ராக்கெட் வேகத்தில் உயரும் ஜியோ ஃபைனான்சியல் பங்கு.. ஒரே நாளில் 6% மேல் உயர்வு.. F&O எஃபெக்ட்..!!

முகேஷ் அம்பானிக்கு சொந்தமான நிறுவனமான ஜியோ பைனான்சியல் சர்வீசஸ் பங்குகள் இன்று 6 சதவீதத்திற்கும் அதிகமான உயர்வை பதிவு செய்துள்ளன. புதன்கிழமையன்று எதிர்கால மற்றும் விருப்ப ஒப்பந்தங்களின் வர்த்தகத்திற்கு NSE அனுமதி வழங்கியதை அடுத்து இந்த அதிகரிப்பு ஏற்பட்டுள்ளது.

பங்குச் சந்தையில் கடந்த 2 மாதங்களுக்குள், நிஃப்டி 10 சதவீதம் சரிவை பதிவு செய்துள்ளது. அதே நேரத்தில் சென்செக்ஸ் 8000 புள்ளிகள் குறைந்துள்ளது. இதற்கிடையில், இன்று பங்குச் சந்தை செயல்பாடு சரிவுடன் தொடங்கியது. ஆனால் சில பங்குகளில் ஏற்றம் காணப்படுகிறது. நேற்று சில நிறுவனங்கள் நிதியாண்டின் இரண்டாவது காலாண்டிற்கான முடிவுகளை வழங்கியுள்ளன. அதே நேரத்தில், எஃப் அண்ட் ஓவில் பங்குபெறும் நிறுவனங்களின் பங்குகளும் உயர்வைக் கண்டு வருகின்றன.

அந்த வகையில், இன்று முகேஷ் அம்பானிக்கு சொந்தமான ஜியோ பைனான்சியல் சர்வீசஸ் நிறுவனத்தின் பங்குகளிலும் நல்ல அதிகரிப்பு பதிவு செய்யப்பட்டது. இன்று அதன் பங்குகள் காலை 10:45 மணிக்கு அதன் முந்தைய இறுதி விலையான ரூ.299.40-ல் இருந்து 6.5 சதவீதம் அதிகரித்து ரூ.319.50க்கு வர்த்தகம் செய்யப்பட்டது. சந்தை சரிவு நேரத்தில் பங்குகள் இப்படி உயர்ந்ததற்குக் காரணம், அந்த நிறுவனம் எதிர்கால மற்றும் விருப்பப் பட்டியலில் இடம் பெற்றிருப்பதுதான்.

F&O வர்த்தகத்திற்கு தகுதியான ஜியோ ஃபைனான்சியல்: பியூச்சர் மற்றும் ஆப்ஷன் கான்ட்ராக்ட்களில் வர்த்தகம் செய்ய 45 பங்குகள் சேர்க்கப்பட்டுள்ளன. இதில் நவம்பர் 29 முதல் வர்த்தகம் தொடங்கும் என்று தேசிய பங்குச் சந்தை நேற்று மாலை அறிவித்தது. இதில் அதானி எனர்ஜி சொல்யூஷன், அதானி கிரீன் எனர்ஜி, ஜியோ ஃபைனான்சியல் சர்வீசஸ், பேடிஎம், ஜொமாட்டோ, சுஸ்லான் எனர்ஜி ஆகியவையும் அடங்கும்.

ஒரு வருடத்தில் 41 சதவீதம் வருமானம்: ரிலையன்ஸ் இண்டஸ்ட்ரீஸ் லிமிடெட்டின் துணை நிறுவனமான ஜியோ ஃபைனான்சியல் சர்வீசஸ் 21 ஆகஸ்ட் 2023 அன்று பங்குச் சந்தையில் நுழைந்தது. கடந்த ஒரு மாதத்தில், இந்த பங்கு சுமார் 7 சதவீதம் குறைந்துள்ளது. கடந்த 6 மாதங்களில் 10 சதவீதம் சரிவை பதிவு செய்துள்ளது. ஆனால், ஓராண்டு காலத்தில் சிறப்பாகச் செயல்பட்டு 41 சதவீத லாபத்தைக் கொடுத்துள்ளது.

உயர்வதற்கான வலுவான வாய்ப்பு: இந்த ரிலையன்ஸ் குழும நிறுவனத்தின் சந்தை மூலதனம் ரூ.2.01 லட்சம் கோடியாக உள்ளது. இது 52 வாரங்களில் அதிகபட்சமாக ரூ.394.70 ஆகவும், 52 வாரங்களில் குறைந்தபட்சமாக ரூ.215.05 ஆகவும் உள்ளது. அதன் பங்குகளின் லாபம் (P/E) விகிதம் 125.35 ஆகும். ஜியோ ஃபைனான்சியல் சர்வீசஸ் பங்குகளை முதலீட்டாளர்கள் உன்னிப்பாகக் கவனித்து வருகின்றனர். ஏனெனில் அடுத்த ஆண்டு மார்ச் மாதத்தில் நிஃப்டியில் சேர்க்கப்படும் முக்கிய போட்டியாளர்களில் இதுவும் ஒன்று. அதே நேரத்தில், நிறுவனம் அதன் இரண்டாம் பாதி முடிவுகளை பிப்ரவரி 2025 இல் அறிவிக்கும். எனவே, வரும் காலங்களில் ஜியோ ஃபைனான்சியல்ஸ் பங்குகள் நல்ல வளர்ச்சியை காணும் என நிபுணர்கள் கூறுகின்றனர்.

இதற்கிடையில், தற்போதைய நிலவரப்படி, மதியம் 1.15 மணியளவில் ஜியோ ஃபைனான்சியல் சர்வீசஸ் பங்கு விலை சுமார் 6.16% உயர்ந்து ரூ.317.85 ஆக வர்த்தகமாகி வருகிறது.