AC விலை உயர்வு.. குளிச்சுக்கிட்டே ஸ்கூட்டரில் செல்லும் வாலிபர்.. வெயிலுக்கு ஜிலு ஜிலுன்னு ஒரு ஐடியா!

ஜோத்பூர்: இந்தியாவின் பல பகுதிகளில் நிலவி வரும் கடுமையான வெப்ப அலை காரணமாக ஏசி விற்பனை எதிர்பாராத அளவிற்கு அதிகரித்துள்ளது. இதன் காரணமாக, ஏசிக்கான தேவை அதிகரித்து, சந்தையில் அவற்றின் இருப்பு குறைந்து வருகிறது. இந்த அதிகரித்த தேவை காரணமாக, ஜூன் மாதத்தில் ஏசிக்கான விலைகள் 6-8% வரை உயர்ந்துள்ளன. இதனால், வெப்பத்தின் தாக்கத்தை குறைப்பதற்காக மக்கள் பல்வேறு வழிமுறைகளை கையாள வேண்டியுள்ளது. அதற்கு சான்றாக ஜோத்பூரை சேர்ந்த ஒருவர் தனது ஸ்கூட்டரிலேயே ஷவர் அமைத்துள்ளார்.

நம்மில் பலர் கடுமையான வெயிலில் இருந்து பாதுகாத்துக் கொள்வதற்கு ஏர் கூலர்கள், ஏர் கண்டிஷனர்கள், பேன் போன்றவற்றைப் பயன்படுத்துவோம். ஆனால் ராஜஸ்தான் ஜோத்பூரில் உள்ள ஒரு நபர் ஒரு புதுமையான வழியை கண்டுபிடித்துள்ளார். அதனை பார்ப்பதற்கு வேடிக்கையாக இருந்தாலும். இந்த யோசனையை பலர் பாராட்டி வருகின்றனர். இவர் இருசக்கர வாகனத்தில் தற்காலிக மழையை கொண்டு வந்துள்ளார். மேலும் இவரது வீடியோ இணையதளத்தில் அதிகம் பகிரப்பட்டு வருகிறது.

அந்த வீடியோவில் ஒரு நபர் ஸ்கூட்டரில் சென்று கொண்டே குளிப்பது போன்ற காட்சிகள் இடம்பெற்றுள்ளது. தனது ஸ்கூட்டரில் ஷவரின் அமைப்பை போன்ற ஒன்றை அந்த நபர் வடிவமைத்துள்ளார். ஒரு பைப் மற்றும் ஷவரை நீல நிற கேனுடன் இணைத்துள்ளார். அவருடைய இந்த செயலை பலர் ஆச்சரியத்துடன் பார்க்கின்றனர். சிலர் அவரை தங்களுடைய கேமராக்களை கொண்டு புகைப்படம் மற்றும் வீடியோ எடுக்கும் காட்சிகளும் அந்த வீடியோவில் இடம் பெற்றுள்ளது.

வெயில் கடுமையாக இருக்கும் பொழுது இருசக்கர வாகனத்தில் செல்வது கடினம்தான். ஏனெனில் இந்த வெயிலின் காரணத்தால் அனல் காற்று அதிகமாக இருக்கும். இவர் தற்பொழுது இருசக்கர வாகனத்தில் பயணிக்கும் பொழுதே வெயிலின் தாக்கத்திலிருந்து தப்பிப்பதற்கு இப்படி ஒரு யோசனையை கண்டறிந்துள்ளார். இவருடைய இந்த செயலைக் கண்டு பலரும் பாராட்டி வருகின்றனர்.

Fun with Singh என்ற இன்ஸ்டாகிராம் பேஜில் இந்த வீடியோ பகிரப்பட்டுள்ளது. ஜூன் 3ம் தேதி இன்ஸ்டாகிராமில் பகிரப்பட்ட இந்த வீடியோ, 22 மில்லியனுக்கும் அதிகமான பார்வையாளர்களை கடந்து லைக்ஸ்களை குவிக்கிறது. மேலும் இந்த வீடியோவை கண்ட பலர் அவர்களுடைய கருத்துக்களை கூறி வருகின்றனர்.

நீ கண்டுபிடித்த இந்த டெக்னிக், இந்தியாவை விட்டு வெளியே செல்லக்கூடாது என்று ஒருவர் நகைச்சுவையாகக் கருத்து தெரிவித்துள்ளார். மற்றொருவர் " man rocked people shocked"என்று கமெண்ட் செய்துள்ளார். வெப்பத்தை போக்குவதற்கு இது ஒரு சிறந்த யோசனை என்று மற்றொரு இன்ஸ்டாகிராம் பயனர் கூறியுள்ளார். இதுபோன்று பல மக்கள் அவர்களுடைய சொந்தக் கருத்தினை இந்த வீடியோவின் கமெண்ட் பாக்ஸில் பதிவிட்டு வருகின்றனர்.

இன்ஸ்டாகிராமில் இந்த வீடியோ " fun with singh" என்ற ID-யில் garmi go என்ற தலைப்பில் பகிரப்பட்டு வருகிறது. நீங்களும் இந்த வீடியோவை பார்க்க வேண்டும் என்றால் மேலே குறிப்பிட்ட ID-யில் சென்று பார்க்கலாம். அந்த வீடியோவில் ஒருவர் மஞ்சள் டீ-ஷர்ட் அணிந்து ஸ்கூட்டர் பயணிக்கும் பொழுதே நனைவது போன்று காணப்படும். அந்த வீடியோவை கிளிக் செய்து நீங்கள் முழு வீடியோவையும் பார்க்கலாம். இதனை மக்கள், பயண குளியல் என்று கூறி வீடியோவை பகிர்ந்து வருகின்றனர்.