பாலிசியை வாங்க முடியும். எல்ஐசி நிறுவனம் பேமெண்ட் முதல் பல சேவைகளை ஆன்லைன் வாயிலாக வழங்கி வருகிறது.

10 சதவீத தொகை : பாலிசி காலம் முடிவதற்குள் பாலிசிதாரர் மரணம் அடைந்தால் லைப் இன்சூரன்ஸ் கீழ் தெலுத்தப்பட்ட தொகைக்கு வட்டி தொகையுடன் கணக்கிட்டு அளிக்கப்படும். பாலிசி காலம் முடிந்த பின்பு பாலிசிதாரர் உயிருடன் இருப்பின் குறிப்பிட்ட காலத்திற்கு அடிப்படை உறுதி தொகையில் வருடம் 10 சதவீதம் பாலிசிதாரர்களுக்கு Regular Income Benefit திட்டத்தின் கீழ் அளிக்கப்படுகிறது.

ஃபிளெக்ஸி திட்டம் : இதுவே Flexi Income Benefit திட்டத்தின் கீழ் பாலிசி காலத்திற்குள்ளேயே குறிப்பிட்ட வருடத்திற்கு பின்பு ஒவ்வொரு ஆண்டின் இறுதியில் அடிப்படை உறுதி தொகையில் வருடம் 10 சதவீதம் பாலிசிதாரர்களுக்கு வழங்கப்படும். இத்திட்டத்திற்கு எல்ஐசி நிறுவனம் வருடாந்திர அடிப்படையில் 5.5 சதவீத வட்டி வருமானத்தை அளிக்கிறது.

ஜீவன் உத்சவ் திட்டத்தின் முக்கிய அம்சங்கள்:

முழு ஆயுள் காப்பீடு: ஜீவன் உத்சவ் என்பது முழு ஆயுள் காப்பீட்டுத் திட்டமாகும், இது காப்பீட்டாளர் வாழ்நாள் முழுவதும் பாதுகாப்பை வழங்குகிறது.
நெகிழ்வுத்தன்மை: ஜீவன் உத்சவ் திட்டம் வாடிக்கையாளர்களுக்கு பலன்களைத் தேர்ந்தெடுப்பதற்கான நெகிழ்வுத்தன்மையை வழங்குகிறது. பாலிசிதாரர்கள் வழக்கமான வருமானப் பலன் அல்லது ஃப்ளெக்ஸி வருமானப் பலன்களைத் தேர்வு செய்யலாம்.
வரையறுக்கப்பட்ட பிரீமியம் செலுத்தும் காலம்: ஜீவன் உத்சவ் திட்டத்தில், பாலிசிதாரர்கள் 5 முதல் 16 ஆண்டுகள் வரையிலான வரையறுக்கப்பட்ட பிரீமியம் செலுத்தும் காலத்தைத் தேர்வு செய்யலாம்.
உத்தரவாதமான கூடுதல் பலன்கள்: ஜீவன் உத்சவ் திட்டம், பிரீமியம் செலுத்தும் காலத்தின் போது, காப்பீட்டாளருக்கு உத்தரவாதமான கூடுதல் பலன்களை வழங்குகிறது. இந்த பலன்களில், ஜீவன் உத்சவ் வருமானப் பலன், ஜீவன் உத்சவ் சேமிப்புப் பலன் மற்றும் ஜீவன் உத்சவ் சுகாதாரப் பலன் ஆகியவை அடங்கும்.