ஐபிஎல் மேட்ச் பார்க்க இனி காசு கட்டணும்.. ஹாட்ஸ்டார், JioHotstar-ஆக மாறியது.. புதிய ப்ரீமியம் வந்தது..!!

ஜியோசினிமா மற்றும் டிஸ்னி+ ஹாட்ஸ்டார் இணைந்து ஜியோஹாட்ஸ்டார் என்ற புதிய தளத்தை பிப்ரவரி 14 ஆம் தேதி அறிமுகப்படுத்தியுள்ளன. ரிலையன்ஸ் இண்டஸ்ட்ரீஸ் மற்றும் வால்ட் டிஸ்னி இந்திய வர்த்தகம் இணைந்த நிலையில், இரு சாம்ராஜ்ஜியங்களின் ஸ்ட்ரீமிங் சேவைகள் இணைக்கப்பட்டது.

ஜியோசினிமா ஏற்கனவே பல பிரச்சனைகளை எதிர்கொண்டு இருந்த நிலையில், அதை மூடிவிட்டு லட்டு மாதிரி இயங்கும் ஹாட்ஸ்டாரை முகேஷ் அம்பானி கைப்பற்றியுள்ளார். தற்போது இவை இரண்டும் இணைந்து JioHotstar ஆக உருவெடுத்துள்ளது. இதன் மூலம் இரு தளத்திலும் இருக்கும் அனைத்து கண்டென்ட்களும் ஓரே இடத்தில் வாடிக்கையாளர்களுக்கு அளிக்கப்பட உள்ளது. இதில் முக்கியமாக ஐபிஎல் போட்டிகள் குறித்து முக்கியமான அப்டேட் வெளியாகியுள்ளது.

ஜியோஹாட்ஸ்டார் அறிமுகத்துடன், புதிய சப்ஸ்கிரிப்ஷன் மாடலையும் அறிமுகம் செய்துள்ளது. தற்போது டிஸ்னி+ ஹாட்ஸ்டார் சப்ஸ்கிரிப்ஷன் செய்துள்ளவர்கள் எந்தவித இடையூறும் அல்லது தற்போதைய விலை கட்டமைப்பில் தொடர்ந்து பயன்படுத்தலாம்.

புதிய சப்ஸ்கிரிப்ஷன் மாடலில், மொபைல் வெர்ஷனுக்கு ரூ. 149, "சூப்பர்" திட்டத்திற்கு ரூ. 299 மற்றும் விளம்பரம் இல்லாத "பிரீமியம்" திட்டத்திற்கு ரூ. 349 என மூன்று மாத காலத்திற்கு இக்கட்டணம் நிர்ணயம் செய்யப்பட்டு உள்ளது. இதேபோல், ஜியோசினிமா பிரீமியம் பயனர்கள் தங்கள் தற்போதைய சப்ஸ்கிரிப்ஷன் காலத்தின் எஞ்சிய காலத்திற்கு ஜியோஹாட்ஸ்டார் பிரீமியத்திற்கு தானாகவே அப்கிரேட் செய்யப்படுவார்கள்.

ராய்ட்டர்ஸ் அறிக்கையின்படி, இனி ரசிகர்கள் சப்ஸ்கிரிப்ஷன் இல்லாமல் ஐபிஎல் போட்டிகளை பார்க்க முடியாது, ஆனால் லாக்இன் செய்யப்பட்டு போட்டிகள் துவங்கி சில நிமிடங்கள் மட்டுமே பார்க்க அனுமதிக்கப்படும். ஜியோசினிமா-வில் 2023 ஆம் ஆண்டு முதல் இலவச ஐபிஎல் ஸ்ட்ரீமிங் செய்யப்பட்டு வந்தது. ஆனால் 2025 ஆம் ஆண்டு முதல், முழு போட்டியையும் பார்க்க ரசிகர்கள் சப்ஸ்கிரிப்ஷன் செலுத்த வேண்டும்.

இதை தாண்டி ஜியோஹாட்ஸ்டார்-ல் இப்போது என்.பி.சி யுனிவர்சல் பீகாக், வார்னர் பிரதர்ஸ் டிஸ்கவரி, HBO மற்றும் பாரமவுண்ட் போன்ற முக்கிய ஹாலிவுட் ஸ்டுடியோக்களின் திரைப்படங்கள் மற்றும் தொடர்கள் உட்பட பல்வேறு கண்டென்ட் சேர்க்கப்பட்டு உள்ளது, இது அனைத்தும் முன்பு ஜியோ சினிமா தளத்தில் இருந்தது குறிப்பிடத்தக்கது.

மேலும் ஸ்போர்ட்ஸ் பிரிவில் ஐபிஎல், டபிள்யூபிஎல் மற்றும் ஐசிசி போன்ற முக்கிய கிரிக்கெட் போட்டிகள், பிரீமியர் லீக், விம்பிள்டன், புரோ கபடி மற்றும் ஐஎஸ்எல் போன்ற சர்வதேச விளையாட்டு நிகழ்வுகளும் ஸ்ட்ரீமிங் செய்யப்படும்.